«Ես լավ գուշակ եմ». ի՞նչ է կանխատեսում Թրամփը Պեկինի Օլիմպիադայից հետո

© Sputnik / Stringer / Անցնել մեդիապահոցԴոնալդ Թրամփ
Դոնալդ Թրամփ - Sputnik Արմենիա, 1920, 30.01.2022
Դոնալդ Թրամփ. Արխիվային լուսանկար
Բաժանորդագրվեք
НовостиTelegram
ԱՄՆ նախկին նախագահ Դոնալդ Թրամփը կարծում է, որ Ամերիկայի ներկայիս ղեկավարության ոչ կոմպետենտ լինելը կարող է միջազգային իրավիճակի սրացման պատճառ դառնալ։
ԵՐԵՎԱՆ, 30 հունվարի – Sputnik. ԱՄՆ նախկին նախագահ Դոնալդ Թրամփը կոչ է արել բոլորին Պեկինի օլիմպիական խաղերից հետո ուշադիր հետևել ՉԺՀ–ի և Թայվանի միջև ընթացող գործընթացներին։ Միևնույն ժամանակ Սպիտակ տան նախկին տերը համոզված է, որ ինքը «լավ գուշակ է»։
Նշենք, որ ձմեռային օլիմպիական խաղերը մեկնարկում են Պեկինում հաջորդ շաբաթ։
Պետության նախկին ղեկավարը չի նշել, թե կոնկրետ ինչ նկատի ունի, սակայն ընդգծել է, որ իր կառավարման տարիներին ՉԺՀ–ի իշխանությունների նույնիսկ մտքով չէր անցնի ապստամբ կղզու գրավման սցենար մշակել։
Չինաստանն ԱՄՆ–ին հորդորել է ականջալուր լինել ՌԴ–ի պայմաններին և չխաղալ կրակի հետ
«Ես դա նույնիսկ առաջնորդ Սիի (Սի Ցզինպին – խմբ.) հետ չեմ քննարկել։ Տեսեք, թե ինչ տեղի կունենա Օլիմպիադայից հետո։ Ես լավ գուշակ եմ։ Տեսեք, թե Թայվանի և Չինաստանի հետ ինչ տեղի կունենա անմիջապես օլիմպիական խաղերից հետո», – ասել է Թրամփը Տեխասում կայացած հանրահավաքի ժամանակ։
Ինչ վերաբերում է միջազգային իրավիճակի սրացմանը, ապա, ըստ նրա, դրա պատճառը ԱՄՆ գործող նախագահ Ջո Բայդենի ոչ կոմպետետն լինելն է։
«Մեր առաջնորդները ծաղրուծանակ են, նրանք պատկերացում չունեն` ինչ են անում», – հայտարարել է ԱՄՆ նախկին նախագահը։
Ինչպես նշել է Թրամփը, այն, ինչ ռազմական առումով տեղի է ունենում այսօր ամբողջ աշխարհում, դժվար թե լիներ, եթե ընտրությունները, ըստ նրա, կեղծված չլինեին, և ԱՄՆ–ում այլ նախագահ լիներ։

«Իսկ եթե Օվալաձև աշխատասենյակում նստած լիներ Թրամփը, Իրանը ԱՄՆ–ի հետ նոր միջուկային գործարքի ստորագրման կգնար ընտրություններից հետո մեկ շաբաթվա ընթացքում, Պուտինը երբեք զորքն Ուկրաինայի մոտ չէր տանի, իսկ Չինաստանի մտքով էլ Թայվանի գրավում չէր անցնի»,–ասել է Թրամփը։

Հիշեցնենք` ՉԺՀ կենտրոնական կառավարության և նրա կղզյակային նահանգի միջև պաշտոնական հարաբերությունները խզվեցին 1949 թվականին, երբ Չինաստանի կոմկուսի հետ քաղաքացիական պատերազմում պարտություն կրած Գոմինդանի ուժերը՝ Չան Կայշիի գլխավորությամբ, տեղափոխվեցին Թայվան: Մայրցամաքային Չինաստանի և կղզու գործնական և ոչ պաշտոնական շփումները վերականգնվեցին 1980-ականների վերջին։ 1990-ականների սկզբին կողմերը սկսեցին շփվել երկու ՀԿ–ների միջոցով` Թայվանի նեղուցով հարաբերությունների զարգացման Պեկինի ասոցիացիայի և նեղուցի միջոցով փոխանակումների Թայբեյի հիմնադրամի։
Լրահոս
0