«ԱՊՊԱ-ն չի թանկանալու»․ ի՞նչ էին պահանջում վարորդները Կենտրոնական բանկից

Բաժանորդագրվեք
Yandex newsTelegram
Հայաստանի ապահովագրողների բյուրոն որոշում է կայացրել վերանայել ԱՊՊԱ–ի արժեքը, ինչի արդյունքում կբարձրացվեն բազային սակագները։
ԱՊՊԱ-ի վճարների թանկացման դեմ բողոքի երկրորդ ակցիան վարորդներն այսօր իրականացրին Կենտրոնական բանկի մոտ։ Նրանք դժգոհում են նաև ապահովագրական ընկերությունների աշխատանքից։
Վարորդները «ԱՊՊԱ-ն չի թանկանալու» գրությամբ թռուցիկներ էին պահել ձեռքերում, մի մասն էլ թռուցիկները նետել էին փողոցի տարբեր մասերում՝ նաև այդպիսով արտահայտում իրենց բողոքը։
Նրանք նաև պահանջում էին հանրային քննարկումներ անցկացնել թանկացման հարցի շուրջ, իսկ որոշումն էլ՝ վերանայել։
Բողոքի ակցիա իրականացնողները նաև խոստացել են բողոքի ակցիան շարունակել Ապահովագրական բյուրոյի շենքի մոտ։
Հիշեցնենք, որ հունվարի 31-ին վարորդները ավտոերթ իրականացրին Հանրապետության հրապարակում, որից հետո 5 վարորդներ բերման ենթարկվեցին, իսկ նրանց մեքենաներն էլ երթևեկելի գոտուց ավտոքարշակներով տեղափոխվեցին այլ վայր։
Նշենք, որ Հայաստանի ապահովագրողների բյուրոն որոշում է կայացրել վերանայել ԱՊՊԱ–ի արժեքը, ինչի արդյունքում կբարձրացվեն բազային սակագները, ինչպես նաև փոփոխություններ կկատարվեն ապահովագրության արժեքի հաշվարկման համակարգում:
Լրահոս
0