Հռիփսիմե Խուրշուդյանի չեմպիոնական վերադարձը. ՀՀ ծանրամարտի առաջնությունն է ընթանում

© Photo : official site of MESCS of RA Чемпионки Армении по тяжелой алетике
Чемпионки Армении по тяжелой алетике - Sputnik Արմենիա, 1920, 01.02.2022
Բաժանորդագրվեք
НовостиTelegram
Տղամարդկանց առաջնությունը կմեկնարկի վաղը՝ փետրվարի 2-ին։
ԵՐԵՎԱՆ, 1 փետրվարի - Sputnik. Երևանի Օլիմպիական հերթափոխի պետական մարզական քոլեջում այսօր մեկնարկել է ծանրամարտի Հայաստանի մեծահասակների առաջնությունը: Մրցումային առաջին օրը Հայաստանի չեմպիոններին որոշել են կանայք, հայտնում են ԿԳՄՍ նախարարությունից:
6 տարվա դադարից հետո մեծ սպորտ է վերադարձել Եվրոպայի չեմպիոն Հռիփսիմե Խուրշուդյանն ու 87 կգ քաշային կարգում նվաճել Հայաստանի չեմպիոնությունը: Խուրշուդյանը երկամարտի 216 կգ արդյունքով (99+117) է նվաճել Հայաստանի առաջնության ոսկե մեդալները։
«Սա ծանրամարտի վերջն է». օլիմպիական քաշային կարգերի փոփոխությունը հարվածում է մեր շահերին
Հայաստանի չեմպիոններ են դարձել նաև Նատալիա Սարգսյանը (45 կգ), Գյուլնարա Տիգրանյանը (49 կգ), Ալեքսանդրա Գրիգորյանը (55 կգ), Իզաբելա Յայլյանը (59 կգ), Վալենտինա Մովսիսյանը (64 կգ), Մարիամ Միքայելյանը (71 կգ), Միլենա Խաչատրյանը (76 կգ), Տաթև Հակոբյանը (81 կգ) և Ջուլիետա Ավանեսյանը (87+ կգ):
Կանանց ստուգատեսին ընդհանուր առմամբ 35 մարզուհի է մասնակցել:
Տղամարդկանց առաջնությունը կմեկնարկի վաղը՝ փետրվարի 2-ին. 5 օր շարունակ 10 քաշային կարգերում Հայաստանի ուժեղագույն ծանրորդները կպայքարեն չեմպիոնի կոչման համար: Տղամարդկանց մրցումներին մոտ 130 ծանրորդ կմասնակցի:
Լրահոս
0