Կառավարությունը հաստատեց նոր մարզպետների նշանակումները

© Photo : official site of the Prime minister of RAՀՀ Կառավարության հերթական նիստը (13 հունվարի, 2022թ). Երևան
ՀՀ Կառավարության հերթական նիստը (13 հունվարի, 2022թ). Երևան - Sputnik Արմենիա, 1920, 13.01.2022
Բաժանորդագրվեք
Yandex newsTelegram
Նոր մարզպետները «ՔՊ» խմբակցության անդամ պատգամավորներ են, ովքեր օրեր առաջ հրաժարվել են մանդատներից։
ԵՐԵՎԱՆ, 13 հունվարի – Sputnik. Կառավարության այսօրվա նիստում հաստատված որոշմամբ Արագածոտնի մարզպետի Ռազմիկ Պետրոսյանն ու Արարատի մարզպետ Ռազմիկ Թևոնյանն ազատվեցին զբաղեցրած պաշտոններից։
Կառավարության այլ որոշումներով Արագածոտնի մարզպետ նշանակվեց Սերգեյ Մովսիսյանը, Արարատի մարզպետ` Սեդրակ Թևոնյանը։
Վաղարշակ Հարությունյանը նշանակվել է Ռուսաստանում ՀՀ դեսպան
Նորանշանակ մարզպետները ներկա էին կառավարության նիստում, նրանց շնորհավորեց վարչապետ Փաշինյանը։ Մարզպետները շնորհակալություն հայտնեցին վստահության համար ու խոստացան աշխատել ի բարօրություն մարզի ու մարզաբնակների։
Հիշեցնենք, որ Ռազմիկ Պետրոսյանն Արագածոտնի մարզպետի պաշտոնում նշանակվել էր մոտ 3 ամիս առաջ` 2021-ի հոկտեմբերի 28-ին։ Դրանից առաջ` 2020-ի հոկտեմբերի 30-ից, նա Արագածոտնի փոխմարզպետն էր։
Պետրոսյանն արցախյան շարժման առաջամարտիկներից է` 1990թ. հունվարից անդամագրվել է Ապարանի կամավորական ջոկատին, եղել է ՀՀ հատուկ գնդի Ապարանի վաշտի հրամանատարի տեղակալ։
© Photo : official site of the Prime minister of RAՍերգեյ Մովսիսյանը ՀՀ Կառավարության հերթական նիստի ժամանակ (13 հունվարի, 2022թ). Երևան
Սերգեյ Մովսիսյանը ՀՀ Կառավարության հերթական նիստի ժամանակ (13 հունվարի, 2022թ). Երևան - Sputnik Արմենիա, 1920, 13.01.2022
Սերգեյ Մովսիսյանը ՀՀ Կառավարության հերթական նիստի ժամանակ (13 հունվարի, 2022թ). Երևան
Նրան այդ պաշտոնում փոխարինած Սերգեյ Մովսիսյանը ԱԺ «ՔՊ» խմբակցության պատգամավոր էր, որը հունվարի 4-ին պատգամավորական մանդատից հրաժարվելու դիմում էր ներկայացրել։
Ինչ վերաբերում է Արարատի մարզի ղեկավարին՝ Ռազմիկ Թևոնյանին փոխարինած Սեդրակ Թևոնյանը նրա որդին է։
© Photo : official site of the Prime minister of RAՍեդրակ Թևոնյանը ՀՀ Կառավարության հերթական նիստի ժամանակ (13 հունվարի, 2022թ). Երևան
Սեդրակ Թևոնյանը ՀՀ Կառավարության հերթական նիստի ժամանակ (13 հունվարի, 2022թ). Երևան - Sputnik Արմենիա, 1920, 13.01.2022
Սեդրակ Թևոնյանը ՀՀ Կառավարության հերթական նիստի ժամանակ (13 հունվարի, 2022թ). Երևան
Ռազմիկ Թևոնյանն Արարատի մարզպետ էր նշանակվել 2020-ի դեկտեմբերի 10-ին։ Նա 2021թ–ի սեպտեմբերի 9-ին հրաժարվել էր մարզպետի պաշտոնից, բայց մի քանի օր անց հետ էր վերցրել հրաժարականի դիմումը:
Նրա որդին` անկուսակցական Սեդրակ Թևոնյանը ևս հունվարի 4-ին ԱԺ «ՔՊ» պատգամավորի մանտադից հրաժարվելու դիմում էր ներկայացրել:
Լրահոս
0