Ինչու է բանակցություններին Թուրքիայի մեքենան եղել դրոշով, ՀՀ-ինը՝ ոչ. թեժ քննարկում ԱԺ-ում

© Sputnik / Aram NersesyanԳեղամ Մանուկյան
Գեղամ Մանուկյան - Sputnik Արմենիա, 1920, 17.01.2022
Բաժանորդագրվեք
Yandex newsTelegram
ԵՐԵՎԱն, հունվարի 17 - Sputnik. Հայաստանը կողմ է առանց նախապայմանների Թուրքիայի հետ հարաբարերությունների կարգավորմանն ու սահմանների բացմանը: Ազգային ժողովում նման հայտարարություն արեց ԱԺ փոխնախագահ Հակոբ Արշակյանը` պատասխանելով «Հայաստան» դաշինքի պատգամավոր Ագնեսա Խամոյանի հարցին։
Նշենք, որ «Հայաստան» դաշինքի պատգամավորներ Գեղամ Մանուկյանն ու Ագնեսա Խամոյանը հետաքրքրվեցին, թե ինչի շուրջ է բանակցել ԱԺ փոխխոսնակ, Թուրքիայի հետ բանակցություններում Հայաստանի հատուկ ներկայացուցիչ Ռուբեն Ռուբինյանը և ով է նրան լիազորել, քանի որ բանակցող նշանակելու մասին որևէ պաշտոնական հրամանագիր չի եղել:
Հայաստանի և Թուրքիայի ներկայացուցիչները վաղուց պայմանավորվել են ամեն ինչ. Մանոյան
«ՀՀ կառավարությունը այժմ էլ հանդես է գալիս այդ դիրքերից, ու մենք առանց նախապայմանների կողմ ենք, որ սահմանները բացվեն ու հարաբերություններն օր առաջ կարգավորվեն, դա բխում է Հայաստանի ու հայ ժողովրդի շահերից», - ասաց Արշակյանը։
Ինչ վերաբերում է Ռուբեն Ռուբինյանի ու Թուրքիայի ներկայացուցչի միջև կայացած առաջին բանակցությանը՝ ԱԺ փոխնախագահը նշեց, թե ԱԳՆ-ն տարածել է հաղորդագրություն, որը բնութագրում է բանակցությունների ընթացքը:
Ազգային ժողովի «Հայաստան» խմբակցության պատգամավոր Գեղամ Մանուկյանը հայտարարեց, թե հերթական անգամ Հայաստանի իշխանությունները գաղտագողի հայ ժողովրդի թիկունքում գործողություններ են իրականացնում:
Ադրբեջանի ԱԳՆ - Sputnik Արմենիա, 1920, 15.01.2022
Բաքուն ողջունում է հայ-թուրքական շփումների մեկնարկը
«Ամբողջ այս գործընթացում թուրքերն են եղել թելադրողը, Չավուշօղլուն ասում է սա, մերոնք արձագանքում են, Չավուշօղլուն ասում է նա, մերոնք արձագանքում են, բայց, կրկնում եմ, փաստաթուղթ չկա Ռուբեն Ռուբինյանի նշանակման հետ կապված: Գործընթացը փնթի է կատարվում, փնթի մինչև վերջ», - հայտարարեց ընդդիմադիր պատգամավորը՝ անդրադառնալով Հայաստանի և Թուրքիայի ներկայացուցիչների առաջին հանդիպմանը:
Նա ասաց, թե Թուրքիայի բանագնացը դրոշով մեքենայով է գալիս հանդիպման, Հայաստանը՝ ոչ:
Ռուբեն Ռուբինյանն էլ հայտարարեց՝ ԱԺ նիստերը իրեն հիշեցնում են ցածրորակ հաղորդում, բայց ինքը չի զլանա ու կարձագանքի՝ «ընկել են, պիտի քաշեն»։
Ինչ նախապայմաններ կարող է ունենալ Ռուսաստանը Հայաստանին և Թուրքիային հաշտեցնելու հարցում
«Նախ՝ հատուկ բանագնաց չէ, հատուկ ներկայացուցիչ է, հատուկ ներկայացուցիչը պաշտոն չէ, գործառույթ է, ես հատուկ պաշտոնի չեմ նշանակվել: Ասում եք՝ ինչո՞ւ է բյուջով մեկնել, բա ինչո՞վ մեկնեի, պետք է ծրարով փող ստանայի, գնա տոմս առնեի՝ գնայի՞, բյուջեի փողերով եմ մեկնել», -իր տեղից ասաց Ռուբենյանը:
Անդրադառնալով առանց դրոշ մեքենայի մասին խոսակցություններին՝ Ռուբինյանը նշեց, թե մինչև հատուկ ներկայացուցիչների հանդիպումը երկու հատուկ ներկայացուցիչները հանդիպել են ՌԴ փոխարտգործնախարար Ռուդենկոյի հետ, որքանով ինքն է տեղյակ, Թուրքիայի հատուկ ներկայացուցիչը գնացել էր ՌԴ-ում Թուրքիայի դեսպանի հետ ու մեքենան, ամենայն հավանականությամբ, Թուրքիայի դեսպանի մեքենան է:
«Մինչ այս պահը չի եղել մի իրադարձություն, որի մասին մեր ԱԳՆ-ն չի տեղեկացրել: Երբ ասում եք՝ տեղի են ունենում գաղտագողի գործընթացներ, ինձ ամենաշատը սա է նյարդայնացնում, որովհետև ՀՀ պատմության ընթացքում Թուրքիայի հետ տեղի են ունեցել բանակցություններ բոլոր նախագահների օրոք ու, ի՞նչ եք կարծում, այդ բանակցությունների քանի տոկոսն է եղել գաղտնի ու քանի տոկոսն է եղել բաց. ավելի շատ տոկոսը եղել է գաղտնի», - ասաց նա:
 ЕС  Брюссель - Sputnik Արմենիա, 1920, 14.01.2022
Եվրամիությունը ողջունում է Հայաստանի ու Թուրքիայի հատուկ բանագնացների առաջին հանդիպումը
Ռուբինյանը նաև հայտարարեց, թե իր ու Թուրքիայի ներկայացուցչի միջև հանդիպումը եղել է ՌԴ արտգործանախարարության ընդունելությունների տանը:
«Հարցնում եք՝ ի՞նչ նկատի ունեք կառուցողական մթնոլորտ ասելով, նկատի ունենք կառուցողական մթնոլորտ: Հանադիպման արդյունքում Հայաստանի, Թուրքիայի ու ՌԴ արտգործնախարարությունները հանդես են եկել հայտարարություններով», - ընդդիմադիրների հարցերին ի պատասխան՝ արձագանքեց Ռուբինյանը:
Հիշեցնենք, որ Ռուբեն Ռուբինյանի և Թուրքիայից հատուկ ներկայացուցիչ Սերդար Քըլիչի առաջին հանդիպումը տեղի է ունեցել հունվարի 14-ին Մոսկվայում:
ԱԺ–ում ընդիմադիր պատգամավորները փորձեցին մանրամասներ ճշտել Հայաստանի և Թուրքիայի հատուկ ներկայացուցիչների առաջին հանդիպումից, սակայն իշխանական թևը հայտարարեց, թե գաղտնի ոչինչ չկա, ամեն ինչ կատարվում է հրապարակային։
Լրահոս
0