Պետք է շուտ սկսել հայ-ադրբեջանական սահմանի դելիմիտացիայի հանձնաժողովի աշխատանքը. ՌԴ ԱԳՆ

© Sputnik / Кирилл Каллиников / Անցնել ֆոտոբանկՌԴ ԱԳՆ
ՌԴ ԱԳՆ - Sputnik Արմենիա, 1920, 21.01.2022
ՌԴ ԱԳՆ
Բաժանորդագրվեք
Yandex newsTelegram
Ռուսաստանի արտգործնախարարությունն անդրադարձել է նաև Ադրբեջանում պահվող հայ գերիների խնդրին։
ԵՐԵՎԱՆ, 21 հունվարի – Sputnik. Մոսկվան պատրաստ է սահմանագծման և սահմանազատման հարցում խորհրդատվական աջակցություն ցուցաբերել Բաքվին և Երևանին։ Այս մասին ասված է ՌԴ ԱԳՆ-ի տարածած հաղորդագրության մեջ, որում գերատեսչությունը պատասխանել է ԶԼՄ-ների հարցերին։
Ըստ ՌԴ ԱԳՆ–ի` հետևողականորեն ջանքեր են գործադրվում Հայաստանի և Ադրբեջանի սահմանին տիրող իրավիճակը կարգավորելու ուղղությամբ, որտեղ ժամանակ առ ժամանակ տեղի են ունենում զենքի կիրառմամբ միջադեպեր, որոնց հետևանքով մարդիկ են մահանում։
«Պետք է հնարավորինս շուտ ձևավորել և գործարկել հայ-ադրբեջանական սահմանի դելիմիտացիայի երկկողմ հանձնաժողովի աշխատանքը», - ասված է հաղորդագրությունում։
Անդրադառնալով հայ գերիների թեմային` ԱԳՆ–ն նշել է, որ Ռուսաստանն ակտիվ մասնակցում է այդ խնդրի լուծմանը, և ռուս խաղաղապահների միջնորդությամբ վերադարձվել են ընդհանուր առմամբ 146 պահվող անձինք` 127–ը` հայկական կողմին, 19–ը` ադրբեջանական:
Տաթև Հայրապետյան. «Սահմանազատման և սահմանագծման գործընթացն ի սկզբանե սխալ է մեկնարկել» - Sputnik Արմենիա, 1920, 20.01.2022
ՌԱԴԻՈ
Սահմանազատման և սահմանագծման գործընթացն ի սկզբանե սխալ է մեկնարկել. ադրբեջանագետ
Հիշեցնենք` նոյեմբերի 26–ին Սոչիում կայացավ Հայաստանի, Ռուսաստանի ու Ադրբեջանի առաջնորդների հանդիպումը։ Եռակողմ հանդիպումից առաջ Պուտինն առանձնազրույց էր ունեցել Ալիևի հետ։ Բանակցությունները տևեցին երեք ժամ։ Եռակողմ հանդիպմանը հաջորդեց Պուտին–Փաշինյան առանձնազրույցը։ Բանակցությունների արդյունքում ստորագրվեց համատեղ հայտարարություն։
Հայտարարվեց, որ պայմանավորվել են Հայաստանի և Ադրբեջանի միջև սահմանագծման և սահմանազատման մեխանիզմներ ստեղծել, քայլեր ձեռնարկել հայ-ադրբեջանական սահմանի կայունության և անվտանգության մակարդակի բարձրացման ուղղությամբ։
Լրահոս
0