Фон для радио  - Sputnik Արմենիա, 1920
ՌԱԴԻՈ

Դոմինոյի էֆեկտով կլինի գնաճի հերթական ալիքը. տնտեսագետը` գազի հնարավոր թանկացման մասին

Ամիրխանյան. Գազի սակագնի թանկացումը հերթական բացասական ազդակն է ՀՀ տնտեսության համար
Բաժանորդագրվեք
«Հայացք» վերլուծական կենտրոնի փորձագետ, տնտեսագետ Լիլյա Ամիրխանյանը Sputnik Արմենիայի եթերում անդրադարձել է գազի սակագնի հնարավոր թանկացման հարցին։
Գազի սակագնի վերաբերյալ հայտն անակնկալ չէր, քանի որ «Գազպրոմ Արմենիան» նախկինում նույնպես հանդես էր եկել նման հայտով, որը մասնակիորեն բավարարվեց ՀԾԿՀ–ի կողմից։ Sputnik Արմենիայի հետ զրույցում, խոսելով գազի սակագնի հնարավոր բարձրացումից, ասաց տնտեսագետ Լիլիա Ամիրխանյանը։
Նա հիշեցրեց, որ ընկերությունից նշում էին, որ իրենց խնդիրները, որոնք առնչվում էին իրականացվող ծախսերին, եկամուտների անբավարար շեմին, նույնպես բավարարվել էին մասնակիորեն, ուստի դեռ այդ ժամանակվանից պարզ էր, որ «Գազպրոմ Արմենիան» կրկին հանդես էր գալու գազի սակագնի վերանայման հայտով։

«Անկախ ամեն ինչից` գազի սակագնի թանկացումը հերթական բացասական ազդակն է ՀՀ տնտեսության համար, որովհետև մեր տնտեսության կախվածությունը գազի սակագնից գտնվում է բավականին բարձր մակարդակի վրա։ Նախորդ անգամ սակագինը բարձրացվեց առավելապես բիզնես սեկտորի համար, սակայն որոշ ժամանակ անց նկատեցինք, որ շարքային սպառողը նույնպես ապրանքների թանկացման տեսքով իր վրա զգաց այդ ծանր բեռը։ Դեռ հայտնի չէ, թե ինչպես կկարգավորվի բաշխման գործընթացը, սակայն դրանից բացասական հետևանքները չեն մեղմվում»,– ասաց տնտեսագետը։

Ամիրխանյանի խոսքով` եթե անգամ սա միայն բիզնես սեկտորին կամ առավել մեծ սպառում ունեցող սուբյեկտներին ուղղվի, միևնույնն է, դոմինոյի էֆեկտն անշուշտ գերակշռելու է տնտեսության վրա, և շարքային քաղաքացիները դա ևս զգալու են։
Ըստ նրա` ունենալու ենք թանկացումների հերթական ալիքը, իսկ բիզնեսն ավելի լայն իմաստով կանգնելու է անորոշությունների առջև, քանի որ վերջին շրջանում մենք անընդհատ ականատես ենք լինում սակագների փոփոխության, ինչը բիզնեսի համար բացասական ազդակ է։
Սննդամթերքի գների փոփոխությունը Հայաստանում մեկ տարվա ընթացքում - Sputnik Արմենիա, 1920, 10.01.2022
Որքան է Հայաստանում թանկացել սնունդը վերջին մեկ տարվա ընթացքում
Նշենք, որ «Գազպրոմ Արմենիա» ՓԲԸ-ն հունվարի 13-ին գազի սակագների վերանայման հայտ է ներկայացրել Հանրային ծառայությունները կարգավորող հանձնաժողովին` առաջարկելով ՀՀ բոլոր սպառողների համար սահմանել միասնական սակագին։
Ըստ այդմ` եթե կայացվի համապատասխան որոշում, ապա Հայաստանում սպառողներին մատակարարվող գազի սակագինը ապրիլի 1-ից կարող է բարձրանալ 6 տոկոսով։
Հայաստանում սոցիալապես անապահով խմբերը 1 խմ-ի համար վճարում են 100 դրամ, մնացած բնակիչ-բաժանորդները` 139 դրամ, ամսական 10 հազար խորանարդ մետր գազ սպառող խոշոր սպառողները (տնտեսվարողները)` 255.91 ԱՄՆ դոլարին համարժեք դրամ (1000 խմ–ի համար)։
Հայտում նաև առաջարկվում է, որ նոր սակագինը կիրառվի 8500 կկալ/խմ ստորին ջերմատվությամբ բնական գազի համար։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала