Իտալացիները խոստացել են անասնաբուծարան ու ձկնաբուծարան հիմնել Հայաստանում

© Photo : Vahan Kerobyan/Վահան ՔերոբյանՀՀ Էկոնոմիկայի նախարար Վահան Քերոբյանը հանդիպել է իտալացի ներդրողների հետ։
ՀՀ Էկոնոմիկայի նախարար Վահան Քերոբյանը հանդիպել է իտալացի ներդրողների հետ։ - Sputnik Արմենիա, 1920, 04.02.2022
ՀՀ Էկոնոմիկայի նախարար Վահան Քերոբյանը հանդիպել է իտալացի ներդրողների հետ։
Բաժանորդագրվեք
Yandex newsTelegram
Էկոնոմիկայի նախարարը ներկայացրել է ներդրումների մասին խոստացված փաստերը։
ԵՐԵՎԱՆ, 4 փետրվարի – Sputnik. ՀՀ Էկոնոմիկայի նախարար Վահան Քերոբյանը հանդիպել է իտալացի ներդրողների հետ։
Ինչպես Facebook-ում հայտնում է նախարարը, իտալական մի քանի ընկերություններ նախատեսում են Հայաստանում նոր արտադրական ընկերություններ հիմնել։
Այսպես. 1972թ–ից ձկնաբուծությամբ զբաղվող Agroittica ընկերությունը պլանավորում է Հայաստանում 25 մլն եվրոյով կառուցել թառափի բուծարան և հիմնել սև ձկնկիթի խոշոր արտադրություն` Արմավիրի մարզում։
2007թ–ից ի վեր արևային վահանակների արտադրությամբ համաշխարհային ճանաչում ձեռք բերած Torri Solare ընկերությունը պատրաստակամություն է հայտնել Հայաստանում արևային վահանակներ արտադրող ընկերություն հիմնել։
Իտալիան շահագրգռված է ՀՀ–ի հետ ներդրումային նոր ծրագրերի քննարկմամբ և իրականացմամբ. դեսպան
Mea իտալական ընկերությունը Հայաստանում մտադիր է ներդնել մոտ 30 մլն եվրո և հիմնել տավարաբուծական խոշոր ֆերմա։ Ինչպես հայտնում է Քերոբյանը, անասնապահական ընկերությունը միաժամանակ մտադիր է նաև բիոգազի, կենսահումուսի արտադրությամբ զբաղվել ու կառուցել ժամանակակից սպանդանոց։
Անասնապահությամբ զբաղվող Cinausero Unika ընկերությունը նախատեսում է Հայաստանում հիմնել խոշոր խոզաբուծական ֆերմա։ Նախարարը հայտնում է, որ Իտալիայում գտնվող այդ ընկերության ֆերմայում ներկա պահին աշխատում է ընդամենը 3 մարդ, որոնք բուծում են 15 000 գլուխ խոզ։
Հիշեցնենք` փետրվարի 3-ին կառավարության նիստից հետո լրագրողների հետ ճեպազրույցում Վահան Քերոբյանը վստահեցրել էր, որ խոստացված ներդրումները Հայաստանում արվում են։ Էկոնոմիկայի նախարրը խոստացել էր նաև կոնկրետ փաստեր ներկայացնել։
Լրահոս
0