Վարչապետը խորհրդակցություն է անցկացրել. քննարկվել են գինու արտադրությունն ու արտահանումը
18:17 17.01.2022 (Թարմացված է: 18:57 17.01.2022)
© Photo : official site of the Prime Minister of RAԳինեգործության ոլորտի զարգացման հեռանկարների թեմայով խորհրդակցության վարչապետ Նիկոլ Փաշինյանի գլխավորությամբ (17 հունվարի, 2022թ). Երևան
Բաժանորդագրվել
Էկոնոմիկայի նախարարը ներկայացրել է գինու արտադրության զարգացումը խթանելու վերաբերյալ կատարված ուսումնասիրության արդյունքները։
ԵՐԵՎԱՆ, 17 հունվարի - Sputnik. Վարչապետ Նիկոլ Փաշինյանը խորհրդակցության է անցկացրել, որի ժամանակ քննարկվել են հայկական գինու արտադրության, արտահանման և վաճառքի ծավալների խթանման հնարավորությունները և մեխանիզմները։
© Photo : official site of the Prime Minister of RAԷկոնոմիկայի նախարար Վահան Քերոբյանը գինեգործության ոլորտի զարգացման հեռանկարների թեմայով խորհրդակցության ժամանակ (17 հունվարի, 2022թ). Երևան
Էկոնոմիկայի նախարար Վահան Քերոբյանը գինեգործության ոլորտի զարգացման հեռանկարների թեմայով խորհրդակցության ժամանակ (17 հունվարի, 2022թ). Երևան
Ինչպես հայտնում է կառավարության մամուլի ծառայությունը, խորհրդակցության ժամանակ էկոնոմիկայի նախարար Վահան Քերոբյանը ներկայացրել է գինու արտադրության զարգացումը խթանելու վերաբերյալ կատարված ուսումնասիրության արդյունքները: Նա անդրադարձել է գինու համաշխարհային և հայաստանյան շուկաների վիճակագրությանը, միտումներին, 10 տարվա կտրվածքով զարգացման ուղղություններին, ակնկալվող ներդրումների ծավալին, նպատակային ցուցանիշներին, մարտահրավերներին և այլ հարցերի:
Խորհրդակցությքան մասնակիցները գինեգործության զարգացման համատեքստում կարևորվել են գյուղատնտեսական մյուս բարեփոխումների և ծրագրերի հաջող իրականացումը՝ հողային ռեֆորմ, ինտենսիվ այգեգործություն և այլն: Մանրամասներ են ներկայացվել նաև հայկական գինիների աշխարհագրական մակնշման ընթացքի մասին:
© Photo : official site of the Prime Minister of RAԳինեգործության ոլորտի զարգացման հեռանկարների թեմայով խորհրդակցության վարչապետ Նիկոլ Փաշինյանի գլխավորությամբ (17 հունվարի, 2022թ). Երևան
Գինեգործության ոլորտի զարգացման հեռանկարների թեմայով խորհրդակցության վարչապետ Նիկոլ Փաշինյանի գլխավորությամբ (17 հունվարի, 2022թ). Երևան
Փաշինյանը կարևորել է գյուղատնտեսության տարբեր ճյուղերի զարգացման ռազմավարությունների, ծրագրերի փոխգործելիությունը և ինտեգրումը կառավարության գործունեության միջոցառումների ծրագրում: Նա հանձնարարել է Հայաստանի խաղողագործության և գինեգործության հիմնադրամի հարթակում ոլորտի ներկայացուցիչների հետ քննարկել համատեղ անելիքները՝ հաշվի առնելով խորհրդակցության արդյունքները: