Ադրբեջանի դեսպանը և Իրանի պաշտպանության նախարարը խոսել են ռազմական համագործակցության մասին

© AP Photo / Ronald ZakԻրանի դրոշը
Իրանի դրոշը - Sputnik Արմենիա, 1920, 22.01.2022
Իրանի դրոշը
Բաժանորդագրվեք
Yandex newsTelegram
Մի քանի ամիս առաջ իրանցի զինվորականները սպառնում էին ոչնչացնել Ադրբեջանը, այժմ կողմերը խոսում են ռազմական համագործակցության մասին։
ԵՐԵՎԱՆ, 22 հունվարի – Sputnik. Իրանում Ադրբեջանի դեսպան Ալի Ալիզադեն հանդիպել է Իսլամական Հանրապետության պաշտպանության նախարար, գեներալ-մայոր Մոհամմադ Ռեզա Աշտիանիի հետ։ Տեղեկությունը հայտնում է Azertaj-ը։
Հանդիպմանը նշվել է բոլոր ոլորտներում բարեկամ և մերձավոր հարևան երկրների համագործակցությունը շարունակելու անհրաժեշտությունը։ Շոշափվել են պաշտպանության, ռազմական և ռազմատեխնիկական ոլորտների օրակարգային հարցեր։
Մտքեր են փոխանակվել արդյունավետ համագործակցության հետագա ամրապնդման, այցելությունների կազմակերպման, փորձի փոխանակման ընդլայնման և համատեղ ծրագրերի իրականացման հեռանկարների շուրջ։
Իրանի համար սկզբունքային է տարածքային ամբողջականությանն աջակցելը. Ռայիսին` Փաշինյանին
Հիշեցնենք, որ մի քանի ամիս առաջ իրանա-ադրբեջանական հարաբերությունները նկատելիորեն վատթարացել էին, կողմերը մի քանի շաբաթ շարունակ փոխադարձ մեղադրանքներ ու սպառնալիքներ էին հնչեցնում։
Իրանի իշխանությունները կասկածում էին, որ Ադրբեջանը սերտորեն համագործակցում է Իսրայելի հետ։ Արդյունքում Իրանի իշխանությունները որոշեցին լայնածավալ զորավարժություններ անցկացնել Ադրբեջանի սահմանների մոտ՝ միաժամանակ նշելով, որ թույլ չեն տա երրորդ երկրների և օտարերկրյա միջամտողների ներկայությունը Հարավային Կովկասում։
Ոսկանյան. Հայ–թուրքական երկխոսության նկատմամբ Իրանի դրական արձագանքն իրավիճակային է - Sputnik Արմենիա, 1920, 18.01.2022
ՌԱԴԻՈ
Իրանն ամեն կերպ փորձելու է սահմանափակել թուրքական նկրտումները. Ոսկանյան
Դեկտեմբերի վերջին Ադրբեջանի արտգործնախարար Ջեյհուն Բայրամովը հայտարարեց, որ Ադրբեջանի և Իրանի միջև լարվածությունը լիովին վերացված է, իրենք կարողացել են հաղթահարել թյուրիմացությունները։ Ադրբեջանում Իրանի դեսպան Աբբաս Մուսավին էլ մի քանի օր անց վստահեցրեց, որ երկու երկրի հարաբերություններում նոր փուլ է սկսվել:
Լրահոս
0