ՌԴ ԱԳՆ-ում ասել են` ինչը թույլ կտա խուսափել ՀՀ սահմանին տեղի ունեցած միջադեպերից

Զինծառայող - Sputnik Արմենիա, 1920, 27.01.2022
Զինծառայող
Բաժանորդագրվեք
НовостиTelegram
Մոսկվան շարունակում է սերտ շփումները Երևանի և Բաքվի հետ նոյեմբերի 26-ին Սոչիում ընդունված եռակողմ հայտարարությունն իրականացնելու համար:
ԵՐԵՎԱՆ, 27 հունվարի – Sputnik. Հանձնաժողովի ձևավորումը և սահմանազատման ու սահմանագծման գործընթացի մեկնարկը թույլ կտա կանխել սահմանային միջադեպերը և կնպաստի Բաքվի ու Երևանի միջև հարաբերությունների կարգավորմանը: Այս հայտարարությունն արել է ՌԴ ԱԳՆ տեղեկատվության և մամուլի դեպարտամենտի փոխտնօրեն Ալեքսեյ Զայցևը ճեպազրույցի ժամանակ։

«Մենք շարունակում ենք սերտորեն աշխատել մեր գործընկերների հետ Սոչիում 2021 թվականի նոյեմբերի 26-ին ընդունված հայտարարությունն իրականացնելու համար, որը, ի թիվս այլ հարցերի, նախատեսում է ադրբեջանա–հայկական սահմանի դելիմիտացիայի երկկողմ հանձնաժողովի ստեղծում», - նշել է Զայցևը:

Նշենք, որ հայ-ադրբեջանական սահմանին իրավիճակը պարբերաբար սրվում է, վերջին միջադեպը տեղի ունեցավ Գեղարքունիքի մարզում հունվարի սկզբին, ինչի հետևանքով զոհվեցին երեք հայ զինծառայողներ:
«Որքան շուտ, այնքան լավ». Փաշինյանը` սահմանազատման հանձնաժողովի ստեղծման մասին
Հիշեցնենք` նոյեմբերի 26–ին Սոչիում կայացավ Հայաստանի, Ռուսաստանի ու Ադրբեջանի առաջնորդների հանդիպումը։ Եռակողմ հանդիպումից առաջ Պուտինն առանձնազրույց էր ունեցել Ալիևի հետ։ Բանակցությունները տևեցին երեք ժամ։ Եռակողմ հանդիպմանը հաջորդեց Պուտին–Փաշինյան առանձնազրույցը։ Բանակցությունների արդյունքում ստորագրվեց համատեղ հայտարարություն։
Հայտարարվեց, որ պայմանավորվել են Հայաստանի և Ադրբեջանի միջև սահմանագծման և սահմանազատման մեխանիզմներ ստեղծել, քայլեր ձեռնարկել հայ-ադրբեջանական սահմանի կայունության և անվտանգության մակարդակի բարձրացման ուղղությամբ։
Լրահոս
0