Միայն քանդակը՝ 33 մետր. Ծառուկյանն ուզում է Հայաստանում Հիսուս Քրիստոսի արձանը տեղադրել

Բաժանորդագրվեք
Yandex newsTelegram
Գագիկ Ծառուկյանն ուզում է ամենաբարձունքում Հիսուս Քրիստոսի արձանը տեղադրել։ Քանդակի ընդհանուր բարձրությունը կարող է 60 մետրից ավել լինել։
Հայաստանում կտեղադրվի Հիսուս Քրիստոսի արձանը. «Գագիկ Ծառուկյան» բարեգործական հիմնադրամը 2022 թվականն սկսում է նոր մեգանախագծով։ Ծառուկյանի ֆեյսբուքյան էջում տեսանյութ է հրապարակվել, որտեղ ԲՀԿ նախագահ Գագիկ Ծառուկյանը հայտնում է այդ մասին։

«Աշխարհում առաջին քրիստոնյա ազգը լինելով՝ Հայաստանում պետք է ունենանք Հիսուս Քրիստոսի արձանը՝ ամենաբարձունքում։ Իմ ընտանիքի անունից ուզում եմ այս նախագիծը կյանքի կոչել` հանձնարարությունն արդեն տվել եմ, ճարտարապետներն ու քանդակագործները զբաղվում են»,–ասում է Ծառուկյանը։

Ծառուկյանի ցանկությամբ քանդակը պետք է լինի խորհրդանշանական բարձրությամբ. միայն քանդակը՝ 33 մետր, ինչպես Ծառուկյանն է ասում` Հիսուսի ապրած տարիների չափ։ Ի դեպ, պատվանդանով քանդակի ընդհանուր բարձրությունը կարող է կրկնակի կամ եռակի ավել լինել։
Гагик Царукян на митинге оппозиции (20 февраля 2021). Еревaн - Sputnik Արմենիա, 1920, 04.08.2021
Գագիկ Ծառուկյանը դադարեցրել է թիմակիցների հետ շփումը. «Ժողովուրդ»
«Ուզում եմ մրցույթ հայտարարել` ամենաուժեղը կպարգևատրվի մեծ պարգևատրումով: Իմ նպատակն է, որ ամենաբարձունքում Հիսուս Քրիստոսի արձանը ճանապարհ ցույց տա»,–ասում է Ծառուկյանը։
Նա հավելում է, որ հենց այս տարի արձանի հիմքը կդրվի։
Լրահոս
0