https://arm.sputniknews.ru/20220205/pekini-u-ashvocqi-eghanakajin-pajmannery-irar-shat-nman-en-miqajel-miqajeljan-38348792.html

«Պեկինի ու Աշոցքի եղանակային պայմանները իրար շատ նման են». Միքայել Միքայելյան

«Պեկինի ու Աշոցքի եղանակային պայմանները իրար շատ նման են». Միքայել Միքայելյան

Sputnik Արմենիա

Դահուկորդ Միքայել Միքայելյանը Sputnik Արմենիային պատմել է, թե ինչ նպատակներ ունի օլիմպիական խաղերում, խոսել է Աշոցքի և Պեկինի նմանության մասին։ 05.02.2022, Sputnik Արմենիա

2022-02-05T17:46+0400

2022-02-05T17:46+0400

2022-02-05T19:23+0400

հայաստան

տեսանյութ

դահուկ

տեսանյութեր

https://cdn.am.sputniknews.ru/img/07e6/02/05/38348130_0:0:2000:1125_1920x0_80_0_0_b53aaecd272ef9961b08130346d5e2ba.jpg

Փետրվարի 6-ին Պեկինում Հայաստանի մարզիկներից առաջինը մրցապայքարի դուրս կգա դահուկորդ Միքայել Միքայելյանը։ Նա հանդես կգա սկիատլոն մրցաձևում (15 կմ դասական ոճ + 15 կմ ազատ ոճ)։ Անդրադառնալով Պեկինում սահմանված կորոնավիրուսային սահմանափակումներին` նա նշեց, որ դրանք աննախադեպ են։ Միայն մարզումների ժամանակ է հնարավոր հանել դիմակը, բայց դահուկորդը վստահեցնում է, որ բոլորը հավասար պայմաններում են։Հայաստանի դահուկավազքի հավաքականը օլիմպիական խաղերին նախապատրաստվել է Աշոցքում։ Մեր դահուկորդը շատ նմանություններ է գտել Հայաստանի հյուսիսային սահմանների ու Չինաստանի մայրաքաղաքի կլիմայական պայմանների միջև։«Պեկինի ու Աշոցքի եղանակային պայմանները իրար շատ նման են»,– Sputnik Արմենիային ասաց նա։Միքայել Միքայելյանը, բացի սկիատլոնից, հանդես է գալու նաև դասական ոճով 15 կմ մրցատարածությունում։ Այսպիսով` հայ դահուկորդը օլիմպիական խաղերում կունենա երկու մեկնարկ։ Իսկ կանանց մրցումներում Կատյա Գալստյանն ու Անգելինա Մուրադյանը կմասնակցեն 10կմ դասական ոճում մրցատարածության մրցումներին, բացի այդ Կատյա Գալստյանը հանդես կգա սպրինտում։Հիշեցնենք` Պեկինի 24-րդ ձմեռային օլիմպիական խաղերի բացման արարողությունը կայացավ փետրվարի 4-ին, մրցումները կավարտվեն փետրվարի 20-ին։ Չինաստանի մայրաքաղաքը դարձել է պատմության մեջ առաջին քաղաքը, որն ընդունել է ամառային և ձմեռային օլիմպիական խաղերը:Հայաստանը պետք է ներկայացնեին 6 մարզիկ՝ դահուկորդներ Միքայել Միքայելյանը, Կատյա Գալստյանը, Անգելինա Մուրադյանը, լեռնադահուկորդ Հարություն Հարությունյանը, գեղասահորդներ Թինա Կարապետյանը և Սիմոն Սենեկալը: Սակայն լեռնադահուկորդ Հարություն Հարությունյանի մոտ կորոնավիրուս է հայտնաբերվել, և նա չի մեկնել Պեկին։Մրցումները կանցկացվեն ինչպես նոր օբյեկտներում, այնպես էլ արդեն գոյություն ունեցող մրցասպարեզներում։ Կօգտագործվեն նաև այն կառույցները, որոնք մնացել են 2008 թվականի ամառային օլիմպիական խաղերից հետո։Հայաստանի մարզական պատվիրակությունը Պեկին է մեկնել փետրվարի 1-ին։

2022

Լուրեր

am_HY

հայաստան, տեսանյութ, դահուկ, տեսանյութեր