https://arm.sputniknews.ru/20220121/gerutjunic-veradardzats-u-kalanavorvats-zintsarajvoghi-gortsvov-datakan-nisty-hetadzgvel-e-37825218.html

Գերությունից վերադարձած ու կալանավորված զինծառայողի գործով դատական նիստը հետաձգվել է

Գերությունից վերադարձած ու կալանավորված զինծառայողի գործով դատական նիստը հետաձգվել է

Sputnik Արմենիա

Հաշվի առնելով ընտանիքի սոցիալական վիճակի՝ գրավի չափ է առաջարկվել 500․000 դրամը։ 21.01.2022, Sputnik Արմենիա

2022-01-21T21:29+0400

2022-01-21T21:29+0400

2022-01-21T21:42+0400

գերի

հայաստան

դատ

https://cdn.am.sputniknews.ru/img/07e5/07/04/28165989_0:0:1601:901_1920x0_80_0_0_deabbb2c9e5409b657663ce5660e4d25.jpg

ԵՐԵՎԱՆ, 21 հունվարի –Sputnik․ Ադրբեջանական գերությունից վերադարձած և հայրենիքում կալանավորված ենթասպա Արեն Արամյանի նկատմամբ ընտրված խափանման միջոցը փոխելու մասին միջնորդության քննությունն այսօր հետաձգվել է։ Տեղեկությունը հայտնում է «Փաստինֆոն»։ Դատարան ներկայացված միջնորդությամբ առաջարկվում է Արամյանի խափանման միջոց կալանավորումը փոխարինել գրավով։Նոյեմբերի 26-ին հայտնել էինք, որ Ադրբեջանը 2 գերի է փոխանցել Հայաստանին, որոնցից մեկն էլ Արեն Արամյանն էր։ Նա գերեվարվել էր նոյեմբերի 16-ի մարտերի ժամանակ։ Գալո՞ւ է օրը, որ մեր տղաները տուն վերադառնան». գերիների հարազատները կառավարության առջև ենԴատական նիստը հետաձգվել է՝ առողջական վիճակի վերաբերյալ փաստաթղթեր ներկայացնելու անհրաժեշտությամբ պայմանավորված։ Նրա պաշտպան Արա Կարապետյանը տեղեկացրել է, որ Արամյանը վերջին երեք օրվա ընթացքում հետազոտություններ է անցել, սակայն ախտորոշումը ներկայացվել է՝ ըստ բժիշկների հայտարարությունների։ Դատարանը հետաձգել է դատական նիստը, որ պաշտպանը կարողանա արդեն փաստաթղթավորված տարբերակով ներկայացնել Արամյանի առողջական վիճակի վերաբերյալ տեղեկությունները։Արեն Արամյանը դատական նիստին ներկա չի եղել։ Պաշտպանի խոսքով՝ նրան հակացուցված է տեղաշարժվելը։Հավելենք, որ հաշվի առնելով Արամյանի ընտանիքի սոցիալական վիճակը՝ պաշտպանի ներկայացրած միջնորդության մեջ գրավի չափ է առաջարկվել 500.000 ՀՀ դրամը։ Պաշտպանության կողմը միջնորդության հիմքում դրել է նախաքննության ավարտի և Արամյանի՝ վատթարացած առողջական վիճակի հանգամանքը։Նշենք, որ ավելի վաղ Sputnik Արմենիայի հետ զրույցում Արամյանի պաշտպան Արա Կարապետյանը նշել էր, որ իր պաշտպանյալը կարող է հաշմանդամություն ձեռքբերել։«Արենը դիրքի ավագն էր, մարտի ժամանակ ծնկի շրջանում վիրավորում է ստացել, որից հետո բութ գործիքով մի քանի անգամ հարվածել են նրա գլխին և գերի վերցրել։ Գլխի շրջանում կարած վերք ունի, բացի այդ, Ադրբեջանում 2 վիրահատության է ենթարկվել։ Հայաստանում պետք է վերականգնողական կուրս անցներ, որպեսզի որոշ չափով ոտքը կարողանար շարժել և քայլել։ Սակայն գերությունից վերադարձել ու կալանավորվել է»,–ասել էր պաշտպանը։«Փաստինֆո»-ի փոխանցմամբ՝ պատշաճ բուժօգնություն չցուցաբերելու դեպքում Արամյանի ոտքը կարող են ամպուտացնել։ Ադրբեջանում հաստատված շուրջ 50 գերի կա, ոչ պաշտոնական՝ ևս 80–ը. Սիրանուշ ՍահակյանՆշենք, որ Արեն Արամյանը մասնակցել է ինչպես քառօրյա պատերազմին, այնպես էլ 2020-ի հուլիսյան մարտերին և 44-օրյա պատերազմին։ Պաշտպանը հայտնեց` Արամյանի հրամանատարությունը 44-օրյա մարտերից հետո նրան ներկայացրել է պետական պարգևի։Հիշեցնենք` դեկտեմբերի 11-ին քննչական կոմիտեն հայտնել էր, որ դիրքի ավագ, կրտսեր սերժանտ Արամյանը ՀՀ վերադառնալուց հետո կալանավորվել է ՀՀ քրեական օրենսգրքի 365-րդ հոդվածի 3-րդ մասի (մարտական հերթապահություն կամ մարտական ծառայություն կրելու կանոնները խախտելը, որն առաջացրել է ծանր հետևանքներ) կասկածանքով։

https://arm.sputniknews.ru/20211230/adrbejanic-hajreniq-veradardzats-hing-gerineric-meky-dzerbakalvel-e-37036537.html

2022

Լուրեր

am_HY

գերի, հայաստան, դատ