Հայաստանը կարող է Ադրբեջանից գազի տարանցող դառնալ, բայց պետք է սեփական պայմանները դնի

© Sputnik / Aram NersesyanПресс-конференция с участием кандидата экономических наук Ара Каряна на тему транзита газа по территории Армении (14 января 2022). Еревaн
Пресс-конференция с участием кандидата экономических наук Ара Каряна на тему транзита газа по территории Армении (14 января 2022). Еревaн - Sputnik Արմենիա, 1920, 14.01.2022
Բաժանորդագրվեք
Արա Քառյանը կարծում է, որ էլեկտրաէներգիայի ու հատկապես գազի տարանցումը կբարձրացնի Հայաստանի նկատմամբ միջազգային հետաքրքրությունը, ուստի այդ ամբողջ ենթակառուցվածքը պետք է պետության տրամադրության տակ լինի:
ԵՐԵՎԱՆ, 14 հունվարի - Sputnik. Հայաստանը կարող է Թուրքմենստանի և Ադրբեջանի գազի տարանցողը դառնալ Մեղրիի տարածքով, սակայն երկրի տրամադրության տակ պետք է լինի ողջ տարանցիկ ենթակառուցվածքը հայկական տարածքում։ Sputnik Արմենիա միջազգային մուլտիմեդիոն կենտրոնում կայացած մամուլի ասուլիսի ժամանակ նման կարծիք է հայտնել տնտեսական գիտությունների թեկնածու, Հայ-ռուսական համալսարանում Անդրկովկասի, Իրանի և Փոքր Ասիայի տնտեսության համեմատական ուսումնասիրության հարթակի համակարգող Արա Քառյանը։
Թուրքիայում բարձրացել է բնական գազի սակագինը
Նա հիշեցրեց, որ Ադրբեջանն ու Թուրքմենստանը պայմանավորվում են Կասպից ծովում վիճելի «Դոստլուկ» հանքավայրի շահագործման շուրջ (որի պատճառով երկու երկրների հարաբերությունները երկար ժամանակ լարված էին): Այժմ նախադրյալներ կան, որ թուրքմենական գազը մեծ ծավալներով Եվրոպա կուղղվի գործող խողովակաշարերով՝ հարավկովկասյան (Բաքու-Թբիլիսի-Էրզրում), այնուհետեւ՝ Տրանսանատոլիական (TANAP) ու Տրանսադրիատիկական (TAP) գազատարներով:
Քառյանը պարզաբանեց, որ Ադրբեջանը միայնակ գազի եվրոպական շուկայում փոքր խաղացող է, բայց եթե Թուրքմենստանը համաձայնի իր գազն այդ երթուղով ուղարկել, իրավիճակը կփոխվի։
Գազօջախ - Sputnik Արմենիա, 1920, 07.01.2022
Ապրիլի 1-ից գազը կարող է թանկանալ. ԶԼՄ
Հիշեցնենք, որ British Petroleum-ի վիճակագրության համաձայն՝ Ռուսաստանն ունի գազի համաշխարհային պաշարների 19,9 տոկոսը, Ադրբեջանը՝ 1,3 տոկոսը: Բայց եթե թուրքմենական գազը նշված երթուղով անցնի, ապա եվրոպական էներգետիկ շուկան կարող է զգալիորեն փոխվել։ Թուրքմենստանն ունի գազի համաշխարհային պաշարների 7,2%-ը, սակայն առայժմ նրա վաճառքի միակ խոշոր շուկան Չինաստանն է:
«Բնականաբար, քաղաքական տրամադրությունները հիմնականում որոշվում են էներգետիկ հոսքերով, ու դա ուղղակիորեն վերաբերում է Հարավային Կովկասի իրավիճակին», - նշեց Քառյանը:
Նա ընդգծեց, որ այդ պատճառով, եթե Ադրբեջանը շարունակի Արաքսի ափով Նախիջևան գնացող գազատար կառուցել, ապա Հայաստանը, ելնելով սեփական շահերից, կարող է համաձայնել դրան, բայց միայն այն պայմանով, որ ինքը կկառուցի Մեղրիով անցնող իր հատվածը ու ինքը կվերահսկի գազի հոսքը ՀՀ տարածքով:
Կեղծ և սուտ են». «Գազպրոմը»` դեպի Եվրոպա գազի անբավարար մատակարարումների մեղադրանքի մասին
Նույնը վերաբերում է էլեկտրաէներգիայի տարանցմանը։ Իրանից Հայաստան և Վրաստան գնացող բարձր լարման գծերը Ռուսաստան-Վրաստան-Հայաստան-Իրան էներգետիկ միջանցք կստեղծեն։
Փորձագետն ամփոփեց, որ էներգառեսուրսների տարանցումը Հայաստանն ավելի գրավիչ կդարձնի համաշխարհային տերությունների համար, քանի որ դրա հետ կապված զգալի ֆինանսական շահեր կլինեն:
Նշենք, որ տարածաշրջանային հաղորդակցությունների ապաշրջափակմամբ զբաղվում է աշխատանքային խումբը՝ Հայաստանի, Ռուսաստանի և Ադրբեջանի փոխվարչապետերի գլխավորությամբ: Առայժմ նրանք քննարկում են երկաթուղիների ու երկաթուղային հաղորդակցության վերականգնումը։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала