18-ամյա երիտասարդը մահացել է «ԳԱԶել»-ի վթարից 3 ամիս անց

© Photo : official site of MES of RA Երևան-Գյումրի ճանապարհին «ԳԱԶել» է շրջվել
Երևան-Գյումրի ճանապարհին «ԳԱԶել» է շրջվել - Sputnik Արմենիա, 1920, 17.01.2022
Բաժանորդագրվեք
Yandex newsTelegram
18–ամյա երիտասարդը մարմնական վնասվածքներ էր ստացել 2021 թ. հոկտեմբերի 20-ին Երևան-Գյումրի ճանապարհին ուղևորատար ավտոմեքենայի վթարի ենթարկվելու հետևանքով։
ԵՐԵՎԱՆ, 17 հունվարի - Sputnik. Գյումրիում 2021-ի հոկտեմբերի 20-ին տեղի ունեցած «ԳԱԶելի» վթարից ամիսներ անց մահացել է 18–ամյա տուժածներից մեկը։ Տեղեկությունը հայտնում է ՀՀ ոստիկանության մամուլի ծառայությունը։
Նշվում է, որ հունվարի 15-ին, Գյումրու «Պաթոլոգոանատոմիական լաբորատորիայից» հաղորդում է ստացվել, որ հունվարի 14-ին, ժամը 17.20-ին, «հետվնասվածքային էնցեֆալոպատիա» ախտորոշմամբ «Գյումրի» բժշկական կենտրոնում մահացել 2003 թ. ծնված Գևորգ Անդրեասյանը։
ՀՀ ոստիկանություն - Sputnik Արմենիա, 1920, 10.01.2022
Ողբերգական ավտովթար Կոտայքում. 43–ամյա կինը տեղում մահացել է
«Գ. Անդրեասյանի հորեղբայրը հայտնել է, որ եղբոր որդին մարմնական վնասվածքները ստացել էր 2021 թ. հոկտեմբերի 20-ին Երևան-Գյումրի ճանապարհի 51-րդ կմ-ին «ԳԱԶել» մակնիշի ավտոմեքենայի վթարի ենթարկվելու հետևանքով»,–նշված է հաղորդագրության մեջ: Կատարվում է քննություն:
Հիշեցնենք` 2021 թ. հոկտեմբերի 20-ին առավոտյան` 07։04-ի սահմանում Երևան-Գյումրի ավտոճանապարհին՝ Կաքավաձոր գյուղի մոտ, «Գազել» մակնիշի մարդատար ավտոմեքենան դուրս էր եկել ճանապարհի երթևեկելի գոտուց և կողաշրջվել: 6 մարդ զոհվել էր, 17–ը տարբեր աստիճանի մարմնական վնասվածքներով տեղափոխվել էին «Արմենիա» հանրապետական և Աշտարակի բժշկական կենտրոններ։
Լրահոս
0