Фон для радио  - Sputnik Արմենիա, 1920
ՌԱԴԻՈ

Կառավարությունը հրաժարվել է սակագները մինչև վերջին սահմանն անփոփոխ պահելու պրակտիկայից

Մարջանյան. Էլեկտրաէներգիայի սակագնային քաղաքականությանը կարելի է համարել բավարար
Բաժանորդագրվեք
ՄԱԿ–ում Էներգետիկայի գծով Հայաստանի ազգային փորձագետ Արա Մարջանյանը Sputnik Արմենիայի եթերում անդրադարձել է հայկական ԱԷԿ–ում առաջացած ֆինանսական խնդիրներին և դրանցով պայմանավորված սակագնային քաղաքականությանը։
Ատոմակայանում ֆինանսական խնդիրների լուծմանն ուղղված կառավարության միջոցառումը կարճաժամկետ բյութ ունի և կավարտվի վարկային միջոցների մարման հետ միասին։ Sputnik Արմենիայի հետ զրույցում ասաց էներգետիկ փորձագետ Արա Մարջանյանը։
«Ատոմակայանում աշխատանքի ոչ պլանային դադարներ նախատեսված չեն, այն կկանգնի միայն վերալիցքավորման համար նախատեսված ժամկետներում»,– նշեց էներգետիկ փորձագետը։
ԱԷԿ-ում ֆինանսական խնդիրներ են առաջացել. փորձում են կանխել էլեկտրաէներգիայի նոր թանկացումը

Անդրադառնալով կառավարության կողմից էլեկտրաէներգիայի սակագնային քաղաքականությանը` Մարջանյանն ընդգծեց, որ այն կարելի է համարել բավարար այն իմաստով, որ մինչ օրս հնարավոր է եղել խուսափել կտրուկ թանկացումներից, և կառավարությունը նախկինում ընդունված սակագները մինչև վերջին հնարավոր սահմանն անփոփոխ պահելու, այնուհետև հասարակությանն ու Հայաստանի ողջ տնտեսությունը ցնցումների ենթարկելու արատավոր պրակտիկայից կարծես թե հրաժարվել է։

Մարջանյանի կարծիքով` ՀՀ կառավարությունը փորձում է սահուն կերպով բարձրացնել սակագները, բայց մեզանում շարունակում է մնալ ֆունդամենտալ պրոբլեմը, այն է` հատկապես արտադրող և քիչ թե շատ շոշափելի ծավալով սպառողների համար բոլոր տեսակի սակագնային վճարումներն անթույլատրելի բարձր տոկոս են կազմում եկամուտների համեմատ, և այդ համամասնությունը Հայաստանում խախտված է արդեն քսանհինգ տարի, իսկ կառավարությանն այդպես էլ չի հաջողվել գտնել խախտված համամասնության շտկման բանալին։
Նշենք, որ Հանրային ծառայությունները կարգավորող հանձնաժողովի` 2020 թվականի դեկտեմբերի 29-ի որոշմամբ հաստատված 2021-2022թթ. ատոմակայանի էլեկտրաէներգիայի սակագնում 10,187.17 մլն դրամով պակաս են հաշվարկվել 2-րդ էներգաբլոկի շահագործման ժամկետի երկարաձգման աշխատանքների համար ներգրավված վարկերի մարման և սպասարկման ծախսերը։
Արդյունքում` 2021-2022թթ. սակագնային տարում ատոմակայանում առաջանալու է ֆինանսական ճեղքվածք, ինչն իր հերթին կազդի սպառողներին մատակարարվող էլեկտրաէներգիայի ընդհանուր սակագնի վրա։
ՀՀ կառավարությունը հունվարի 13-ին որոշում է կայացրել թույլատրել Հայկական ատոմակայանին 2021 թվականին ատոմակայանի վերագործարկման նպատակով հատկացրած գումարից 6 մլրդ դրամն ուղղել վարկերի մարման և սպասարկման ծախսերի փոխհատուցմանը։
Կառավարությունը Զանգեզուրի կոմբինատի իր բաժնետոմսերը կառավարման է հանձնում ԱՆԻՖ–ին
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала