Ֆրանսիան անընդունելի է համարում Բաքվի հայտարարությունը Պեկրեսի՝ Արցախ կատարած այցի մասին

Ֆրանսիայի ԱԳՆ շենքը - Sputnik Արմենիա, 1920, 18.01.2022
Ֆրանսիայի ԱԳՆ շենքը. Արխիվային լուսանկար
Բաժանորդագրվեք
Yandex newsTelegram
Միևնույն ժամանակ Ֆրանսիայի արտաքին գործերի նախարարը նշել է, որ Պեկրեսը Ֆրանսիայի իշխանություններին որևէ կերպ չի տեղեկացրել նման այց կատարելու իր մտադրության մասին:
ԵՐԵՎԱՆ, 18 հունվարի – Sputnik. Ֆրանսիայի ԱԳՆ-ն անընդունելի է համարում Լեռնային Ղարաբաղ կատարած այցից հետո Ֆրանսիայի նախագահի թեկնածու Վալերի Պեկրեսի հասցեին ադրբեջանական կողմի արտահայտությունները, սակայն սպասում է, որ այսուհետ ֆրանսիացի խորհրդարանականներն ու պաշտոնյաներն իրենց այցելությունների մասին նախապես կտեղեկացնեն hանրապետության իշխանություններին: Այս մասին, ինչպես հաղորդում Է ՏԱՍՍ-ը, այսօր հայտարարել Է Ֆրանսիայի արտաքին գործերի նախարար Ժան Իվ Լը Դրիանը՝ Ազգային ժողովում (խորհրդարանի ստորին պալատում) պատասխանելով պատգամավորների հարցերին։
«Նախագահ Ալիևի խոսքերը վերաբերում են ընտրովի պաշտոնյային և Ֆրանսիայի նախագահի թեկնածուին, դրանք անընդունելի են ըստ էության և ըստ ձևի։ Ես այդ մասին հայտնել եմ Ֆրանսիայում Ադրբեջանի դեսպանին»,-ասել է նա։
ՀՀ ԱԳ նախարար Արարատ Միրզոյանն ընդունել է Ֆրանսիայի Իլ-դը-Ֆրանս շրջանային խորհրդի նախագահ Վալերի Պեկրեսի գլխավորած պատվիրակությանը (21 դեկտեմբերի, 2021թ). Երևան - Sputnik Արմենիա, 1920, 17.01.2022
«Սա սկանդալ է». Արցախ այցելելուց հետո Պեկրեսը սպասում է` Փարիզն արձագանքի Ալիևի խոսքերին
Նախարարը նաև հիշեցրել է, որ ֆրանսիացի պատգամավորներն ու պաշտոնյաները պարբերաբար տեղյակ են պահում ԱԳՆ-ն իրենց արտասահմանյան այցերի մասին՝ անկախ դրանց նպատակներից, որպես Հայաստան կատարած այցի օրինակ բերելով Սենատում (վերին պալատ) «Հանրապետականների» դաշինքի ղեկավար Բրյունո Ռետայոյին և ԱԳՆ-ին կից պետքարտուղար Կլեման Բոնին։ «Հանրապետականներ» դաշինքի պատգամավոր Էրիկ Սյոտին, որն ուղղել էր հարցը, ի պատասխան հայտարարել է, որ «թեկնածու Պեկրեսը չի պատրաստվում ուղևորությունների թույլտվություն վերցնել թեկնածու Մակրոնից»։
Հիշեցնենք, որ Հանրապետական կուսակցության կողմից Ֆրանսիայի նախագահի թեկնածու Վալերի Պեկրեսը մեկնել էր Արցախ 2021-ի դեկտեմբերի 21-ին։
Լրահոս
0