Фон для радио  - Sputnik Արմենիա, 1920
ՌԱԴԻՈ

Վարդենիսի համայնքապետի աշխատասենյակի բանալին և կնիքն անհետացել են

Համայնքի կառավարումը քաոսային վիճակում է. Դավիթ Շահնազարյան
Բաժանորդագրվեք
Վարդենիս խոշորացված համայնքի նորընտիր ավագանու անդամ Դավիթ Շահնազարյանը Sputnik Արմենիայի հետ զրույցում անդրադարձել է Վարդենիս խոշորացված համայնքի կառավարման դժվարություններին։
Վարդենիսի համայնքապետի աշխատասենյակի բանալին և կնիքն անհետացել են։ Տեղեկությունը Sputnik Արմենիայի հետ զրույցում հայտնեց Վարդենիս խոշորացված համայնքի ավագանու անդամ, «Միասնական Վարդենիս» դաշինքի անդամ Դավիթ Շահնազարյանը։

«Վարդենիսի նախկին ղեկավարությունը խոչընդոտում է նորընտիր համայնքապետի և ընտրված ավագանու աշխատանքներին։ Համայնքի ղեկավարի որոշումների կայացման ընթացքը, կարգադրությունների կայացման ընթացքը համայնքի կառավարման առումով ամբողջովին քաոսային վիճակում է»,- ասաց նա։

Նրա խոսքով` ստացվում է` «Վարդենիս» խոշորացված համայնքը փաստացի ղեկավար ունի, բայց այս քաոտիկ իրավիճակը խանգարում է արդյունավետ կառավարման և խոշորացված համայնքի արագ ձևավորման գործընթացը որպես մեկ միասնական միավորի այն դեպքում, երբ սահմանամերձ բնակավայրերում գրեթե ամեն օր թշնամու կրակոցների ձայները չեն լռում։

«Պետք է վարչական շրջաններ ձևավորվեն, վարչական շրջանների ղեկավարներ, համապատասխան օպերատորներ, աշխատակազմ պետք է ձևավորվի, հաստիքացուցակ, համայնքի տարեկան բյուջեի նախագիծ պետք է կազմվի, տարեկան բյուջե պետք է կազմել արդեն ամբողջ Վարդենիս համայնքի համար, սակայն կիսապատերազմական վիճակում գտնվող Վարդենիսում արդյունավետ կառավարումն այսօր անհնարին է դարձել»,- նշեց Շահնազարյանը։

Իսկ քանի դեռ համայնքապետարանի շենք մուտք գործելն արգելված է , «Միասնական Վարդենիս» դաշինքի ավագանին Ահարոն Խաչատրյանի հետ միասին երեկ այցելել են Նորաբակ և Կութ համայնքներ, ծանոթացել բնակիչների առօրյա հոգսերին, լսել նրանց մտահոգությունները սահմանային իրավիճակի մասին։
Քաղաքագետը Վարդենիսում իշխանության յուրացման, քաղաքացիական բախումներ հրահրելու հատկանիշներ է նկատում - Sputnik Արմենիա, 1920, 04.01.2022
ՌԱԴԻՈ
ՔՊ–ի թեկնածուն փորձում է Վարդենիսում խմբագրել համայնքի էլեկտորալ տրամադրությունները
«Կրակոցները մարդկանց համար դարձել են առօրեական։ Քանի որ այս դեպքում հրետանային միջոցների կիրառում էր տեղի ունեցել, մի քիչ անհանգստություն կար, բայց մարդիկ կարծես թե ընտելանում են այդ վիճակին, որն, իհարկե, ցավալի է, որ մանկահասակ երեխայի համար անգամ այդ կրակոցները դարձել են կենցաղային ուղեկցող երևույթ։
Հիշեցնենք 2021թ.–ի դեկտեմբերի 5-ին կայացած ՏԻՄ ընտրություններում ՔՊ–ն ստացավ 13, «Ահարոն Խաչատրյան» դաշինքը` 10, իսկ «Միասնական Վարդենիս» դաշինքը` 4 մանդատ։
Եթե պատիվ ունեք. Վարդենիսի համայնքապետի ՔՊ-ական թեկնածուն առաջարկում է գնալ նոր ընտրության
«Ահարոն Խաչատրյան» և «Միասնական Վարդենիս» դաշինքները միավորվեցին, բայց դրանից հետո մեղադրանք առաջադրվեց «Միասնական Վարդենիսը» գլխավորող, Վարդենիսի նախկին ղեկավար Արամ Հարությունյանին. նա կալանավորվեց։
Նոր ընտրությունների մասին խոսելն անիմաստ է. Շահնազարյանը` Մելքոնյանի առաջարկի մասին - Sputnik Արմենիա, 1920, 07.01.2022
ՌԱԴԻՈ
Նոր ընտրությունների մասին խոսելն անգամ անիմաստ է. Շահնազարյանը` Վարդենիսի մասին
Դեկտեմբերի 30-ին Վարդենիսի ավագանու ընդդիմադիր ներկայացուցիչները նիստ գումարեցին և քաղաքապետ ընտրեցին Ահարոն Խաչատրյանին: Վարդենիսի համայնքապետի ՔՊ-ական թեկնածու Արամ Մելքոնյանն էլ ընդդիմությանն առաջարկեց վայր դնել մանդատները ու նոր ընտրություն անցկացնել:

Իսկ հունվարի 4–ին Վարդենիսում համայնքապետարանի բակում տեղի ունեցավ նորընտիր համայնքապետ «Ահարոն Խաչատրյան» դաշինքի առաջնորդ Ահարոն Խաչատրյանի երդմնակալության արարողությունը:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала