Թուրքական դատարանը կրկին կալանքի տակ է թողել իրավապաշտպան Օսման Քավալային

© AP Photo / file photo of Osman KavalaՕսման Քավալա
Օսման Քավալա - Sputnik Արմենիա, 1920, 17.01.2022
Օսման Քավալա
Բաժանորդագրվեք
Yandex newsTelegram
Իրավապաշտպանը չի մասնակցել Ստամբուլի 13-րդ Բարձրագույն քրեական դատարանի լսումներին։
ԵՐԵՎԱՆ, 17 հունվարի – Sputnik. Թուրքիայի դատարանը որոշել է կալանքի տակ թողնել իրավապաշտպան Օսման Քավալային: Տեղեկությունը հայտնում է թուրքական NTV հեռուստաալիքը։
«Իրավապաշտպանն ինքը չի մասնակցել Ստամբուլի 13-րդ Բարձրագույն քրեական դատարանի լսումներին», - նշել է հեռուստաալիքը։
Օսման Քավալա - Sputnik Արմենիա, 1920, 26.10.2021
Էրդողանը Քավալային չներեց Հայոց ցեղասպանության ճանաչմանն ուղղված ջանքերի համար
Հիշեցնենք` Օսման Քավալան հայտնի թուրք իրավապաշտպան է, «Anadolu Kültür AŞ» մշակութային ֆոնդի հիմնադիրը։ Այդ կառույցը մասնավորապես աջակցում է էթնիկ և կրոնական փոքրամասնություններին ուղղված նախագծերին, որոնք հաճախ միջազգային ուղղվածություն ունեն, այդ թվում` թուրք և հայ բնակչության հաշտեցման և քրդական հարցի խաղաղ լուծման վերաբերյալ։
2020 թվականի փետրվարին Թուրքիայի դատարանը Քավալային արդարացրել էր 2013 թվականին Ստամբուլի Գեզի այգում բողոքի ցույցերի մասին գործով կառավարությանը գահընկեց անելու փորձին առնչություն ունենալու մեղադրանքով, սակայն նույն օրը Ստամբուլի դատախազությունը նրա կալանավորման համար նոր օրդեր էր տվել։ Քավալային նոր մեղադրանքներ էին առաջադրվել, այս անգամ 2016 թվականի հուլիսին Թուրքիայում պետական հեղաշրջման փորձին մասնակցելու համար։
2021 թվական հոկտեմբերին 10 երկրի` Կանադայի, Ֆրանսիայի, Ֆինլանդիայի, Դանիայի, Գերմանիայի, Նիդեռլանդների, Նոր Զելանդիայի, Նորվեգիայի, Շվեդիայի և ԱՄՆ–ի դեսպանատները Թուրքիային հորդորել էին ազատ արձակել թուրք իրավապաշտպանին։ Դրանից հետո Թուրքիայի ԱԳՆ–ն կանչել էր այդ երկրների դեսպաններին և հիշեցրել դիվանագիտական հարաբերությունների մասին Վիեննայի կոնվենցիան պահպանելու անհրաժեշտության մասին։
Թուրքիայի նախագահ Ռեջեփ Թայիփ Էրդողանը հայտարարել էր, որ ԱԳՆ–ին կարգադրել է անցանկալի անձ հայտարարել իրավապաշտպան Օսման Քավալային ազատելու կոչ արած 10 երկրի դեսպաներին։
«Ովքե՞ր եք դուք». Էրդողանը սպառնացել է արտաքսել 10 երկրի դեսպաններին
Հոկտեմբերի 25-ին դեսպանատները հայտարարել էին, որ Վիեննայի կոնվենցիայի համաձայն` հավատարիմ են մնում այլ երկրների ներքին գործերին չմիջամտելու դրույթին, ինչից հետո Էրդողանն ասել էր, որ դեսպաններին անցանկալի անձ հայտարարելու հետ կապված դիվանագիտական ճգնաժամը լուծվել է։
Էրդողանի բազմաթիվ զոհերից մեկը, կամ Թուրքիան 10 երկրի հետ լարում է հարաբերությունները
Լրահոս
0