https://arm.sputniknews.ru/20220128/garnany-katnamterqn-el-ktankana-armen-gigvojani-kankhatesumn-u-arajarky-38074583.html
Գարնանը կաթնամթերքն էլ կթանկանա՞. Արմեն Գիգոյանի կանխատեսումն ու առաջարկը
Գարնանը կաթնամթերքն էլ կթանկանա՞. Արմեն Գիգոյանի կանխատեսումն ու առաջարկը
Sputnik Արմենիա
Հայաստանի պանրագործների միության ղեկավար Արմեն Գիգոյանը համոզված է, որ մի քանի տարվա ընթացքում հնարավոր է Հայաստանում վերականգնել կաթի լիարժեք արտադրությունը։ 28.01.2022, Sputnik Արմենիա
2022-01-28T18:29+0400
2022-01-28T18:29+0400
2022-01-28T18:29+0400
ռադիո
կաթնամթերք
պանիր
թանկացում
կաթ
պոդկաստ
արմեն գիգոյան
https://cdn.am.sputniknews.ru/img/07e6/01/1c/38072554_0:0:1600:901_1920x0_80_0_0_9df43613ac95eb41125ff266102351d1.jpg
Գիգոյան. «ՀՀ–ում բավարար քանակի կաթ չի արտադրվում ներքին կարիքները բավարարելու համար»
Sputnik Արմենիա
Գիգոյան. «ՀՀ–ում բավարար քանակի կաթ չի արտադրվում ներքին կարիքները բավարարելու համար»
Կաթնամթերքի շուկայում առաջիկայում կտրուկ գնաճ չի լինի։ Sputnik Արմենիայի հետ զրույցում այսպիսի կանխատեսում արեց Հայաստանի պանրագործների միության ղեկավար Արմեն Գիգոյանը։Անդրադառնալով այն հարցին, որ փետրվարի 1-ից էլեկտրաէներգիայի սակագնի բարձրացումը կարող է նպաստել կաթնամթերքի գնաճին, Գիգոյանն ընդգծեց, որ թեև այդ հանգամանքը կարող է որոշակի դերակատարում ունենալ, բայցևայնպես դա էական չի լինի, քանի որ կաթնամթերքի շուկան, առավել ևս պանրի արտադրությունն ազատ մրցակցային դաշտում է, և քանի որ էլեկտրաէներգիայի սակագինը ոչ թե կտրուկ կբարձրանա, այլ կթանկանա աստիճանաբար, ուստի արտադրության վրա կունենա թեթև ազդեցություն և էապես չի հարվածի տնտեսվարողների գրպանին։ԱՊՊԱ–ն թանկանում է. որո՞նք են նոր սակագների լավ և վատ կողմերըՆշենք, որ կաթնամթերքի և առհասարակ կաթի արտադրության ոլորտում գները սկսեցին աճել նախորդ տարվա սեպտեմբերից։ Քանի որ Հայաստանում բավարար քանակի կաթ չի արտադրվում, հետևաբար կախվածությունն արտաքին շուկայից, ներկրվող կաթի փոշուց բավականին մեծ է։«Եվրոպայում կլիմայի փոփոխման հետ կապված միջոցառումների շրջանակում անասունների գլխաքանակի նվազման միտում կա, ինչն իր հերթին հանգեցրել է կաթի փոշու գնաճի։ Հայաստանն արտաքին շուկայից կախվածության առումով չկարողացավ անխոցելի լինել։ Երկար ժամանակ ոլորտի ներկայացուցիչներն ահազանգում էին, թե պարենային անվտանգության տեսանկյունից ճիշտ կլինի, որ տեղում կաթի արտադրությունը կազմակերպվի առավելագույն չափով, սակայն այդ ուղղությամբ բավարար աշխատանքներ չեն իրականացվել»,– նշեց Հայաստանի պանրագործների միության ղեկավարը։Գիգոյանի խոսքով` իրենց միությունը նախորդ տարվա հուլիսից ահազանգում էր, որ շուկայում կարող է լինել կաթի դեֆիցիտ։«Այդպես էլ եղավ։ Աշնան առաջին կեսում պանրի տեսականին մասնակիորեն, իսկ երկրորդ կեսում գրեթե 80 տոկոսով պատրաստվում էր կաթի փոշիով և բուսական յուղով, հետևաբար աշնանից ի վեր արտադրվել է հիմնականում պանրամթերք, այլ ոչ թե պանիր»,– ասաց նա։Այսինքն` ներքին հումքի բավարար պաշարների բացակայության պատճառով Հայաստանում առաջացան տարաբնույթ հետևանքներ` կապված գների, տեսականու և տեխնոլոգիական արտադրության հետ։ՀՀ վիճակագրական կոմիտեի տվյալների համաձայն` կաթնամթերքի, մասնավորապես պանրի շուկայում 2021 թվականի դեկտեմբերին 2020թ. նույն ժամանակահատվածի հետ համեմատ գրանցվել է 11.2 տոկոս գնաճ։ Իսկ ահա նախորդ տարվա դեկտեմբերին, նոյեմբերի համեմատ, կաթնամթերքն ու պանիրը թանկացել են 1.6 տոկոսով:Նախորդ տարվա դեկտեմբերին 2020 թվականի դեկտեմբերի համեմատ հանրապետությունում արձանագրվել է կաթնաշոռի 6.9, իսկ պանրի՝ 13.4 տոկոս գնաճ։ Միայն նախորդ տարվա դեկտեմբերին նոյեմբերի համեմատ կաթնաշոռի գինը բարձրացել է 1.1, իսկ պանրինը՝ 2.8 տոկոսով։Հայկական կաշեգործները պատրաստ են թուրքական նոր «գրոհին». ինչ է փոխել էմբարգոն
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
կաթ պանիր արմեն գիգոյան թանկացում
կաթ պանիր արմեն գիգոյան թանկացում
Գարնանը կաթնամթերքն էլ կթանկանա՞. Արմեն Գիգոյանի կանխատեսումն ու առաջարկը
Հայաստանի պանրագործների միության ղեկավար Արմեն Գիգոյանը համոզված է, որ մի քանի տարվա ընթացքում հնարավոր է Հայաստանում վերականգնել կաթի լիարժեք արտադրությունը։
Կաթնամթերքի շուկայում առաջիկայում կտրուկ գնաճ չի լինի։
Sputnik Արմենիայի հետ զրույցում այսպիսի կանխատեսում արեց Հայաստանի պանրագործների միության ղեկավար Արմեն Գիգոյանը։
«Գնաճ չի լինի, քանի որ սեզոնային բնույթ կրող կաթի արտադրությունը գարնանը սկսում է ավելանալ, և ներքին արտադրության աճի հաշվին գների զսպման էական միտում է արձանագրվում։ Մինչև աշուն գները չեն նվազի, բայց նաև լրջորեն չեն բարձրանա»,– ասաց նա։
Անդրադառնալով այն հարցին, որ փետրվարի 1-ից էլեկտրաէներգիայի սակագնի բարձրացումը կարող է նպաստել կաթնամթերքի գնաճին, Գիգոյանն ընդգծեց, որ թեև այդ հանգամանքը կարող է որոշակի դերակատարում ունենալ, բայցևայնպես դա էական չի լինի, քանի որ կաթնամթերքի շուկան, առավել ևս պանրի արտադրությունն ազատ մրցակցային դաշտում է, և քանի որ էլեկտրաէներգիայի սակագինը ոչ թե կտրուկ կբարձրանա, այլ կթանկանա աստիճանաբար, ուստի արտադրության վրա կունենա թեթև ազդեցություն և էապես չի հարվածի տնտեսվարողների գրպանին։
Նշենք, որ կաթնամթերքի և առհասարակ կաթի արտադրության ոլորտում գները սկսեցին աճել նախորդ տարվա սեպտեմբերից։ Քանի որ
Հայաստանում բավարար քանակի կաթ չի արտադրվում, հետևաբար կախվածությունն արտաքին շուկայից, ներկրվող կաթի փոշուց բավականին մեծ է։
«Եվրոպայում կլիմայի փոփոխման հետ կապված միջոցառումների շրջանակում անասունների գլխաքանակի նվազման միտում կա, ինչն իր հերթին հանգեցրել է կաթի փոշու գնաճի։
Հայաստանն արտաքին շուկայից կախվածության առումով չկարողացավ անխոցելի լինել։ Երկար ժամանակ ոլորտի ներկայացուցիչներն ահազանգում էին, թե պարենային անվտանգության տեսանկյունից ճիշտ կլինի, որ տեղում կաթի արտադրությունը կազմակերպվի առավելագույն չափով, սակայն այդ ուղղությամբ բավարար աշխատանքներ չեն իրականացվել»,– նշեց Հայաստանի պանրագործների միության ղեկավարը։
Գիգոյանի խոսքով` իրենց միությունը նախորդ տարվա հուլիսից ահազանգում էր, որ շուկայում կարող է լինել կաթի դեֆիցիտ։
«Այդպես էլ եղավ։ Աշնան առաջին կեսում պանրի տեսականին մասնակիորեն, իսկ երկրորդ կեսում գրեթե 80 տոկոսով պատրաստվում էր կաթի փոշիով և բուսական յուղով, հետևաբար աշնանից ի վեր արտադրվել է հիմնականում պանրամթերք, այլ ոչ թե պանիր»,– ասաց նա։
Այսինքն` ներքին հումքի բավարար պաշարների բացակայության պատճառով
Հայաստանում առաջացան տարաբնույթ հետևանքներ` կապված գների, տեսականու և տեխնոլոգիական արտադրության հետ։
«Սա վառ օրինակ է, որ մենք ևս մեկ անգամ մեր մեջ ուժ գտնենք և փորձենք կոնկրետ քայլեր ձեռնարկել կաթի լիարժեք արտադրության վերականգնման ուղղությամբ, ինչը ժամանակակից տեխնոլոգիաների միջոցով հնարավոր է անել։ Այն մարդկանց տեսակետը, որոնք կարծում են, թե տարածքային ռեսուրսների սակավության կամ այլ պատճառներով դժվար է ՀՀ–ում ապահովել 100 տոկոսի չափով կաթի արտադրություն ներքին կարիքների համար, քննության չի դիմանում, մինչդեռ համոզված եմ, որ կարելի է դա իրականացնել 3-5 տարվա ընթացքում»,– ասաց պանրագործների միության ղեկավարը։
ՀՀ վիճակագրական կոմիտեի տվյալների համաձայն` կաթնամթերքի, մասնավորապես պանրի շուկայում 2021 թվականի դեկտեմբերին 2020թ. նույն ժամանակահատվածի հետ համեմատ գրանցվել է 11.2 տոկոս գնաճ։ Իսկ ահա նախորդ տարվա դեկտեմբերին, նոյեմբերի համեմատ, կաթնամթերքն ու պանիրը թանկացել են 1.6 տոկոսով:
Նախորդ տարվա դեկտեմբերին 2020 թվականի դեկտեմբերի համեմատ հանրապետությունում արձանագրվել է կաթնաշոռի 6.9, իսկ պանրի՝ 13.4 տոկոս գնաճ։ Միայն նախորդ տարվա դեկտեմբերին նոյեմբերի համեմատ կաթնաշոռի գինը բարձրացել է 1.1, իսկ պանրինը՝ 2.8 տոկոսով։
