Ազնավուրի երգի տակ սահադաշտ դուրս եկած գեղասահորդը օլիմպիական խաղերի չեմպիոն դարձավ

© Sputnik / Александр Вильф / Անցնել մեդիապահոցՆաթան Չեն
Նաթան Չեն - Sputnik Արմենիա, 1920, 10.02.2022
Նաթան Չեն
Բաժանորդագրվեք
НовостиTelegram
Ռուսաստանցի գեղասահորդներից լավագույնը Եվգենի Սեմենենկոն է, որն 8-րդ տեղն է զբաղեցրել։
ԵՐԵՎԱՆ, 10 փետրվարի - Sputnik. ԱՄՆ ներկայացուցիչ, գեղասահորդ Նաթան Չենը նվաճեց Պեկինի օլիմպիական խաղերում տղամարդկանց մենասահքի չեմպիոնի տիտղոսը։ Տեղեկությունը հայտնում է ՌԻԱ Նովոստին:
Ազատ ծրագրի համար նա ստացավ 218,63 միավոր, ընդհանուր 332,60 միավոր հավաքեց։ Ավելի վաղ կարճ ծրագրում Չենը համաշխարհային ռեկորդ էր սահմանել ու լավագույնը ճանաչվել:
Երկրորդ տեղը զբաղեցրեց ճապոնացի Ումա Կագեյաման (201,93 միավոր` ազատ ծրագրում, 310,05՝ ընդհանուր), բրոնզե մեդալակիր դարձավ նրա հայրենակից Սեմա Ունոն (187,10` ազատ ծրագրում, 293,00՝ ընդհանուր):
Ռուսաստանցիներից լավագույնը Եվգենի Սեմենենկոն էր (274,13), որն ութերորդ տեղը զբաղեցրեց:
Հիշեցնենք` 22-ամյա Նաթան Չենը, որին անվանում են «քառակի թռիչքների արքա», Պեկինի թիմային մրցաշարի շրջանակում մենասահորդ-տղամարդկանց կարճ ծրագիրը կատարել էր ֆրանսահայ շանսոնյե Շառլ Ազնավուրի «La Bohème» ստեղծագործության ներքո։ Նրա մարզիչը Ռաֆայել Հարությունյանն է։
ՌԴ գեղասահքի հավաքականին օլիմպիական մեդալներից զրկելու լուրը հայտնեցին, ապա հերքեցին
Լրահոս
0