«Կարևոր է հիշել պատմությունը»․ Հայաստանում նշել են Ռուսաստանի դիվանագիտական աշխատողի օրը
14:21 10.02.2022 (Թարմացված է: 14:30 10.02.2022)
© Sputnik / Artak Aghababyan
Բաժանորդագրվել
Հայաստանում Ռուսաստանի դեսպանը կարծում է, որ Ռուսաստանի դիվանագիտական աշխատողի օրը ընդհանուր հայ- ռուսական տոն է։
ԵՐԵՎԱՆ, 10 փետրվարի – Sputnik. Հայաստանում Ռուսաստանի դեսպանատան աշխատակիցները, ռուսական հաստատությունների ներկայացուցիչներն ու ուսանողները ՌԴ դիվանագիտական աշխատողի օրվա կապակցությամբ ծաղիկներ են խոնարհել Երևանում Ալեքսանդր Գրիբոյեդովի հուշարձանին։
«Իմ կարծիքով` շատ տրամաբանական է, որ Հայաստանում տոնն այսկերպ ենք նշում։ Շատ առումներով դա մեր ընդհանուր տոնն է, եթե հաշվի առնենք պատմական ավանդույթները, որոնք կապում են մեր ժողովուրդներին, հայերի ներդրումը Ռուսական կայսրության, Խորհրդային Միության և Ռուսաստանի Դաշնության արտաքին քաղաքականության մշակման և իրականացման գործում», - նշել է Հայաստանում Ռուսաստանի դեսպան Սերգեյ Կոպիրկինը:
Դիվանագետը պատահական չի համարել այն, որ Ալեքսանդր Գրիբոյեդովի հուշարձանը տեղադրվել է հենց Երևանում, քանի նա, որպես դիվանագետ, մեծ ներդրում ունի հայ ժողովրդի շահերի պաշտպանության, հայ ու ռուս ժողովուրդների բարեկամության գործում: Դեսպանի կարծիքով՝ Գրիբոեդովը ժողովուրդների պատմական ճակատագրերի ընդհանրության վառ խորհրդանիշներից է։
Հայաստանում Ռուսաստանի դեսպան Սերգեյ Կոպիրկինը Երևանում Ալեքսանդր Գրիբոյեդովի հուշարձանի մոտ
© Sputnik / Artak Aghababyan
«Կարևոր է, որ մենք հիշում ենք մեր պատմությունը, մարդկանց, որոնք իրենց ներդրումն են ունեցել այն աշխարհի զարգացման ու կայացման գործում, որում մենք ապրում ենք։ Այսօրվա աշխարհը պարզ չէ, լուրջ ռիսկեր ու մարտահրավերներ է պարունակում, այդ ֆոնին երևում է մեր երկրների միջև սերտ դաշնակցային հարաբերությունների պահանջվածությունը»,–նշել է Կոպիրկինը։
Հայաստանում Ռուսաստանի դեսպան Սերգեյ Կոպիրկինը Երևանում Ալեքսանդր Գրիբոյեդովի հուշարձանի մոտ
© Sputnik / Artak Aghababyan
Նա նշել է, որ դեսպանները հաճախ ականատես են լինում կարևոր և հետաքրքիր (երբեմն նաև դրամատիկ) իրադարձությունների այն երկրներում, որտեղ ծառայում են։ Եվ կարևոր է, որ նրանք խորապես ընկղմվեն իրականության և ընթացիկ քաղաքական, տնտեսական, մշակութային և սոցիալական կյանքի մեջ։
«Պետք է ձեռքը զարկերակի վրա պահել, դա հեշտ չէ, բայց աշխատանքը բազմաթիվ տպավորություններ է թողնում ու հարստացնում է»,–եզրափակել է դեսպանը:
Հայաստանում Ռուսաստանի դեսպանատան աշխատակիցները, ռուսական հաստատությունների ներկայացուցիչներն ու ուսանողները ՌԴ դիվանագիտական աշխատողի օրվա կապակցությամբ ծաղիկներ են խոնարհել Երևանում Ալեքսանդր Գրիբոյեդովի հուշարձանին։
© Sputnik / Artak Aghababyan
Նշենք, որ դիվանագիտական աշխատողի օրը սահմանվել է 2002 թվականի հոկտեմբերի 31-ին Ռուսաստանի նախագահ Վլադիմիր Պուտինի հրամանագրով: Փետրվարի 10-ն այդ տոնի համար պատահական չի ընտրվել ու կապված է Ռուսաստանի առաջին արտաքին քաղաքական գերատեսչության՝ դեսպանության հրամանի պատմության հետ: 1549-ի այս օրը դրա մասին առավել վաղ հիշատակումն է եղել, իսկ դրա առաջին ղեկավարը եղել է պետական պաշտոնյա Իվան Միխայլովիչ Վիսկովատովը (Վիսկովատի), որին Ռուսաստանի թագավոր Իվան Գրոզնին «դեսպանի գործ է հանձնարարել»։
Հայաստանում Ռուսաստանի դեսպանատան աշխատակիցները, ռուսական հաստատությունների ներկայացուցիչներն ու ուսանողները ՌԴ դիվանագիտական աշխատողի օրվա կապակցությամբ ծաղիկներ են խոնարհել Երևանում Ալեքսանդր Գրիբոյեդովի հուշարձանին։
© Sputnik / Artak Aghababyan
