Ամուր նյարդեր են պետք. Փաշինյանն անդրադարձավ սահմանային միջադեպերին

© Sputnik / Asatur YesayantsАрмянский и азербайджанский посты у Сотка
Армянский и азербайджанский посты у Сотка - Sputnik Արմենիա, 1920, 13.01.2022
Բաժանորդագրվեք
Yandex newsTelegram
Վարչապետը նշեց, որ հարկավոր է ամեն ինչ անել, որ ՀՀ շուրջ ձևավորվի կայուն ու անվտանգ միջավայր։ Նրա խոսքով, կառավարությունը հետևողականորեն շարժվելու է իր հռչակած ճանապարհով։
ԵՐԵՎԱՆ, 13 հունվարի - Sputnik. Երկրի զարգացման խաղաղ օրակարգ բացելու համար մեզ ամուր նյարդեր են պետք։ Այսօր կառավարության նիստում հայտարարեց ՀՀ վարչապետ Նիկոլ Փաշինյանը` անդրադառնալով սահմանային վերջին միջադեպերին ու դրանց հետևանքով հայկական կողմի ունեցած զոհերին։
ԵԱՀԿ–ն Հայաստանին և Ադրբեջանին հորդորում է զերծ մնալ ուժի կիրառումից
«Ցավոք, մենք շարունակում ենք միջադեպեր ու զոհեր ունենալ սահմանին։ Մեր քաղաքականությունը մենք հռչակել ենք, այն քաղաքականության ծրագրում արտահայտված է, որ մեր երկրի առաջնահերթ խնդիրներից մեկը մեր երկրի պաշտպանունակությունը բարձրացնելն է։ Բայց նաև մյուս կողմից ասել եմ, որ մեր հռչակած` մեր երկրի և տարածաշրջանի համար խաղաղ զարգացման օրակարգ բացելու համար մեզ ամուր նյարդեր են հարկավոր, որովհետև շատերն անընդհատ փորձելու են ապացուցել և ցույց տալ, որ դա հնարավոր չէ»,– ասաց Փաշինյանը` հավելելով, որ կառավարությունը հետևողականորեն շարժվելու է իր հռչակած ճանապարհով։
«Պետք է ամեն ինչ անենք, որ մեր երկրի շուրջ ձևավորվի կայուն ու անվտանգ միջավայր»,– ասաց նա։
Ինչպես են մեր զինվորները պայթեցնում ադրբեջանցիների զինամթերքի պահեստը հունվարի 11–ին - Sputnik Արմենիա, 1920, 12.01.2022
Հունվարի 11–ին մեր զինվորները պայթեցրել են ադրբեջանցիների զինամթերքի պահեստը. տեսանյութ
ՊՆ–ն հունվարի 11–ին հայտնեց, որ Ադրբեջանի ԶՈւ–ն ժամը 15։15-ի սահմանում կրակ է բացել Վերին Շորժայի հատվածում։ Ավելի ուշ հայտնի դարձավ, որ ադրբեջանցիները կիրառել են հրետանի և ԱԹՍ, հայկական կողմն ունի 2 զոհ և 2 վիրավոր։ Հունվարի 12-ին ՊՆ–ն տեղեկացրեց, որ հայկական կողմը ևս մեկ զոհ ունի։
Հիշեցնենք, որ 2021 թվականի մայիսի 12-ից ադրբեջանական զինուժը ներխուժել է Հայաստանի ինքնիշխան տարածք։ Նրանք գտնվում են Սյունիքի Սև լճի շրջանում՝ փորձելով ամրապնդվել այնտեղ, ինչպես նաև Գեղարքունիքի մարզում։
Մայիսի վերջին Փաշինյանն ադրբեջանական կողմին առաջարկել էր զորքերի հայելային հետ քաշում իրականացնել և այդ հատվածում միջազգային դիտորդներ տեղակայել՝ սահմանների հետագա հստակեցման նպատակով: Առաջարկը դեռ անտեսվում է։
Լրահոս
0