Հայաստան–Թուրքիա թռիչքները կիրականացվեն նախկինի պես, բայց ավելի ցածր գնով. Սուքիասյան

© Sputnik / Aram NersesyanԽաչատուր Սուքիասյան
Խաչատուր Սուքիասյան - Sputnik Արմենիա, 1920, 17.01.2022
Խաչատուր Սուքիասյան
Բաժանորդագրվեք
Yandex newsTelegram
Թե երբ կիրականացվի առաջին չվերթը, Սուքիասյանը չհստակեցրեց, բայց վստահեցրեց, որ պահանջարկ նոր չվերթն ունի։
ԵՐԵՎԱՆ, 17 հունվարի - Sputnik. Հայաստան–Թուրքիա և հակառակ ուղությամբ թռիչքներն իրականացվելու են այնպես, ինչպես ոչ վաղ անցյալում, բայց ավելի ցածր գներով։ Այս մասին այսօր ԱԺ–ում լրագրողների հետ ճեպազրույցում ասաց «Քաղաքացիական պայմանագիր» խմբակցության անդամ Խաչատուր Սուքիասյանը, որի ընտանիքը հանդիսանում է «Flyone Armenia» ավիաընկերության բաժնետերերից մեկը։
Самолет FLYONE ARMENIA A320 - Sputnik Արմենիա, 1920, 13.01.2022
Թուրքիան «Flyone Armenia»-ին Ստամբուլ թռչելու թույլտվություն է տվել
«Այն սկզբունքը, որով այդ ավիաընկերությունը ստեղծվել է, «լոուքոսթն» է` ցածր գներով ավիաընկերություն»,– ասաց Սուքիասյանը։
Թե երբ կիրականացվի առաջին չվերթը, Սուքիասյանը չհստակեցրեց, բայց վստահեցրեց, որ նոր չվերթն ունի պահանջարկ։
Հիշեցնենք` հունվարի 13-ին հայտնի դարձավ, որ Թուրքիայի իշխանությունները հայկական «Flyone Armenia» ավիաընկերությանը Երևան-Ստամբուլ-Երևան չվերթեր իրականացնելու իրավունք են տվել։
Пассажиры рейса Ереван-Москва в зале вылета аэропорта Звартноц (1 февраля 2021). Еревaн - Sputnik Արմենիա, 1920, 17.12.2021
Հայկական «FlyOne Armenia» ավիաընկերությունը չեղարկել է դեպի ՌԴ բոլոր չվերթերը
2021թ–ի դեկտեմբերի 23-ին «Flyone Armenia» ընկերությունը դիմել էր ՀՀ քաղավիացիայի կոմիտեին` շաբաթական 3 Երևան-Ստամբուլ-Երևան չվերթ իրականացնելու հայտով, ու դեկտեմբերի 30–ին թույլտվություն ստացել։
Մոսկվա` 39 եվրոյով. «Flyone Armenia»-ն 7 ուղղությունով սկսում է մատչելի ավիատոմսերի վաճառք
Թուրքական «Pegasus» ավիաընկերությունը դեկտեմբերի 23-ին ևս հայտարարել էր, որ մտադիր է Ստամբուլ-Երևան երթուղով չվերթեր սկսել ու այդ նպատակով դիմել էր ՀՀ քաղավիացիայի կոմիտեին։ Թույլտվությունը ստացվել է հունվարի 10-ին։
Լրահոս
0