https://arm.sputniknews.ru/20220125/stugvum-en-ankhtir-bvolvor-supermarketnery-safarjany-pvolietilenajin-tvoprakneri-masin-37905318.html

Ստուգվում են անխտիր բոլոր սուպերմարկետները. Սաֆարյանը` պոլիէթիլենային տոպրակների մասին

Ստուգվում են անխտիր բոլոր սուպերմարկետները. Սաֆարյանը` պոլիէթիլենային տոպրակների մասին

Sputnik Արմենիա

Երևանի քաղաքապետարանի առևտրի և ծառայությունների վարչության պետ Հովիկ Սաֆարյանը Sputnik Արմենիայի հետ զրույցում անդրադարձել է 50 միկրոնից պակաս հաստությամբ... 25.01.2022, Sputnik Արմենիա

2022-01-25T23:59+0400

2022-01-25T23:59+0400

2022-01-25T23:59+0400

տեսանյութեր

երևանի քաղաքապետարան

խանութ

տեսանյութ

պոլիէթիլենային տոպրակ

https://cdn.am.sputniknews.ru/img/07e6/01/18/37904282_0:0:1280:720_1920x0_80_0_0_add91601fd91be4392f40be1ae5dcf24.jpg

Երևանի քաղաքապետարանի առևտրի և ծառայությունների վարչության պետ Հովիկ Սաֆարյանը կարծում է, որ տնտեսավորողներն ու սպառողներն ունեցել են բավականաչափ ժամանակ օրենսդրական կարգավորմանը պատրաստվելու և նոր պայմաններին հարմարվելու համար, քանի որ 50 միկրոն հաստությունից պակաս պոլիէթիլենային տոպրակների վաճառքի ու իրացման արգելքին վերաբերող օրենքն ընդունվել է դեռ 2020 թվականի ապրիլին։Sputnik Արմենիայի հետ զրույցում նա նշում է, որ պրակտիկան ցույց է տալիս, որ բազմաթիվ տնտեսավորողներ արդեն իսկ նախապես պատրաստվել են ու սպառել իրենց մոտ եղած 50 միկրոնից պակաս հաստությամբ պոլիէթիլենային տոպրակների պաշարները։Պոլիէթիլենային չթույլատրված տոպրակների օգտագործման համար տնտեսվարողներին սկսել են տուգանելՆրա կարծիքով`ցանկացած օրենսդրական փոփոխության կամ նոր երևույթի ի հայտ գալուն պես առաջանում է դրան համակերպվելու խնդիր, բայցևայնպես բոլորս պետք է աշխատենք գործել նոր իրողությունների պայմաններում։ Սաֆարյանի խոսքով` այլընտրանքն անհրաժեշտ է, և դա կա, պարզապես ծավալները փոքր են և դեռ տեսանելի չեն։ Բացի դրանից, շուկան նույնպես թելադրելու է իր այլընտրանքը, քանզի որևէ ապրանքատեսակի արգելքի և բնապահպանական տեսանկյունից առավել անվտանգ տարբերակի առաջարկի դեպքում շուկայում կառաջանա համարժեք պահանջարկ։Նրա տեղեկացմամբ` ստուգայցերն արդեն մեկնարկել են և հաճելի է, որ ավելի քան հարյուր օբյեկտներում տնտեսվարողները բարեխղճորեն հետևում են օրենքին։ Ասում է` ստուգումներում որևէ խտրականություն չկա, ստուգվում են անխտիր բոլոր սուպերմարկետները, տեսուչները որևէ օբյեկտով կաշկանդված չեն` անկախ սեփականատիրոջից կամ որևէ այլ հանգամանքից։Նշենք, որ Հայաստանը հունվարի 1-ից հրաժարվել է 50 միկրոն հաստությունից պակաս պոլիէթիլենային տոպրակներից։ Արգելվել է դրանց վաճառքը (իրացումը) առևտրի բոլոր կետերում, առևտրի իրականացման վայրերում, շարժական առևտրական կետերում, ինչպես նաև տարանցիկ մանրածախ առևտրի ժամանակ ու բաց երկնքի տակ գտնվող առևտրային օբյեկտներում (բացառությամբ կշռման պարկերի և երկրորդային հումքից արտադրված փաթեթների):Հավելենք, որ, որ օրական միջին հաշվով մեկ ընտանիքին բաժին է ընկնում 1 պոլիէթիլենային տոպրակ։ Մեկ ամսում դա կազմում է 30 մլն պոլիէթիլենային տոպրակ։ 2020 թվականի տվյալներով՝ Հայաստանում 44 տնտեսվարող սուբյեկտներ նման ապրանք են արտադրել։ Տարեկան հանրապետությունում արտադրվել է 12 հազար տոննա պոլիէթիլենային տոպրակ, իսկ տնային տնտեսությունների կողմից սպառվում է 3,6-4 հազար տոննա։Հայտնի է, որ մինչև 50 միկրոն հաստությամբ պոլիէթիլենային փաթեթներն օգտագործվում են միջինը 10-15 րոպե, իսկ բնական միջավայրում դրանց քայքայման համար պահանջվում է 400 տարի։ Միջին հաշվով, ամեն տարի աշխարհում մոտ 5 տրիլիոն պոլիէթիլենային տոպրակ է օգտագործվում։

https://arm.sputniknews.ru/20220111/toprakov-problemner-hajastanum-hast-u-barak-toprakneri-kharnashpot-e-37400275.html

2022

Լուրեր

am_HY

տեսանյութեր, երևանի քաղաքապետարան, խանութ, տեսանյութ, պոլիէթիլենային տոպրակ