https://arm.sputniknews.ru/20220131/parekajin-tsarajutjan-nerdrumic-hetvo-avelacel-en-vostikanin-kasharq-talu-arajarknery-38144399.html
Պարեկային ծառայության ներդրումից հետո ավելացել են ոստիկանին կաշառք տալու առաջարկները
Պարեկային ծառայության ներդրումից հետո ավելացել են ոստիկանին կաշառք տալու առաջարկները
Sputnik Արմենիա
Կաշառք տալու համար նախատեսված է պատիժ՝ ընդհուպ ազատազրկում մինչև երեք տարի ժամկետով: 31.01.2022, Sputnik Արմենիա
2022-01-31T17:51+0400
2022-01-31T17:51+0400
2022-01-31T17:53+0400
պարեկային ծառայություն
հայաստան
կաշառք
https://cdn.am.sputniknews.ru/img/07e5/07/07/28196829_0:84:1601:984_1920x0_80_0_0_409980f41416a03ccdcf32970a016a32.jpg
ԵՐԵՎԱՆ, 31 հունվարի – Sputnik. ՀՀ ոստիկանությունում պարեկային ծառայության ներդրումից հետո ճանապարհային երթևեկության խախտմամբ պայմանավորված արձանագրություն չկազմելու համար պարեկներին կաշառք առաջարկելու դեպքերը կտրուկ ավելացել են։Տեղեկությունը հայտնում է ՀՀ գլխավոր դատախազության մամուլի ծառայությունը։Նշվում է, որ ավելացել են նաև դրանց հիման վրա քրեական վարույթների հարուցման դեպքերը։2022թ. հունվարի 31-ի դրությամբ արդեն իսկ դատարան է ուղարկվել ՀՀ քրեական օրենսգրքի 312-րդ հոդվածի 1-ին մասի (պաշտոնատար անձին կաշառք տալը) հատկանիշներով հարուցված և քննված 3 քրեական գործ: Դրանցից մեկով կայացվել է մեղադրական դատավճիռ: 21-ամյա Մարիանան կաշառք է առաջարկել պարեկներին. նրան բերման են ենթարկելՄասնավորապես՝ Հակակոռուպցիոն կոմիտեում քննված քրեական գործով ձեռք բերված ապացույցներով հիմնավորվել է, որ 2021թ. դեկտեմբերի 2-ին՝ ժամը 20:50-ի սահմաններում «Զվարթնոց» օդանավակայանի անվճար ավտոկայանատեղիի տարածքում պարեկները հայտնաբերել էին կանգառն արգելող դեղին հոծ գծանշման ազդման գոտում կայանված «Նիսսան» մակնիշի ավտոմեքենա: Ոստիկանները վարորդ Դ. Հ.–ին հրավիրել էին մեքենայի մոտ, որպեսզի վարչական իրավախախտման վերաբերյալ արձանագրություն կազմեն։ Դ. Հ.–ն իրեն վարչական պատասխանատվության չենթարկելու համար առաջարկել էր 5000 ՀՀ դրամ կաշառք:Նույն պահին կաշառք տալու կասկածանքով վարորդը բերման էր ենթարկվել ՀՀ ոստիկանության «Զվարթնոց» օդանավակայանի գծային բաժին: Նրան մեղադրանք է առաջադրվել պաշտոնատար անձին կաշառք տալու հիմքով։ 2021թ. դեկտեմբերի 27-ին էլ քրեական գործն ուղարկվել է Երևան քաղաքի ընդհանուր իրավասության դատարան: 2022թ. հունվարի 27-ի դատավճռով Դ. Հ.-ն մեղավոր է ճանաչվել իրեն մեղսագրված արարքի կատարման համար և դատապարտվել 120.000 ՀՀ դրամի չափով տուգանքի: «Զվարթնոցում» վարորդը փորձել է փող նետել ոստիկանների մեքենան. ի՞նչ է եղել հետոԴատարան ուղարկված մյուս 2 քրեական գործով դատաքննությունը շարունակվում է: Դրանցով երկու վարորդի մեղադրանք է առաջադրվել 2021թ. նոյեմբերին, տարբեր օրերի, իրենց կողմից կատարված ՃԵ կանոնների խախտման համար արձանագրություն չկազմելու նպատակով պարեկներին տարբեր չափերի կաշառք առաջարկելու համար: Երկու դեպքում էլ վարորդները բերման են ենթարկվել ոստիկանության բաժիններ:Գլխավոր դատախազությունից նաև հայտնում են, որ Հակակոռուպցիոն կոմիտեում ներկա պահին քննվում է քաղաքացիների կողմից, պարեկներին նույնաբնույթ պայմաններում տարբեր վարչական իրավախախտումներ չարձանագրելու համար կաշառք առաջարկելու դեպքերի վերաբերյալ հարուցված ևս 4 քրեական գործ: 2022թ. կատարված նման մի քանի դեպքի առթիվ էլ ՀՀ ոստիկանությունում նախապատրաստվում են նյութեր:Գերատեսչությունը փաստում է, որ ըստ առկա տվյալների, պարեկներն անհանդուրժողականություն են դրսևորում իրենց կաշառք առաջարկելու նկատմամբ, սակայն քաղաքացիների կողմից այդ պրակտիկան դեռևս շարունակվում է։ Վարորդը եղել է ոչ սթափ, ուղևորը կաշառք է առաջարկել պարեկներին. ոստիկանության տեսանյութըԴատախազությունը հորդորում է բոլոր վարորդներին պահպանել ճանապարհային երթևեկության կանոնները, իսկ խախտումների դեպքում` զերծ մնալ ոստիկանության ծառայողներին որևէ եղանակով կաշառք տալուց: Նշված հանցավոր արարքի համար նախատեսված է պատիժ՝ ընդհուպ ազատազրկում մինչև երեք տարի ժամկետով:
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
https://cdn.am.sputniknews.ru/img/07e5/07/07/28196829_88:0:1511:1067_1920x0_80_0_0_bde5465a7adc494b4cd55d9481e2a87f.jpgSputnik Արմենիա
media@sputniknews.com
+74956456601
MIA „Rosiya Segodnya“
պարեկային ծառայություն, հայաստան, կաշառք
պարեկային ծառայություն, հայաստան, կաշառք
Պարեկային ծառայության ներդրումից հետո ավելացել են ոստիկանին կաշառք տալու առաջարկները
17:51 31.01.2022 (Թարմացված է: 17:53 31.01.2022) Կաշառք տալու համար նախատեսված է պատիժ՝ ընդհուպ ազատազրկում մինչև երեք տարի ժամկետով:
ԵՐԵՎԱՆ, 31 հունվարի – Sputnik. ՀՀ ոստիկանությունում պարեկային ծառայության ներդրումից հետո ճանապարհային երթևեկության խախտմամբ պայմանավորված արձանագրություն չկազմելու համար պարեկներին կաշառք առաջարկելու դեպքերը կտրուկ ավելացել են։
Նշվում է, որ ավելացել են նաև դրանց հիման վրա քրեական վարույթների հարուցման դեպքերը։
2022թ. հունվարի 31-ի դրությամբ արդեն իսկ դատարան է ուղարկվել ՀՀ քրեական օրենսգրքի 312-րդ հոդվածի 1-ին մասի (պաշտոնատար անձին կաշառք տալը) հատկանիշներով հարուցված և քննված 3 քրեական գործ: Դրանցից մեկով կայացվել է մեղադրական դատավճիռ:
Մասնավորապես՝ Հակակոռուպցիոն կոմիտեում քննված քրեական գործով ձեռք բերված ապացույցներով հիմնավորվել է, որ 2021թ. դեկտեմբերի 2-ին՝ ժամը 20:50-ի սահմաններում «Զվարթնոց» օդանավակայանի անվճար ավտոկայանատեղիի տարածքում պարեկները հայտնաբերել էին կանգառն արգելող դեղին հոծ գծանշման ազդման գոտում կայանված «Նիսսան» մակնիշի ավտոմեքենա: Ոստիկանները վարորդ Դ. Հ.–ին հրավիրել էին մեքենայի մոտ, որպեսզի վարչական իրավախախտման վերաբերյալ արձանագրություն կազմեն։ Դ. Հ.–ն իրեն վարչական պատասխանատվության չենթարկելու համար առաջարկել էր 5000 ՀՀ դրամ կաշառք:
Նույն պահին կաշառք տալու կասկածանքով վարորդը բերման էր ենթարկվել ՀՀ ոստիկանության «Զվարթնոց» օդանավակայանի գծային բաժին: Նրան մեղադրանք է առաջադրվել պաշտոնատար անձին կաշառք տալու հիմքով։ 2021թ. դեկտեմբերի 27-ին էլ քրեական գործն ուղարկվել է Երևան քաղաքի ընդհանուր իրավասության դատարան: 2022թ. հունվարի 27-ի դատավճռով Դ. Հ.-ն մեղավոր է ճանաչվել իրեն մեղսագրված արարքի կատարման համար և դատապարտվել 120.000 ՀՀ դրամի չափով տուգանքի:
Դատարան ուղարկված մյուս 2 քրեական գործով դատաքննությունը շարունակվում է: Դրանցով երկու վարորդի մեղադրանք է առաջադրվել 2021թ. նոյեմբերին, տարբեր օրերի, իրենց կողմից կատարված ՃԵ կանոնների խախտման համար արձանագրություն չկազմելու նպատակով պարեկներին տարբեր չափերի կաշառք առաջարկելու համար: Երկու դեպքում էլ վարորդները բերման են ենթարկվել ոստիկանության բաժիններ:
Գլխավոր դատախազությունից նաև հայտնում են, որ Հակակոռուպցիոն կոմիտեում ներկա պահին քննվում է քաղաքացիների կողմից, պարեկներին նույնաբնույթ պայմաններում տարբեր վարչական իրավախախտումներ չարձանագրելու համար կաշառք առաջարկելու դեպքերի վերաբերյալ հարուցված ևս 4 քրեական գործ: 2022թ. կատարված նման մի քանի դեպքի առթիվ էլ ՀՀ ոստիկանությունում նախապատրաստվում են նյութեր:
Գերատեսչությունը փաստում է, որ ըստ առկա տվյալների, պարեկներն անհանդուրժողականություն են դրսևորում իրենց կաշառք առաջարկելու նկատմամբ, սակայն քաղաքացիների կողմից այդ պրակտիկան դեռևս շարունակվում է։
Դատախազությունը հորդորում է բոլոր վարորդներին պահպանել ճանապարհային երթևեկության կանոնները, իսկ խախտումների դեպքում` զերծ մնալ ոստիկանության ծառայողներին որևէ եղանակով կաշառք տալուց: Նշված հանցավոր արարքի համար նախատեսված է պատիժ՝ ընդհուպ ազատազրկում մինչև երեք տարի ժամկետով: