https://arm.sputniknews.ru/20220113/armenikumn-u-herheri-hidrvoelektrakajany-pn-in-ajlevs-petq-chen-37476002.html

«Արմենիկումն» ու Հերհերի հիդրոէլեկտրակայանը ՊՆ-ին այլևս պետք չեն

«Արմենիկումն» ու Հերհերի հիդրոէլեկտրակայանը ՊՆ-ին այլևս պետք չեն

Sputnik Արմենիա

ՊՆ-ին պատկանող ընկերությունների բաժնետոմսերը փոխանցվում են Տարածքային կառավարման և ենթակառուցվածքների նախարարությանը` հետագայում մասնավորեցնելու նպատակով։ 13.01.2022, Sputnik Արմենիա

2022-01-13T14:15+0400

2022-01-13T14:15+0400

2022-01-13T14:18+0400

հհ պաշտպանության նախարարություն (պն)

հիդրոէլեկտրակայան (հէկ)

գույք

https://cdn.am.sputniknews.ru/img/536/28/5362851_0:67:1000:630_1920x0_80_0_0_c6773ced7d2e7fe4eedf19f3d017f319.jpg

ԵՐԵՎԱՆ, 13 հունվարի – Sputnik. 100 տոկոս պետության սեփականություն հանդիսացող «Արմենիկում» ՓԲԸ–ն ու «Հեր-Հեր» հիդրոէլեկտրակայանը հետ կվերցվեն ՀՀ պաշտպանության նախարարությունից ու կփոխանցվեն ՀՀ տարածքային կառավարման և ենթակառուցվածքների նախարարությանը։ Համապատասխան որոշումն ընդունվել է ՀՀ կառավարության այսօրվա նիստում` առաց քննարկման ու զեկուցման։Կառավարության պաշտոնական կայքում հրապարակված նախագծի համաձայն, տվյալ ընկերությունների բաժնետոմսերի այս փոխանցումը կատարվում է դրանք հետագայում օտարելու նպատակով։ Երբ ու ինչ կարգով են դրանք օտարվելու, նախագիծը չի մանրամասնում։ ՀԷԿ–երի լիցենզիայի կասեցումից մինչև կենդանասեր գործիչներ. նախարարն ասաց` ինչ են նախատեսումՆշվում է միայն, որ «Հեր–Հեր»–ը փոքր հիդրոէլեկտրակայան է, զբաղեցնում է 1000 քմ հողատարածք, 351 քմ շենք-շինություններով, որտեղ աշխատում է 10 մարդ։ ՀԷԿ–ի արտադրած էլեկտրաէներգիան վաճառում է «ՀԷՑ»–ին:«Հեր-Հեր» ՀԷԿ-ը ստեղծվել ու պաշտպանության նախարարության հաշվեկշռում է ներառվել կառավարության 13.04.2017թ. որոշմամբ։Հետաքրքրական է, որ այն հիշյալ որոշմամբ առանձնացվել է նախարարությանը պատկանող «Արմ-Աէրո» ՓԲԸ-ից, որի բաժնետոմսերի 100 տոկոսը նույնպես պատկանում էր ՊՆ–ին։ Նույն որոշմամբ բնապահպանության նախարարին հանձնարարարական էր տրվել՝ նորաստեղծ ՀԷԿ–ին ջրօգտագործման թույլտվություն տրամադրելու։Ժամանակին մամուլն այս գործարքը կապում էր ՀՀ այն ժամանակվա նախագահ Սերժ Սարգսյանի փեսա, Վատիկանում ՀՀ դեսպան Միքայել Մինասյանի հետ, քանի որ համանման մեկ այլ գործարքով արդեն ՊՆ-ի կազմում էր հայտնվել Մինասյանի հետ փոխկապակցված «Ձորա ՀԷԿ»-ը:Ինչ վերաբերում է «Արմենիկում» ՓԲԸ-ին, այն ստեղծվել էր կառավարության 1999թ հուլիսի 1-ի որոշմամբ, երբ Սերժ Սարգսյանը Ազգային անվտանգության նախարարն էր: Իսկ պաշտպանության նախարարությանն է փոխանցվել կառավարության 08.04.2004թ.–ի որոշմամբ, երբ Սերժ Սարգսյանն արդեն պաշտպանության նախարար էր։1999թ–ի որոշմամբ, «Արմենիկումի» լիարժեք գործունեությունն ապահովելու համար այդ հիմնարկին էր տրամադրվել Երևանի Ավան թաղամասում գտնվող` Մոր և մանկան հիվանդանոցի անավարտ շենքը, որի շինարարությունը պետական միջոցներով 1 ամսում ավարտվել էր ու հանձնվել շահագործման։«Արմենիկումն» իր գործունեությունը որպես ինֆեկցիոն հիվանդանոց շարունակեց մինչև 2020թ.–ը` իրականացներով պետական պատվերի շրջանակներում բուժծառայությունների մատուցման ծրագրեր: Սակագների հնարավոր աճը Հայաստանի էներգետիկայի ոլորտում խորը ճգնաժամի նշան է. փորձագետներԱյսօր այդ հիմնարկում իրականացվում են լաբորատոր հետազոտություններ` մասնավոր պատվերների հիման վրա, տարածքները վարձակալությամբ են տրամադրվում այլ կազմակերպությունների։ Աշխատողների թիվը 2020թ–ին կատարված կրճատումների արդյունքում ներկա պահին 14 է։Հիմնարկի հաշվեկշռում է 0.92 հա հողատարածքը և 4467.34 ք.մ. շենք-շինություններ:

https://arm.sputniknews.ru/20211213/amberd-hekum-stugumner-en-arvel-14-mln-dram-vnasi-hatucman-pahanj-e-nerkajacvel-36429009.html

2022

Լուրեր

am_HY

հհ պաշտպանության նախարարություն (պն), հիդրոէլեկտրակայան (հէկ), գույք