https://arm.sputniknews.ru/20220209/kan-depqer-erb-drvoshy-ka-bajc-aveli-lav-e-chliner-kgms-pvokhnakharar-38475437.html
Կան դեպքեր, երբ դրոշը կա, բայց ավելի լավ է` չլիներ. ԿԳՄՍ փոխնախարար
Կան դեպքեր, երբ դրոշը կա, բայց ավելի լավ է` չլիներ. ԿԳՄՍ փոխնախարար
Sputnik Արմենիա
Պետական խորհրդանիշի նկատմամբ անհարգալից վերաբերմունքը հասել է այն մակարդակի, որ բեմում պետական դրոշը կարող է ուղղակի ոտնատակ արվել։ 09.02.2022, Sputnik Արմենիա
2022-02-09T12:54+0400
2022-02-09T12:54+0400
2022-02-09T13:18+0400
հայաստան
դրոշ
արա խզմալյան
https://cdn.am.sputniknews.ru/img/07e5/09/03/28879300_0:0:1600:901_1920x0_80_0_0_ba180b8a3328ddd5507b31cdcb2e2ff9.jpg
ԵՐԵՎԱՆ, 9 փետրվարի – Sputnik. Հայաստանում պետական խորհրդանիշների նկատմամբ հանրային վերաբերմունքի նորոգման կարիք կա։ Այսօր ԱԺ–ում «Դրոշի մասին» օրենքում ընդդիմության առաջարկած փոփոխությունների նախագծի քննարկման ժամանակ ասաց ՀՀ կրթության, գիտության, մշակույթի և սպորտի նախարարի տեղակալ Արա Խզմալյանը։Փոխնախարարը հայտնեց, որ այդ վերաբերմունքը հասել է այն մակարդակի, որ բեմում ռեժիսորական մի հանճարեղ մտահղացմամբ, պետական դրոշը կարող է ուղղակի ոտնատակ տրվել։Այս է պատճառը, որ, ըստ Խզմալյանի, կառավարությունը դրական դիրքորոշում ունի օրենսդրական փոփոխության առաջարկին։Բայց գործադիր մարմինը նաև սեփական ուղղումներ է առաջարկում ընդդիմության ներկայացրած նախագծում։ Մասնավորապես առաջարկվում է հանել այն դրույթները, որոնցում որոշակի անհստակություն կա։ Օրինակ` պարզ չէ, թե ով է պատասխանատու «հանրային վայրերին հարող շենքերի վրա պետական դրոշի տեղադրման» համար, ու որ շենքերն են համարվում «հանրային վայրերին հարող»։Նշենք, որ օրենսդրական առաջարկի հեղինակը ԱԺ «Հայաստան» խմբակցության պատգամավոր Աղվան Վարդանյանն է։ Նա առաջարկում է կրթական, մշակութային, մարզական, պետության ու համայնքի կողմից հիմնված բոլոր հաստատություններում ՀՀ պետական դրոշի գործածությունը դարձնել պարտադիր։Բացի այդ, սահմանվում է ՀՀ երեք պետական տոների` Սահմանադրության, Հանրապետության ու Անկախության օրերի ժամանակ հանրային վայրերին հարող շենքերի վրա պետական դրոշի տեղադրման կարգը։ Իսկ կարգը խախտելու համար առաջարկվում է սահմանել վարչական պատասխանատվություն` շարքային քաղաքացիների ու իրավաբանական անձանց նկատմամբ՝ 30-50, պաշտոնատար անձանց նկատմամբ՝ 70-100 հազար դրամի չափով։Հիշեցնենք, որ ԱԺ պետաիրավական հարցերի հանձնաժողովի նիստում նախագծի քննարկման ժամանակ խորհրդարանական մեծամասնությունը ևս ողջունել էր ընդդիմադիր գործընկերների առաջակը և այն ներառել ԱԺ քառօրյա նիստերի օրակարգ` պայմանով, որ առաջինից երկրորդ ընթերցման ընթացքում նախագիծը լրամշակվի։Փաշինյանի աչքից հեռու. Երևանում «սխալ» դրոշների պակաս չկա
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, դրոշ, արա խզմալյան
հայաստան, դրոշ, արա խզմալյան
Կան դեպքեր, երբ դրոշը կա, բայց ավելի լավ է` չլիներ. ԿԳՄՍ փոխնախարար
12:54 09.02.2022 (Թարմացված է: 13:18 09.02.2022) Պետական խորհրդանիշի նկատմամբ անհարգալից վերաբերմունքը հասել է այն մակարդակի, որ բեմում պետական դրոշը կարող է ուղղակի ոտնատակ արվել։
ԵՐԵՎԱՆ, 9 փետրվարի – Sputnik. Հայաստանում պետական խորհրդանիշների նկատմամբ հանրային վերաբերմունքի նորոգման կարիք կա։ Այսօր ԱԺ–ում «Դրոշի մասին» օրենքում ընդդիմության առաջարկած փոփոխությունների նախագծի քննարկման ժամանակ ասաց ՀՀ կրթության, գիտության, մշակույթի և սպորտի նախարարի տեղակալ Արա Խզմալյանը։
«Խոսվեց այն մասին, որ այսօր տարբեր կարևոր կառույցների վրա պետական դրոշ չկա, բայց ավելի վատ դեպքեր ունենք, երբ դրոշը կա, բայց ավելի լավ է` չլիներ։ Մենք շատ հաճախ ահազանգում ենք տարբեր կազմակերպությունների տնօրեններին, որ դրոշն անմիջապես փոխվի, դրոշաձողը կարգի բերվի։ Այս հարցը պետք է ամենայն խստությամբ դրվի»,– ասաց նա։
Փոխնախարարը հայտնեց, որ այդ վերաբերմունքը հասել է այն մակարդակի, որ բեմում ռեժիսորական մի հանճարեղ մտահղացմամբ, պետական դրոշը կարող է ուղղակի ոտնատակ տրվել։
Այս է պատճառը, որ, ըստ Խզմալյանի, կառավարությունը դրական դիրքորոշում ունի օրենսդրական փոփոխության առաջարկին։
Բայց գործադիր մարմինը նաև սեփական ուղղումներ է առաջարկում ընդդիմության ներկայացրած նախագծում։ Մասնավորապես առաջարկվում է հանել այն դրույթները, որոնցում որոշակի անհստակություն կա։ Օրինակ` պարզ չէ, թե ով է պատասխանատու «հանրային վայրերին հարող շենքերի վրա պետական դրոշի տեղադրման» համար, ու որ շենքերն են համարվում «հանրային վայրերին հարող»։
Նշենք, որ
օրենսդրական առաջարկի հեղինակը ԱԺ «Հայաստան» խմբակցության պատգամավոր Աղվան Վարդանյանն է։ Նա առաջարկում է կրթական, մշակութային, մարզական, պետության ու համայնքի կողմից հիմնված բոլոր հաստատություններում ՀՀ պետական դրոշի գործածությունը դարձնել պարտադիր։
Բացի այդ, սահմանվում է ՀՀ երեք պետական տոների` Սահմանադրության, Հանրապետության ու Անկախության օրերի ժամանակ հանրային վայրերին հարող շենքերի վրա պետական դրոշի տեղադրման կարգը։ Իսկ կարգը խախտելու համար առաջարկվում է սահմանել վարչական պատասխանատվություն` շարքային քաղաքացիների ու իրավաբանական անձանց նկատմամբ՝ 30-50, պաշտոնատար անձանց նկատմամբ՝ 70-100 հազար դրամի չափով։
Հիշեցնենք, որ ԱԺ պետաիրավական հարցերի հանձնաժողովի նիստում նախագծի քննարկման ժամանակ խորհրդարանական մեծամասնությունը ևս ողջունել էր ընդդիմադիր գործընկերների առաջակը և այն ներառել ԱԺ քառօրյա նիստերի օրակարգ` պայմանով, որ առաջինից երկրորդ ընթերցման ընթացքում նախագիծը լրամշակվի։
