Ռուսաստանը մտահոգված է, որ ՄԽ համանախագահները չեն կարողանում այցելել Ղարաբաղ. Լուկաշևիչ

© Sputnik / Кирилл Каллиников / Անցնել ֆոտոբանկԱլեքսանդր Լուկաշևիչ
Ալեքսանդր Լուկաշևիչ - Sputnik Արմենիա, 1920, 17.01.2022
Ալեքսանդր Լուկաշևիչ
Բաժանորդագրվեք
Yandex newsTelegram
ԵԱՀԿ-ում Ռուսաստանի մշտական ներկայացուցիչ Ալեքսանդր Լուկաշևիչը հույս է հայտնել, որ միջնորդներին, այնուամենայնիվ, կհաջողվի այցելել տարածաշրջան։
ԵՐԵՎԱՆ, 17 հունվարի – Sputnik. Ռուսաստանը մտահոգված է, որ ԵԱՀԿ Մինսկի խմբի համանախագահների եռյակը չի կարող լինել Լեռնային Ղարաբաղում։ Ինչպես հաղորդում է ՌԻԱ Նովոստին, այդ մասին հայտարարել է ԵԱՀԿ-ում Ռուսաստանի մշտական ներկայացուցիչ Ալեքսանդր Լուկաշևիչը «Ռոսիա սեգոդնյա» միջազգային լրատվական գործակալությունում առցանց ճեպազրույցի ժամանակ։
«Ի՞նչն է մեզ մտահոգում։ Որ համանախագահների եռյակին մինչ օրս չի հաջողվում այցելել տարածաշրջան, ծանոթանալ իրավիճակին և կոնկրետ միջոցառումներ նախանշել` կողմերին աջակցելու մարդկանց միջև շփումների հաստատման, հումանիտար խնդիրների լուծման գործում», – ասել է Լուկաշևիչը:
Ադրբեջանը փորձում է օգտվել Արևմուտք–ՌԴ հարաբերություններում առկա բարդություններից. Բաբայան
Միևնույն ժամանակ ռուս դիվանագետը հույս է հայտնել, որ առաջիկայում համանախագահների եռյակին, այնուամենայնիվ, կհաջողվի այցելել տարածաշրջան, ինչպես նաև խոսել Հայաստանի և Ադրբեջանի քաղաքական ղեկավարության հետ:
Ավելի վաղ Ադրբեջանի նախագահ Իլհամ Ալիևը հրապարակավ հայտարարել էր, որ Բաքուն թույլ չի տա ԵԱՀԿ Մինսկի խմբին զբաղվել ղարաբաղյան կարգավորմամբ, քանի որ այդ հարցը, նրա կարծիքով, փակված է: Պաշտոնական Երևանը, ընդհակառակը, կարծում է, որ խնդիրը չի վերացվել և բազմաթիվ անգամ կողմ է արտահայտվել ԵԱՀԿ Մինսկի խմբի համանախագահության շրջանակում ղարաբաղյան հակամարտության կարգավորման խաղաղ գործընթացի վերսկսմանը։
ՀՀ ԱԳ նախարար Արարատ Միրզոյանն ընդունել է Ֆրանսիայի Իլ-դը-Ֆրանս շրջանային խորհրդի նախագահ Վալերի Պեկրեսի գլխավորած պատվիրակությանը (21 դեկտեմբերի, 2021թ). Երևան - Sputnik Արմենիա, 1920, 17.01.2022
«Սա սկանդալ է». Արցախ այցելելուց հետո Պեկրեսը սպասում է` Փարիզն արձագանքի Ալիևի խոսքերին
Հայաստանը, Թուրքիան ու Ադրբեջանը կարող են համոզել Վրաստանին. Լավրովը` «3+3» ձևաչափի մասին
Լրահոս
0