Վտանգն առավել քան իրական է. Վահան Հունանյանը պատասխանել է Ադրբեջանին

© Sputnik / Andranik GhazaryanЗдание Министерства иностранных дел Армении
Здание Министерства иностранных дел Армении - Sputnik Արմենիա, 1920, 10.02.2022
Բաժանորդագրվեք
НовостиTelegram
Ադրբեջանի մշակույթի նախարարությունը հատուկ կոմիտե է ստեղծում, որը վերացնելու է ԼՂ–ում «հայերի հորինած» հետքերը, և հույսեր է փայփայում, որ ՅՈւՆԵՍԿՕ-ի առաքելությունը կարևոր նշանակություն կունենա «Հայաստանի տարածքում ադրբեջանցիների ժառանգությունը ուսումնասիրելու» առումով։
ԵՐԵՎԱՆ, 10 փետրվարի – Sputnik. Հայաստանը համարում է, որ Լեռնային Ղարաբաղի հակամարտության գոտում պետք է անհապաղ փաստահավաք առաքելություն իրականացնել։
Փետրվարի 3-ին Ադրբեջանի մշակույթի նախարարությունը հայտարարել է, թե հատուկ կոմիտե է ստեղծում, որը քայլեր կձեռնարկի Ադրբեջանի վերահսկողության տակ անցած տարածքներում «հայերի կողմից ալբանական կրոնական տաճարների վրա գրված՝ հորինված հետքերը վերացնելու համար»։ Հայտարարությունը մեծ աղմուկ ու դժգոհություն է առաջացրել։ ՀՀ ԱԳՆ մամուլի քարտուղար Վահան Հունանյանը մեկնաբանել է Ադրբեջանի մշակույթի նախարարության հայտարարությունը։
«44-օրյա պատերազմի ավարտից հետո ՅՈւՆԵՍԿՕ-ի գլխավոր քարտուղար Օդրի Ազուլեի կողմից առաջարկված` Լեռնային Ղարաբաղի հակամարտության գոտի փաստահավաք առաքելության իրականացումը համարում ենք առաջնահերթ և հրատապ։ Հայաստանը սատարում է այս առաքելության՝ հնարավորինս արագ կյանքի կոչմանը։»,–ասել է Հունանյանը։
Նա շեշտել է, որ ՅՈՒՆԵՍԿՕ-ի փաստահավաք առաքելության անհապաղ իրականացման անհրաժեշտությունն առաջացել է պատերազմի հետևանքով ադրբեջանական վերահսկողության տակ անցած տարածքներում հայկական մշակութային և կրոնական ժառանգությունը ոչնչացման վերահաս վտանգից պաշտպանելու համար:

«Հայկական հուշարձանների հանդեպ արդեն իսկ արձանագրված վանդալիզմի դեպքերը, ինչպես նաև Ադրբեջանի մշակույթի նախարարության կողմից օրեր առաջ հայկական պատմամշակութային ժառանգության ինքնությունը խեղաթյուրելուն ուղղված աշխատանքային խմբի ստեղծման ազդարարումը փաստում են, որ նման վտանգն առավել քան իրական է։ Երևան և Բաքու ՅՈւՆԵՍԿՕ-ի պատվիրակության այցելության առաջարկը դիտարկում ենք բացառապես ՅՈւՆԵՍԿՕ-ի գլխավոր քարտուղարի կողմից առաջարկված վերոնշյալ առաքելության շրջանակում»,–ընդգծել է Հունանյանը։

Փետրվարի 9-ին Ադրբեջանի մշակույթի նախարարությունը հայտարարել է, որ ողջունում է առաջիկայում Հայաստան և Ադրբեջան առաքելություն ուղարկելու պայմանավորվածությունը, որը ձեռք է բերվել ՅՈւՆԵՍԿՕ-ի հետ։ Գերատեսչությունը հույս էր հայտնել, որ ՅՈւՆԵՍԿՕ-ի առաջիկա առաքելությունը կարևոր նշանակություն կունենա «Հայաստանի տարածքում ադրբեջանական ժողովրդի ժառանգությունը մանրամասն ուսումնասիրելու, դիտարկելու և փաստաթղթավորելու առումով»:
Բաքվի նպատակն է մշակութային ցեղասպանություն իրականացնել. Խրիզանթոպուլոս
Լրահոս
0