https://arm.sputniknews.ru/20220125/zhvoghvovrdavarakan-e-dprvoci-tnoreni-yntrutjunic-ancnel-nshanakman-andreasjani-ardzaganqy-37948133.html
Ժողովրդավարակա՞ն է դպրոցի տնօրենի ընտրությունից անցնել նշանակման. Անդրեասյանի արձագանքը
Ժողովրդավարակա՞ն է դպրոցի տնօրենի ընտրությունից անցնել նշանակման. Անդրեասյանի արձագանքը
Sputnik Արմենիա
ԿԳՄՍ փոխնախարար Ժաննա Անդրեասյանի խոսքով` այն գործընթացը, որով այսօր դպրոցներում իրականացվում է տնօրենների ընտրությունը, որևէ կապ չունի ժողովրդավարության հետ։ 25.01.2022, Sputnik Արմենիա
2022-01-25T15:17+0400
2022-01-25T15:17+0400
2022-01-25T15:18+0400
դպրոց
տնօրեն
ժաննա անդրեասյան
https://cdn.am.sputniknews.ru/img/07e5/0c/10/36561927_148:46:1600:863_1920x0_80_0_0_b93cc9026700ef44245334959b5885e7.jpg
ԵՐԵՎԱՆ, 25 հունվարի – Sputnik. ԿԳՄՍ փոխնախարար Ժաննա Անդրեասյանը ««Հանրակրթության մասին» օրենքի փոփոխությունները, դրանց առավելություններն ու մտահոգությունները» թեմայով խորհրդարանական լսումների ժամանակ պարզաբանել է, թե ինչու են այժմ դպրոցի տնօրեններին ոչ թե ընտրում, այլ նշանակում։Նշենք, որ ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նախաձեռնությամբ են մեկնարկել խորհրդարանական լսումները։ ՀՊՄՀ հոգաբարձուների խորհրդի նախագահ է ընտրվել Ժաննա ԱնդրեասյանըԿԳՄՍ փոխնախարար Ժաննա Անդրեասյանի ելույթից հետո, հարցուպատասխանի փուլում, ներկաներից մեկը նշեց, որ մենք դպրոցի տնօրենի ընտրական կարգից անցում ենք կատարում նշանակովի կարգի, բայց չէ՞ որ դա ժողովրդավարական սկզբունքներից հետընթաց է։«Դուք հարցնում եք, թե ինչքանով է ժողովրդավարական ընտրությունից անցնել նշանակման, ես կասեմ, որ սա ևս մեկ առիթ է, որպեսզի բոլորս մտածենք, թե ինչ նկատի ունենք, երբ ասում ենք «ժողովրդավարություն»։ Եթե դուք գտնում եք, որ այն ընտրության գործընթացը, որով այսօր դպրոցներում իրականացվում է տնօրենների ընտրությունը, որևէ կապ ունի ժողովրդավարության հետ, թույլ տվեք դրա հետ չհամաձայնել»,– ասաց Անդրեասյանը։Նա շեշտեց, որ չհամաձայնելու համար ունի բավարար հիմքեր, որոնց պարզաբանելն ու ներկայացնելը տևական ժամանակ կպահանջի, որի հնարավորությունը խորհրդարանական լսումների ժամանակ չունի։«Բայց ուզում եմ հավաստիացնել, որ այս գործընթացը, որը ներդրվելու է, առավելագույն թափանցիկ է լինելու։ Որպես արդյունք ուզում ենք ունենալ մեկ բան, որ պրոֆեսիոնալ և դպրոցին նվիրված մարդիկ իրենց տեղերում լինեն ու մտածեն կրթության որակի բարձրացման մասին»,–ասաց նա։Նշենք, որ ըստ նոր փոփոխությունների` դպրոցներում թե՛ վարչատնտեսական, թե՛ ուսումնական գծով ղեկավարները կնշանակվեն նախարարության կողմից՝ հաշվի առնելով մասնագիտական հանձնաժողովի կարծիքը, իսկ դպրոցի խորհուրդը կզբաղվի տվյալ ուսհաստատության զարգացման բովանդակային հարցերով։Նշենք, որ 2021 թվականի նոյեմբերի 25-ին կառավարությունը հավանություն տվեց նախագծին, որով առաջարկվում է տարանջատել դպրոցների վարչատնտեսական ու կրթական կառավարումները։ Դպրոցների շատ տնօրեններ, ինչպես նաև կրթության փորձագետները միակարծիք չեն այս փոփոխության առնչությամբ, քանի որ մտածում են, որ երկիշխանություն կստեղծվի։Հիշեցնենք, որ «Հանրակրթության մասին» օրենքի փոփոխությունների փաթեթն առաջին ընթերցմամբ դեկտեմբերի 16-ին քննարկվել է ԱԺ-ում։ Անդրեասյանն առաջարկել է նախագծի երկրորդ ընթերցմամբ քննարկումն իրականացնել ԱԺ հաջորդ հերթական նիստերի ընթացքում, քանի որ կառավարությունը մտադիր է վերանայել ուսուցիչների աշխատավարձերի դրույքաչափերը, որոնք կրկնակի կբարձրանան։
https://arm.sputniknews.ru/20210825/patmutyan-dasagrqer-xmbagrum-zanna-andreasyan-28775038.html
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
https://cdn.am.sputniknews.ru/img/07e5/0c/10/36561927_109:0:1533:1068_1920x0_80_0_0_5709748a02ededdb1b1ee4039ea79274.jpgSputnik Արմենիա
media@sputniknews.com
+74956456601
MIA „Rosiya Segodnya“
դպրոց, տնօրեն, ժաննա անդրեասյան
դպրոց, տնօրեն, ժաննա անդրեասյան
Ժողովրդավարակա՞ն է դպրոցի տնօրենի ընտրությունից անցնել նշանակման. Անդրեասյանի արձագանքը
15:17 25.01.2022 (Թարմացված է: 15:18 25.01.2022) ԿԳՄՍ փոխնախարար Ժաննա Անդրեասյանի խոսքով` այն գործընթացը, որով այսօր դպրոցներում իրականացվում է տնօրենների ընտրությունը, որևէ կապ չունի ժողովրդավարության հետ։
ԵՐԵՎԱՆ, 25 հունվարի – Sputnik. ԿԳՄՍ փոխնախարար Ժաննա Անդրեասյանը ««Հանրակրթության մասին» օրենքի փոփոխությունները, դրանց առավելություններն ու մտահոգությունները» թեմայով խորհրդարանական լսումների ժամանակ պարզաբանել է, թե ինչու են այժմ դպրոցի տնօրեններին ոչ թե ընտրում, այլ նշանակում։
Նշենք, որ ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նախաձեռնությամբ են մեկնարկել խորհրդարանական լսումները։
ԿԳՄՍ փոխնախարար Ժաննա Անդրեասյանի ելույթից հետո, հարցուպատասխանի փուլում, ներկաներից մեկը նշեց, որ մենք դպրոցի տնօրենի ընտրական կարգից անցում ենք կատարում նշանակովի կարգի, բայց չէ՞ որ դա ժողովրդավարական սկզբունքներից հետընթաց է։
«Դուք հարցնում եք, թե ինչքանով է ժողովրդավարական ընտրությունից անցնել նշանակման, ես կասեմ, որ սա ևս մեկ առիթ է, որպեսզի բոլորս մտածենք, թե ինչ նկատի ունենք, երբ ասում ենք «ժողովրդավարություն»։ Եթե դուք գտնում եք, որ այն ընտրության գործընթացը, որով այսօր դպրոցներում իրականացվում է տնօրենների ընտրությունը, որևէ կապ ունի ժողովրդավարության հետ, թույլ տվեք դրա հետ չհամաձայնել»,– ասաց Անդրեասյանը։
Նա շեշտեց, որ չհամաձայնելու համար ունի բավարար հիմքեր, որոնց պարզաբանելն ու ներկայացնելը տևական ժամանակ կպահանջի, որի հնարավորությունը խորհրդարանական լսումների ժամանակ չունի։
«Բայց ուզում եմ հավաստիացնել, որ այս գործընթացը, որը ներդրվելու է, առավելագույն թափանցիկ է լինելու։ Որպես արդյունք ուզում ենք ունենալ մեկ բան, որ պրոֆեսիոնալ և դպրոցին նվիրված մարդիկ իրենց տեղերում լինեն ու մտածեն կրթության որակի բարձրացման մասին»,–ասաց նա։
Նշենք, որ ըստ նոր փոփոխությունների` դպրոցներում թե՛ վարչատնտեսական, թե՛ ուսումնական գծով ղեկավարները կնշանակվեն նախարարության կողմից՝ հաշվի առնելով մասնագիտական հանձնաժողովի կարծիքը, իսկ դպրոցի խորհուրդը կզբաղվի տվյալ ուսհաստատության զարգացման բովանդակային հարցերով։
Նշենք, որ 2021 թվականի նոյեմբերի 25-ին կառավարությունը հավանություն տվեց նախագծին, որով առաջարկվում է տարանջատել դպրոցների վարչատնտեսական ու կրթական կառավարումները։ Դպրոցների շատ տնօրեններ, ինչպես նաև կրթության փորձագետները միակարծիք չեն այս փոփոխության առնչությամբ, քանի որ մտածում են, որ երկիշխանություն կստեղծվի։
Հիշեցնենք, որ «Հանրակրթության մասին» օրենքի փոփոխությունների փաթեթն առաջին ընթերցմամբ դեկտեմբերի 16-ին քննարկվել է ԱԺ-ում։ Անդրեասյանն առաջարկել է նախագծի երկրորդ ընթերցմամբ քննարկումն իրականացնել ԱԺ հաջորդ հերթական նիստերի ընթացքում, քանի որ կառավարությունը մտադիր է վերանայել ուսուցիչների աշխատավարձերի դրույքաչափերը, որոնք կրկնակի կբարձրանան։