ՄԻՊ–ը հայտնել է, թե ինչպես են 4 զինված ադրբեջանցիներ առևանգել հովվին ու նրա 450 ոչխարները

© Sputnik / Владимир Федоренко / Անցնել ֆոտոբանկԱրխիվային լուսանկար
Արխիվային լուսանկար - Sputnik Արմենիա, 1920, 13.01.2022
Արխիվային լուսանկար
Բաժանորդագրվեք
Միջադեպի մասին տեղեկացված են ՌԴ սահմանապահ ծառայության ներկայացուցիչները, որոնք աշխատանքներ են տանում ՀՀ քաղաքացուն ու նրա ոչխարները վերադարձնելու ուղղությամբ:
ԵՐԵՎԱՆ, 13 հունվարի – Sputnik. ՀՀ մարդու իրավունքների պաշտպան Արման Թաթոյանն անդրադարձել է ադրբեջանցիների կողմից Տեղ գյուղի բնակչին ու նրա ոչխարները գողանալու դեպքին։ Համապատասխան հրապարակումը Թաթոյանն արել է Facebook–ի իր էջում։
Նշվում է, որ ՄԻՊ–ին հասցեագրվել է ահազանգ այն մասին, որ ադրբեջանական 4 զինված ծառայող այսօր հանցավոր արարքներով առևանգել են ՀՀ Սյունիքի մարզի Տեղ համայնքի Տեղ գյուղի բնակչին ու նրա ոչխարները։
Հովիվ, արխիվային լուսանկար - Sputnik Արմենիա, 1920, 13.01.2022
Ադրբեջանցիներն առևանգել են Տեղ համայնքի հովվին. բանակցություններ են ընթանում
Ըստ ահազանգի` առևանգումից առաջ ՀՀ բնակիչը Տեղ, Արավուս և Խնածախ գյուղերի հատման հատվածում գտնվող արոտավայրում արածնելիս է եղել իր ոչխարներին:

«Ժամը 15:30-ի սահմաններում Ադրբեջանի 4 զինված ծառայող, նկատելով ՀՀ խաղաղ բնակչին, իջել են իրենց դիրքերից մոտ 150մ և նրա վրա գոռգոռալով, քաշքշելով, ուժի գործադրմամբ տարել են դեպի իրենց կողմը՝ Ծիծեռնավանքի ուղությամբ: Խոսքը նաև բնակչի հետ միասին 400-450 ոչխար առևանգելու մասին է»,–գրել է Թաթոյանը:

ՄԻՊ–ի խոսքով`ահազանգը ճշգրտվել է։ Ըստ լրացուցիչ ճշտման՝ միջադեպի մասին տեղեկացված են ՌԴ սահմանապահ ծառայության ներկայացուցիչները, որոնք աշխատանքներ են տանում ՀՀ քաղաքացուն ու նրա ոչխարները վերադարձնելու ուղղությամբ:
9 ադրբեջանցի զինվոր գողացել ու մորթել են Վերին Շորժայի հովվի կովը. ՀՀ ՄԻՊ
Թաթոյանի խոսքով`այս ահազանգը վկայում է ադրբեջանական զինված ծառայողների հանցավոր արարքներով ՀՀ խաղաղ բնակչի կյանքի, անձնական ազատության և սեփականության իրավունքների նկատմամբ հանցավոր ոտնձգության մասին:
Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցիչ Տոյվո Կլաարը ՀՀ վարչապետի հետ հանդիպման ժամանակ (30 նոյեմբերի, 2021թ). Երևան - Sputnik Արմենիա, 1920, 12.01.2022
ԵՄ-ն պատրաստ է աշխատել Հայաստանի և Ադրբեջանի հետ «զինված ուժերի հետքաշման հարցում». Կլաար
«Այս միջադեպն ապացուցում է, որ ՀՀ գյուղերի հարևանությամբ ու ճանապարհներին ադրբեջանական որևէ ծառայող չպետք է լինի:Այս հարցի լուծումը հրատապ է. պետք է լինի անվտանգության ապառազմականացված գոտի»,–շեշտել է պաշտպանը։
Այս միջադեպի փաստը կներառվի Մարդու իրավունքների պաշտպանի միջազգային հաղորդումներում։
Ավելի վաղ` հայտնել էինք, որ ադրբեջանցիներն առևանգել են Տեղ համայնքի հովվին` Սուրիկ Մաթևոսյանին։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала