Фон для радио  - Sputnik Արմենիա, 1920
ՌԱԴԻՈ

Կոռուպցիոն ռիսկերը կենտրոնացվում են մեկ կետում. փորձագետը` ատեստատները թվայնացնելու մասին

Ատոմ Մխիթարյան. Թվայնացումը կկանխարգելի կեղծիքներով ավարտական վկայագրեր ներկայացնելը
Բաժանորդագրվեք
Yandex newsTelegram
Կրթական հարցերի փորձագետ Ատոմ Մխիթարյանը Sputnik Արմենիայի եթերում անդրադարձել է ԿԳՄՍ նախարարության օրենսդրական նախաձեռնությանը, որով հիմնական կրթության վկայականներն ու ատեստատները կթվայնացվեն։
Կարելի է ասել, որ կրթության վկայականների և ատեստատների թվայնացումը նույնիսկ որոշ չափով ուշացած է, որովհետև վաղուց ամբողջ աշխարհն անցել է թվային ավարտական վկայականների շնորհման, ընդ որում` դա արվում է հատուկ լիցենզավորված կազմակերպությունների կողմից։ Sputnik Արմենիայի հետ զրույցում այս մասին ասաց կրթական հարցերի փորձագետ Ատոմ Մխիթարյանը։

«Մեր ուսումնական հաստատությունները երբեմն ստանում են նամակներ, գրություններ` հաստատելու համար այս կամ այն շրջանավարտի ավարտական վկայականի առկայությունը և ստուգելուց հետո հնարավոր է լինում ամբողջ աշխարհին տեսանելի համացանցով գործատուներին ի ցույց դնել համապատասխան վկայագրերը։ Այս առումով քայլն իսկապես դրական է և հնարավորություն է տալիս ընդլայնել աշխատաշուկայի համար նոր կադրեր ներգրավելու գործընթացը»,– նշեց կրթական հարցերի փորձագետը։

Մխիթարյանի կարծիքով` անհրաժեշտություն չի լինի գնալ այս կամ այն ուսումնական հաստատություն և տեղեկանք վերցնել կամ ներկայացնել վկայագրի պատճենը։ Ըստ նրա` շատ կարևոր է նաև այն հանգամանքը, որ թվայնացման գործընթացը կկանխարգելի կեղծիքներով ավարտական վկայագրեր ներկայացնելը, առավել ևս, որ վերջին շրջանում հայտնաբերվեցին նույնիսկ ԲՈւՀ–ի կեղծված ավարտական վկայականներ։
Այցելուն գրադարանի համակարգչային սրահում - Sputnik Արմենիա, 1920, 27.12.2021
Հարցրեք Ալիսային, կամ ինչու են Հայաստանում թերահավատորեն վերաբերվում թվայնացմանը
«Կարծում եմ` վկայականների թվայնացման գործընթացն անհրաժեշտ էր սկսել հենց ԲՈւՀ–երից, որովհետև դրանք են ավելի շատ կիրառելի և գործատուների մոտ աշխատանքի անցնելիս անպայման պետք է, որ ներկայացվի բարձրագույն կրթության վկայականը, իսկ հանրակրթական հաստատությունների ավարտական վկայականները ներկայացվում են հենց ԲՈւՀ ընդունվելիս, և, փաստորեն, այդտեղ էլ հնարավոր կլինի խուսափել կեղծիքներից։ Բայցևայնպես, պետք չէ բացառել կեղծիքների հնարավորությունը, որովհետև սա մյուս կողմից էլ նշանակում է կեղծիքների կենտրոնացում, այսինքն` եթե մեկ մարմին է զբաղվելու վկայագրերի էկեկտրոնային ձևակերպմամբ, ապա դա նշանակում է, որ կոռուպցիոն ռիսկերը կենտրոնացվում է մեկ կետում, ուստի անհրաժեշտ է նախատեսել նաև վերահսկողական հուսալի մեխանիզմներ»,– ասաց կրթական հարցերի փորձագետը։
Մխիթարյանի խոսքով`շատ կարևոր է նաև տեղեկություններ պարունակող բազայի անվտանգության խնդիրը, ուստի պետք է ամբողջական ինֆորմացիան պահվի մի քանի տեղում և օգտագործվեն տարբեր կոդավորման համակարգեր։
1000-ից պակաս բնակչով համայնքի ղեկավարը կարող է չունենալ բարձրագույն կրթություն. նախագիծ
Փորձագետը խորհուրդ տվեց անցումը միանգամից չանել, այլ փուլ առ փուլ, այսինքն` սկզբնական շրջանում տրվի և՛ թղթային վկայական, և՛ հատկացվի դրա էլեկտրոնային տարբերակը, և միայն որոշ ժամանակ անց անցում կատարվի ամբողջությամբ էլեկտրոնային տարբերակին, քանի որ, ըստ Մխիթարյանի, ընթացքում կարող են ի հայտ գալ որոշակի թերություններ կամ տարբեր աստիճանի բարդության խնդիրներ, որոնք հընթացս հնարավոր կլինի լուծել։
Студент Ереванского гос.института театра и кино в день выборов ректора вуза (22 мая 2019). Еревaн - Sputnik Արմենիա, 1920, 28.07.2021
«Կրթական համակարգը հոգեվարքի մեջ է». ո՞րն է բուհերում մեծ քանակով թափուր տեղերի պատճառը
Նշենք, որ ԿԳՄՍ նախարարության կողմից հանրային քննարկման է ներկայացրել հիմնական կրթության վկայականների և ատեստատների թվայնացման նախագիծը։
Նախագծի հաստատման դեպքում արդեն այս տարվանից ատեստատներն ու հիմնական կրթության վկայականները կտրվեն էլեկտրոնային եղանակով։
Ըստ նախագծի հեղինակների` թվայնացման եղանակի կիրառման դեպքում դպրոցներում կկրճատվի վարչարարության զգալի ծավալը, կմեծանա գործընթացի թափանցիկությունը, օրակարգից դուրս կգա ատեստատը կամ վկայականը կորցնել-վերականգնելու գործընթացը։
Լրահոս
0