Գնել Սանոսյանն Արարատի մարզպետարանի աշխատակազմին է ներկայացրել նոր մարզպետին

© Photo : Գնել Սանոսյան/Gnel SanosyanՀՀ ՏԿԵ նախարար Գնել Սանոսյանը ներկայացրել է Արարատի մարզպետ Սեդրակ Թևոնյանին
ՀՀ ՏԿԵ նախարար Գնել Սանոսյանը ներկայացրել է Արարատի մարզպետ Սեդրակ Թևոնյանին - Sputnik Արմենիա, 1920, 17.01.2022
ՀՀ ՏԿԵ նախարար Գնել Սանոսյանը ներկայացրել է Արարատի մարզպետ Սեդրակ Թևոնյանին
Բաժանորդագրվեք
НовостиTelegram
Նախարարը վստահ է, որ Սեդրակ Թևոնյանն իր փորձն ու գիտելիքները կծառայեցնի մարզի խնդիրների լուծմանը։
ԵՐԵՎԱՆ, 17 հունվարի - Sputnik. ՀՀ տարածքային կառավարման և ենթակառուցվածքների նախարար Գնել Սանոսյանն Արարատի մարզպետարանի աշխատակազմին է ներկայացրել նորանշանակ մարզպետ Սեդրակ Թևոնյանին։ Այդ մասին նա հայտնել է Facebook-ի իր էջում։
Սանոսյանը շնորհավորել է նորանշանակ մարզպետին և հաջողություն մաղթել առաջիկա աշխատանքում։

«Թևոնյանը, լինելով մարզից ընտրված պատգամավոր, ծանոթ է մարզի խնդիրներին և վստահ եմ, որ իր փորձն ու գիտելիքները կծառայեցնի այդ խնդիրների լուծմանը», - նշել է նախարարը։

Բացի դա, Սանոսյանը նաև շնորհակալություն է հայտնել նախկին մարզպետ Ռազմիկ Թևոնյանին իրականացրած աշխատանքի, մարզային խնդիրների լուծման հարցում հետևողական լինելու համար։
Սեդրակ Թևոնյան - Sputnik Արմենիա, 1920, 12.01.2022
Հայրը չլինի` որդին կլինի. Արարատի մարզը նոր ղեկավար կունենա
Հիշեցնենք, որ Ռազմիկ Թևոնյանը Սեդրակ Թևոնյանին հայրն է։ Ռազմիկ Թևոնյանն Արարատի մարզպետ է նշանակվել 2020-ի դեկտեմբերի 10-ին կայացած կառավարության նիստում։
Ուշագրավ է այն հանգամանքը, որ Ռազմիկ Թևոնյանն անցյալ տարվա սեպտեմբերի 9-ին հրաժարվել էր մարզպետի պաշտոնից, բայց մի քանի օր անց հետ էր վերցրել հրաժարականի դիմումը:
Նա հրաժեշտ տվեց պաշտոնին հունվարի 12-ի կառավարության նիստում, իսկ որդին նույն օրը ստացավ պաշտոնը։ Ի դեպ, ավելի վաղ` հունվարի 4-ին, Սեդրակ Թևոնյանը պատգամավորի մանդատից (ՔՊ) հրաժարականի դիմում էր ներկայացրել:
Լրահոս
0