https://arm.sputniknews.ru/20220116/hapk-i-gvortsuneutjan-lurj-verakarucman-anhrazheshtutjun-chka-stanislav-zas-37585675.html
ՀԱՊԿ-ի գործունեության լուրջ վերակառուցման անհրաժեշտություն չկա. Ստանիսլավ Զաս
ՀԱՊԿ-ի գործունեության լուրջ վերակառուցման անհրաժեշտություն չկա. Ստանիսլավ Զաս
Sputnik Արմենիա
ՀԱՊԿ գլխավոր քարտուղար Ստանիսլավ Զասը կարծում է, որ կազմակերպության խնդիրներից մեկն է զարգացնել հարաբերությունները անվտանգության ապահովման հարցերով զբաղվող այլ... 16.01.2022, Sputnik Արմենիա
2022-01-16T13:14+0400
2022-01-16T13:14+0400
2022-01-16T13:24+0400
ստանիսլավ զաս
հապկ-ի խաղաղապահները ղազախստանում
հավաքական անվտանգության պայմանագիր կազմակերպություն (հապկ)
հայաստան և հապկ
https://cdn.am.sputniknews.ru/img/07e5/08/0a/28628447_0:0:1601:901_1920x0_80_0_0_18997ebbe22f62bf07739ecee612dfaf.jpg
ԵՐԵՎԱՆ, 16 հունվարի – Sputnik. Հավաքական անվտանգության պայմանագրի կազմակերպության (ՀԱՊԿ) գործունեության լուրջ վերակառուցման անհրաժեշտություն չկա։ Նման կարծիք է հայտնել կազմակերպության գլխավոր քարտուղար Ստանիսլավ Զասը RT-ին տված հարցազրույցում։Մեկնաբանելով Ղազախստանի իրադրության կայունացման գործում կազմակերպության խաղաղապահ ուժերի մասնակցությունը՝ Զասն ասել է, որ դա դաս է եղել «բոլորի համար»:Հարցին՝ կարելի՞ արդյոք է արձանագրել, որ ՀԱՊԿ-ը իր պատասխանատվության գոտում գերիշխող ուժ է, նա դրական է պատասխանել։«Այո, անկասկած այդպես է։ Ավելին, խնդիրներից մեկն այն է, որ մենք պետք է զարգացնենք հարաբերություններն անվտանգության ապահովման հարցերով զբաղվող այլ կառույցների, միջազգային կազմակերպությունների հետ։ Կարծում եմ՝ այս ճանապարհն էլ կանցնենք», — ասել է կազմակերպության գլխավոր քարտուղարը:Ընդ որում, նա արձանագրել է, որ ՀԱՊԿ-ը տարբեր հարաբերություններ ունի միջազգային կազմակերպությունների հետ։ Կան այնպիսիք, որոնց հետ ահաբեկչության դեմ պայքարի շրջանակում օգտակար փոխգործակցություն է ձևավորվել, օրինակ` Շանհայի համագործակցության կազմակերպության հետ։ Լավ հարաբերություններ կան ԵԱՀԿ-ի հետ։ Բացի այդ, գործնական կապեր են հաստատվել ՄԱԿ-ի հետ, առաջին հերթին խաղաղապահ գործունեության, ահաբեկչության դեմ պայքարի գծով:Հիշեցնենք` Ղազախստանում բողոքի զանգվածային ցույցեր էին սկսվել 2022 թվականի հունվարի առաջին օրերին։ Հունվարի 4–ին և 5-ին Ալմաթիում բախումներ էին տեղի ունեցել ցուցարարների և ուժայինների միջև։Հունվարի 5-ին Ղազախստանի նախագահ Կասիմ Ժոմարտ-Տոկաևը ստորագրել էր երկրի կառավարության հրաժարականի մասին հրամանագիրը։Նույն օրը Տոկաևը երկրում երկշաբաթյա արտակարգ դրություն էր մտցրել։ Նա օգնության համար դիմել էր Հավաքական անվտանգության պայմանագրի կազմակերպությանը, որն այս տարի նախագահում է Հայաստանը։ՀԱՊԿ-ը իրավիճակը կայունացնելու համար խաղաղապահ զորախումբ էր ուղարկել Ղազախստան, որոնց թվում 100 զինծառայող կար Հայաստանից։ՀԱՊԿ խաղաղապահ զորակազմի դուրսբերումը Ղազախստանից սկսվել է հունվարի 13-ին:ՀԱՊԿ-ում ընդգրկված են Հայաստանը, Բելառուսը, Ղազախստանը, Ղրղզստանը, Ռուսաստանը, Տաջիկստանը:
https://arm.sputniknews.ru/20220116/ghazakhstanic-hapk-i-rus-khaghaghapahnervov-19-inqnatir-e-meknel-37581539.html
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
ստանիսլավ զաս, հավաքական անվտանգության պայմանագիր կազմակերպություն (հապկ), հայաստան և հապկ
ստանիսլավ զաս, հավաքական անվտանգության պայմանագիր կազմակերպություն (հապկ), հայաստան և հապկ
ՀԱՊԿ-ի գործունեության լուրջ վերակառուցման անհրաժեշտություն չկա. Ստանիսլավ Զաս
13:14 16.01.2022 (Թարմացված է: 13:24 16.01.2022) ՀԱՊԿ գլխավոր քարտուղար Ստանիսլավ Զասը կարծում է, որ կազմակերպության խնդիրներից մեկն է զարգացնել հարաբերությունները անվտանգության ապահովման հարցերով զբաղվող այլ կառույցների, միջազգային կազմակերպությունների հետ:
ԵՐԵՎԱՆ, 16 հունվարի – Sputnik. Հավաքական անվտանգության պայմանագրի կազմակերպության (ՀԱՊԿ) գործունեության լուրջ վերակառուցման անհրաժեշտություն չկա։ Նման կարծիք է հայտնել կազմակերպության գլխավոր քարտուղար Ստանիսլավ Զասը
RT-ին տված հարցազրույցում։
Մեկնաբանելով Ղազախստանի իրադրության կայունացման գործում կազմակերպության խաղաղապահ ուժերի մասնակցությունը՝ Զասն ասել է, որ դա դաս է եղել «բոլորի համար»:
«Շուտով մենք հանգիստ մթնոլորտում կվերլուծենք այս ամբողջ գործընթացը, որոշակի եզրակացություններ կանենք մեզ համար ու, եթե պետք է, ինչ-որ շտկումներ կանենք։ Այլ հարց է, որ մեր գործունեության լուրջ վերակառուցման անհրաժեշտություն չեմ տեսնում։ Որովհետև այն համակարգը, այն մեխանիզմները, որոնք մենք ստեղծել ենք ՀԱՊԿ- ում, հիմա իսկապես աշխատեցին և վատ չաշխատեցին», - կարծում է ՀԱՊԿ գլխավոր քարտուղարը։
Հարցին՝ կարելի՞ արդյոք է արձանագրել, որ ՀԱՊԿ-ը իր պատասխանատվության գոտում գերիշխող ուժ է, նա դրական է պատասխանել։
«Այո, անկասկած այդպես է։ Ավելին, խնդիրներից մեկն այն է, որ մենք պետք է զարգացնենք հարաբերություններն անվտանգության ապահովման հարցերով զբաղվող այլ կառույցների, միջազգային կազմակերպությունների հետ։ Կարծում եմ՝ այս ճանապարհն էլ կանցնենք», — ասել է կազմակերպության գլխավոր քարտուղարը:
Ընդ որում, նա արձանագրել է, որ ՀԱՊԿ-ը տարբեր հարաբերություններ ունի միջազգային կազմակերպությունների հետ։ Կան այնպիսիք, որոնց հետ ահաբեկչության դեմ պայքարի շրջանակում օգտակար փոխգործակցություն է ձևավորվել, օրինակ` Շանհայի համագործակցության կազմակերպության հետ։ Լավ հարաբերություններ կան ԵԱՀԿ-ի հետ։ Բացի այդ, գործնական կապեր են հաստատվել ՄԱԿ-ի հետ, առաջին հերթին խաղաղապահ գործունեության, ահաբեկչության դեմ պայքարի գծով:
«Ուրիշ կազմակերպությունների հետ շատ վատ ենք համագործակցում կամ ընդհանրապես ոչ մի կերպ չենք համագործակցում, դա նույնպես իրականություն է։ Բայց դրան պետք է հանգիստ վերաբերվել։ Թեև, մեր գնահատմամբ, դա չի նպաստում Եվրասիայում հավաքական անվտանգության ապահովմանը։ Դրա համար բոլորիս համար լավ կլիներ, եթե նորմալ հարաբերություններ կառուցեինք», – խոստովանել է Զասը։
Հիշեցնենք` Ղազախստանում
բողոքի զանգվածային ցույցեր էին սկսվել 2022 թվականի հունվարի առաջին օրերին։ Հունվարի 4–ին և 5-ին Ալմաթիում բախումներ էին տեղի ունեցել ցուցարարների և ուժայինների միջև։
Հունվարի 5-ին Ղազախստանի նախագահ Կասիմ Ժոմարտ-Տոկաևը
ստորագրել էր երկրի կառավարության հրաժարականի մասին հրամանագիրը։
Նույն օրը Տոկաևը երկրում երկշաբաթյա
արտակարգ դրություն էր մտցրել։ Նա օգնության համար
դիմել էր Հավաքական անվտանգության պայմանագրի կազմակերպությանը, որն այս տարի նախագահում է Հայաստանը։
ՀԱՊԿ-ը իրավիճակը կայունացնելու համար
խաղաղապահ զորախումբ էր ուղարկել Ղազախստան, որոնց թվում
100 զինծառայող կար Հայաստանից։
ՀԱՊԿ խաղաղապահ զորակազմի դուրսբերումը Ղազախստանից
սկսվել է հունվարի 13-ին:
ՀԱՊԿ-ում ընդգրկված են Հայաստանը, Բելառուսը, Ղազախստանը, Ղրղզստանը, Ռուսաստանը, Տաջիկստանը:
