https://arm.sputniknews.ru/20220203/mvoskvan-lavagujn-megapvolisn-e-kjanqi-voraki-ev-entakarucvatsqneri-zargacman-arumvov-mak-38260072.html

Մոսկվան լավագույն մեգապոլիսն է կյանքի որակի և ենթակառուցվածքների զարգացման առումով. ՄԱԿ

Մոսկվան լավագույն մեգապոլիսն է կյանքի որակի և ենթակառուցվածքների զարգացման առումով. ՄԱԿ

Sputnik Արմենիա

Ռուսաստանի մայրաքաղաքն ընդգրկվել է աշխարհի ամենաբարգավաճող մեգապոլիսների եռյակում։ 03.02.2022, Sputnik Արմենիա

2022-02-03T15:38+0400

2022-02-03T15:38+0400

2022-02-03T15:49+0400

մոսկվա

միավորված ազգերի կազմակերպություն (մակ)

քաղաք

https://cdn.am.sputniknews.ru/img/608/49/6084992_0:153:3099:1896_1920x0_80_0_0_362bcceb3b08d9879e9dc4ff97da7013.jpg

ԵՐԵՎԱՆ, 3 փետրվարի – Sputnik. «ՄԱԿ–ի քաղաքային բարգավաճման ցուցիչի» համաձայն` Մոսկվան ամենազարգացած 29 մեգապոլիսների շարքում լավագույնն է ճանաչվել 2 անվանակարգերում։ «Ցուցիչի» համալիր արդյունքների համաձայն` ՌԴ մայրաքաղաքը ներառվել է լավագույն եռյակում (Սինգապուրի և Տորոնտոյի հետ միասին)։ Լավագույն տասնյակում են նաև Սիդնեյը, Լոնդոնը, Փարիզը, Մադրիդը, Շանհայը, Հոնկոնգն ու Նյու Յորքը։«Քաղաքային բարգավաճման ցուցիչը» համալիր գործիք է, որը գնահատում և վերլուծում է աշխարհի տարբեր քաղաքների բարգավաճման մակարդակը։ Նախագիծը մշակել է UN Habitat–ը` ՄԱԿ–ի` բնակավայրերի գծով ծրագիրը, որը մեկնարկել է 1978 թվականին` նպատակ ունենալով համակարգել քաղաքային կայուն զարգացմանն ուղղված գործողությունները։«Կյանքի որակ» (Quality of life) կատեգորիայում գնահատվում է առողջապահության, կրթության, գիտության և տեխնոլոգիաների, մշակույթի ու ժամանցի, անվտանգության, ինչպես նաև հասարակական տարածքների զարգացման մակարդակը:Մոսկվան առաջին տեղն է զբաղեցրել նաև «ենթակառուցվածքային զարգացում» (Infrastructure development) կատեգորիայում։ Այստեղ գնահատվում են բնակարանային ենթակառուցվածքները, սոցիալական, տեղեկատվական և հաղորդակցության տեխնոլոգիաները, տրանսպորտային ենթակառուցվածքը, քաղաքային շարժունակության մակարդակը, միջազգային տրանսպորտային հոսքերում ներգրավվածությունը, ինչպես նաև քաղաքային տարածքի օգտագործման արդյունավետությունը։Այս կատեգորիայի առաջին հորիզոնականում Մոսկվան է, երկրորդում` Հոնկոնգը, երրորդում` Փարիզը։Մոսկվան «Կառավարում և օրենսդրություն» (Urban governance and legislation անվանակարգում ընդգրկվել է նաև աշխարհի ամենաբարգավաճող մեգապոլիսների լավագույն տասնյակում։ Այստեղ գնահատվում է քաղաքական կյանքում բնակչության մասնակցության մակարդակը, բիզնես բացելու պայմանները, քաղաքի տարածքային զարգացման կառավարումը և էլեկտրոնային կառավարության ծառայությունների զարգացման մակարդակը։ՄԱԿ–ի «Քաղաքային բարգավաճման ցուցիչը» (City Prosperity Index) առաջին անգամ հրապարակվել էր 2015 թվականին։Աշխարհի 100 լավագույն քաղաքների ցանկում Մոսկվան զբաղեցրել է չորրորդ տեղըՀետագայում ուսումնասիրությունները դադարեցվել էին։ Բայց «Ցուցիչի» մեթոդաբանության հիման վրա տարբեր տարիներին հրապարակվել են աշխարհի որոշ քաղաքների զարգացման հետազոտությունները։2022 թվականին «Քաղաքային բարգավաճման ցուցիչը» կրկին գործարկվեց։ Այս անգամ ՄԱԿ–ի փորձագետները վերլուծեցին աշխարհի 50 խոշորագույն քաղաքների ցուցանիշները։ Վերջնական ուսումնասիրությանը մասնակցեցին լավագույն 29 մեգապոլիսները` Բանգկոկը, Բոգոտան, Բուենոս Այրեսը, Հոնկոնգը, Դար էս Սալամը, Դելին, Ջակարտան, Լագոսը, Լիման, Լոնդոնը, Մադրիդը, Մեխիկոն, Մոսկվան, Նայրոբին, Նյու Յորքը, Օսական, Փարիզը, Պեկինը, Սանտյագոն, Սան Պաուլուն, Սեուլը, Սիդնեյը, Սինգապուրը, Տոկիոն, Տորոնտոն, Հոշիմինը, Շանհայը, Ուհանը և Էր Ռիադը:UN Habitat–ի և CentroEure հետազոտական կենտրոնի փորձագետները գնահատել էին այս քաղաքներն իրենց տնտեսական արդյունավետության, ենթակառուցվածքների զարգացվածության, կյանքի որակի, ինչպես նաև հավասարության և սոցիալական ներառականության, էկոլոգիական կայունության, վարչարարության և օրենսդրության առումով։ Նաև հաշվի էր առնվել այս ցուցանիշների միջև հավասարակշռության աստիճանը։

մոսկվա

2022

Լուրեր

am_HY

մոսկվա, միավորված ազգերի կազմակերպություն (մակ), քաղաք