Фон для радио  - Sputnik Արմենիա, 1920
ՌԱԴԻՈ

Ի՞նչ ազդեցություն կունենա նոր նախագիծը ԶՈւ համալրման վրա

«Նոր նախագիծը ՀՀ ԶՈւ համալրման վրա էական ազդեցություն չի ունենա». Ներսիսյան
Բաժանորդագրվեք
Yandex newsTelegram
Ռազմական փորձագետ Նարեկ Ներսիսյանը Sputnik Արմենիայի հետ զրույցում անդրադարձել է «Զինվորական ծառայության և զինծառայողի կարգավիճակի մասին» օրենքում առաջարկվող փոփոխությունների նախագծին։
«Զինվորական ծառայության և զինծառայողի կարգավիճակի մասին» ՀՀ օրենքում փոփոխություններ անելու նախաձեռնությունն ընդհանուր առմամբ դրական քայլ է և էական ազդեցություն չի ունենա ՀՀ ԶՈւ կազմում շարքայինների թվաքանակի համալրման վրա։ Sputnik Արմենիայի հետ զրույցում ասաց ռազմական փորձագետ Նարեկ Ներսիսյանը։
ՀՀ ԱԺ պատգամավոր Հայկ Սարգսյանն առաջարկում է «Զինվորական ծառայության և զինծառայողի կարգավիճակի մասին» օրենքում փոփոխություն կատարել և պարտադիր զինծառայությունից ազատել մարտական գործողությունների ժամանակ զոհված զինվորականի եղբորը։
Արցախում 17 տոկոսով բարձրացվել են նաև ուժային մարմիններում աշխատողների կենսաթոշակները
Ռազմական փորձագետը կարծում է, որ ՀՀ ԶՈւ-ում զինծառայողների թվի վրա ազդող հիմնական գործոնները ժողովրդագրական խնդիրներն են և արտագաղթը, որն ավելի մեծ թափ է առել հատկապես 44-օրյա պատերազմից հետո։
«Անգամ այն մարդիկ են հեռանում, որոնք զորակոչային տարիքի չեն, բայց հասուն են և կարող են ընտանիք կազմել և լրացնել դեմոգրաֆիական բացը»,- մտահոգություն հայտնեց Ներսիսյանը։
Նշենք, որ այժմյան օրենքով զինծառայությունից ազատվում է այն զինակոչիկը, որի հայրը կամ մայրն է մահացել ռազմական գործողությունների ժամանակ։
Արցախյան 44-օրյա պատերազմը վերապրած զինվորները վերադառնում են տուն
Լրահոս
0