«Զրպարտություն է». Ռոմանոս Պետրոսյանը վստահեցնում է՝ «Ծիրանի» ռեստորանի հետ կապ չունի

© Sputnik / Aram NersesyanՌոմանոս Պետրոսյան
Ռոմանոս Պետրոսյան - Sputnik Արմենիա, 1920, 02.02.2022
Բաժանորդագրվեք
НовостиTelegram
Ռոմանոս Պետրոսյանը վստահեցնում է, որ որևէ ոլորտում չի տնտեսվարում և այդպիսի գործունեություն ծավալելու մտադրություն չունի։
ԵՐԵՎԱՆ, 2 փետրվարի – Sputnik. Պետական վերահսկողական ծառայության ղեկավար Ռոմանոս Պետրոսյանը հերքում է լուրերն այն մասին, թե ինքը կապ ունի Առինջ համայնքում գտնվող «Ծիրանի» ռեստորանային համալիրի հետ: Նա Facebook–ի իր էջում հերքման տեքստ է հրապարակել։
Նշենք, որ մամուլում և սոցցանցերում լուրեր էին շրջանառվում, թե Ռոմանոս Պետրոսյանը շուտով կդառնա Առինջում գտնվող «Ծիրանի» ռեստորանային համալիրի սեփականատերը: Նշվում էր, որ Պետրոսյանը կառավարչի գործը վստահել է եղբորը, իսկ իրական տերը Պետրոսյանն է, թե մեկ այլ, ավելի խոշոր ֆիգուրի ներկայացուցիչ, առայժմ անհայտ է:

«Հրապարակված տեղեկատվությունը, թե իբր ես և իմ ընտանիքն առնչություն ունենք Կոտայքի մարզի Առինջ համայնքում գտնվող «Ծիրանի» ռեստորանային համալիրի հետ, չի համապատասխանում իրականությանը և զրպարտություն է։ Ի հավելումն, հարկ եմ համարում առանձնահատուկ շեշտել, որ ես որևէ ոլորտում չեմ տնտեսվարում և այդպիսի գործունեություն ծավալելու մտադրություններ չունեմ»,–գրել է նա։

Պետրոսյանի խոսքով` պետական վերահսկողության ոլորտում բարեփոխումների մեկնարկի և օրինականության վերականգնման այս կարևոր փուլում սա որոշ շրջանակների կողմից կանխամտածված շրջանառության մեջ դրվող տեղեկատվություն է։ Այն, ըստ նրա, նպատակ ունի հանրության շրջանում թյուրընկալումներ առաջացնել։
Լրահոս
0