Ճապոնիան Հայաստանին 93 հազար դոլար կհատկացնի

© Photo : Facebook / ՀՀ առողջապահության նախարարություն«Ռ.Յոլյանի անվան Արյունաբանական կենտրոնի» ու Ճապոնիայի կառավարության միջև դրամաշնորհային պայմանագրի կնքման արարողություն (27 հունվարի, 2022թ). Երևան
«Ռ.Յոլյանի անվան Արյունաբանական կենտրոնի» ու Ճապոնիայի կառավարության միջև դրամաշնորհային պայմանագրի կնքման արարողություն (27 հունվարի, 2022թ). Երևան - Sputnik Արմենիա, 1920, 27.01.2022
Բաժանորդագրվեք
Yandex newsTelegram
Ռ.Յոլյանի անվան Արյունաբանական կենտրոնը կհամալրվի նոր սարքավորումով։
ԵՐԵՎԱՆ, 27 հունվարի – Sputnik. Ճապոնիայի կառավարության հաստատել է Հայաստանին հատկացվող մոտ 93 հազար դոլարի դրամաշնորհի նախագիծը, որով Ռ.Յոլյանի անվան Արյունաբանական կենտրոնը կհամալրվի նոր սարքավորումով։
Տեղեկությունը հայտնում են ՀՀ առողջապահության նախարարությունից։
Նշվում է, որ նոր սարքավորումները կնպաստեն կենտրոնում արյան քաղցկեղի ճշգրիտ ախտորոշման և դիտարկման հնարավորությունների բարելավմանը։
Այսօր առողջապահության նախարարությունում տեղի է ունեցել հայկական և ճապոնական կողմերի միջև պայմանագրի կնքման հանդիսավոր արարողությունը, որի ընթացքում ելույթներ են ունեցել առողջապահության նախարար Անահիտ Ավանեսյանը, Ճապոնիայի դեսպան Մասանորի Ֆուկուշիման և Արյունաբանական կենտրոնի տնօրեն Սամվել Դանիելյանը։
«ԳեոՊրոՄայնինգն» անակնկալ է մատուցել Արյունաբանական կենտրոնում բուժվող երեխաներին
Անահիտ Ավանեսյանն իր ելույթում շնորհակալություն է հայտնել Ճապոնիայի կառավարությանը օժանդակության համար։
«Մենք բարձր ենք գնահատում ճապոնացի գործընկերների աջակցությունը` որպես երկարամյա և արդյունավետ համագործակցության ևս մեկ օրինակ»,-նշել է նախարարը:
Ճապոնիայի դեսպան Մասանորի Ֆուկուշիման իր հերթին նշել է, որ իրենք լիահույս են, որ այս ծրագրով կնպաստեն Հայաստանի առողջապահական ոլորտի զարգացմանն ու մարդկանց կյանքի որակի բարելավմանը։
Արյունաբանական կենտրոնի տնօրեն Սամվել Դանիելյանն ավելացրել է, որ պայմանագրով ձեռք կբերվի հոսքային ցիկլեր, ինչը կնպաստի պացիենտների ճշգրիտ ախտորոշմանն ու բուժման արդյունավետ կազմակերպմանը։
Լրահոս
0