https://arm.sputniknews.ru/20220124/zangezuri-kvombinaty-hh-amenakhvoshvor-harkatun-e-gazprvom-armenian-zijel-e-dirqery-37891383.html

Զանգեզուրի կոմբինատը ՀՀ ամենախոշոր հարկատուն է. «Գազպրոմ Արմենիան» զիջել է դիրքերը

Զանգեզուրի կոմբինատը ՀՀ ամենախոշոր հարկատուն է. «Գազպրոմ Արմենիան» զիջել է դիրքերը

Sputnik Արմենիա

ՀՀ 1000 խոշոր հարկ վճարողները միասին 2021թ.–ի ընթացքում ավելի քան 1 տրիլիոն 206 մլրդ դրամ հարկ են վճարել պետական բյուջե: 24.01.2022, Sputnik Արմենիա

2022-01-24T15:39+0400

2022-01-24T15:39+0400

2022-01-24T15:42+0400

հայաստան

պետական եկամուտների կոմիտե (պեկ)

«գազպրոմ արմենիա» ընկերություն

խոշոր հարկատու

«զանգեզուրի պղնձամոլիբդենային կոմբինատ»

տնտեսություն

https://cdn.am.sputniknews.ru/img/1315/70/13157020_0:0:1600:901_1920x0_80_0_0_c27e36276d39be51e0d2b8a2bdac6206.jpg

ԵՐԵՎԱՆ, 24 հունվարի – Sputnik. Հայաստանի պետեկամուտների կոմիտեն հրապարակել է 2021 թվականի ընթացքում առաջին 1000 խոշոր հարկ վճարողների ու նրանց վճարած հարկերի ցանկը, որի առաջին հորիզոնականում «Զանգեզուրի պղնձամոլիբդենային կոմբինատն է. ԶՊԿ–ն տարվա ընթացքում պետական բյուջե է վճարել 48 մլրդ 842 մլն դրամ։Հետաքրքրական է, որ կոմբինատը տարվա առաջին 3 եռամսյակում` հունվար–սեպտեմբեր ամիսների ընթացքում, ՀՀ խոշոր հարկատուների ցանկում մշտապես զբաղեցրել է երկրորդ հորիզոնականը «Գազպրոմ Արմենիայից» հետո։ Եվ միայն տարեվերջին` չորրորդ եռամսյակում է գլխավորել հարկատուների ցանկը` շուրջ 1 մլրդ դրամով գերազանցելով «Գազպրոմ Արմենիայի» վճարած հարկերի չափը։ Սա թերևս համաշխարհային շուկայում պղնձի գնի անկասելի բարձրացման հետևանք է։«Գազպրոմ Արմենիան» այս տարվա ընթացքում 47 մլրդ 825 մլն դրամի հարկ է վճարել բյուջե։Երրորդ խոշոր հարկատուն ՀՀ պաշտպանության նախարարությունն է (42 մլրդ 656 մլն դրամ), չորրորդը` «Գրանդ Տոբակո» ընկերությունը, որը 42 մլրդ 157 մլն դրամ հարկ է վճարել բյուջե։Ավանդաբար խոշոր հարկատուների տասնյակում են շարունակում մնալ «Գեոպրոմայնինգ Գոլդ» և «Ինտերնեյշնլ Մասիս Տաբակ» ընկերությունները` համապատասխանաբար 20.8 և 20.3 մլրդ դրամ հարկային մուտքերով։Խոշոր 10 հարկատուների շարքում են նաև հեղուկ վառելիքի շուկայի խոշոր ընկերությունները`«Ֆլեշը» (18,1 մլրդ) և «Սի Փի Էս օյլ»–ը (15,4 մլրդ)։Կապի օպերատորներից խոշորների տասնյակում է միայն «ՄՏՍ Հայաստանը»` 15.7 մլրդ դրամ տարեկան հարկերով։Մեզ մոտ յուրաքանչյուրը կարող է նախարար դառնալ․ կադրային իրավիճակը ՀայաստանումԽոշոր հարկատուների տասնյակը եզրափակում է «ԹԵՂՈՒՏ» հանքարդյունաբերող ընկերությունը, որն այս տարվա ընթացքում 15.3 մլրդ դրամի հարկ է մուծել պետությանը։Նշենք, որ ՀՀ 1000 խոշոր հարկ վճարողները միասին 2021թ.–ի ընթացքում ավելի քան 1 տրիլիոն 206 մլրդ դրամ հարկ են վճարել պետական բյուջե:Հարկային մարմին կատարված վճարումների գումարը կազմել է ավելի քան 989 մլրդ 980 մլն դրամ, մաքսային մարմին կատարված վճարումները` ավելի քան 216 մլրդ 881 մլն դրամ։Քաո՞ս, թե՞ որակյալ շինարարություն. լիցենզավորման պարզեցումն իրարանցում է առաջացրել

https://arm.sputniknews.ru/20220122/eatm-um-2021-tvakani-11-amsva-yntacqum-ardjunaberakan-artadrutjunn-atshel-e-51vov-37828956.html

https://arm.sputniknews.ru/20220121/inchpes-avelacnel-artahanumneri-tsavaly-depi-chinastan-qervobjany-khvosel-e-gvortsararneri-het-37805351.html

2022

Լուրեր

am_HY

հայաստան, պետական եկամուտների կոմիտե (պեկ), «գազպրոմ արմենիա» ընկերություն, խոշոր հարկատու, «զանգեզուրի պղնձամոլիբդենային կոմբինատ», տնտեսություն