https://arm.sputniknews.ru/20220213/tsapaharutjunneri-kariq-chka-hh-n-tshanachvel-e-hibridajin-ishkhanakarg-unecvogh-erkir-38640887.html
Ծափահարությունների կարիք չկա. ՀՀ –ն ճանաչվել է հիբրիդային իշխանակարգ ունեցող երկիր
Ծափահարությունների կարիք չկա. ՀՀ –ն ճանաչվել է հիբրիդային իշխանակարգ ունեցող երկիր
Sputnik Արմենիա
Իրավապաշտպան Վարդան Հարությունյանը Sputnik Արմենիայի եթերում անդրադարձել է The Economist մեդիաընկերության վերլուծական կենտրոնի հրապարակած ժողովրդավարության... 13.02.2022, Sputnik Արմենիա
2022-02-13T15:53+0400
2022-02-13T15:53+0400
2022-02-13T15:53+0400
ռադիո
հայաստան
պոդկաստ
ժողովրդավարություն
https://cdn.am.sputniknews.ru/img/07e6/02/0c/38619650_0:24:1601:924_1920x0_80_0_0_b8b5e6bb6851717114be6e99ad570301.jpg
Հարությունյան. «Ապրում ենք «հեղափոխական» իշխանության օրոք, բայց հին դատական համակարգի պայմաններում»
Sputnik Արմենիա
Հարությունյան. «Ապրում ենք «հեղափոխական» իշխանության օրոք, բայց հին դատական համակարգի պայմաններում»
The Economist–ի ցուցիչի համաձայն` Հայաստանը համարվում է ոչ թե լիարժեք ժողովրդավար, այլ հիբրիդային իշխանակարգ ունեցող երկիր։ Sputnik Արմենիայի հետ զրույցում վերլուծելով ստացված տվյալներն ասաց իրավապաշտպան Վարդան Հարությունյանը` հավելելով, որ ժողովրդավարության մեջ առաջընթաց ունենք ոչ թե եվրոպական զարգացած երկրների, այլ ասիական պետությունների համեմատ։Հարությունյանի խոսքով` ակնկալվում էր, որ 2018 թվականին կարձանագրվեր անհամեմատ մեծ բեկում, բայց իրադարձությունները ցույց տվեցին, որ այդ բեկումն այնքան էլ մեծ չէր, որքան ցանկանում էր մեր հասարակությունը։ Ըստ նրա` 2018-ին հաջորդած երկու համապետական ընտրությունները նախկին ընտրական գործընթացների համեմատ անցան ժողովրդավարական պայմաններում, ինչը չէր կարող իր հետքը չթողնել միջազգային մասնագիտական կառույցների գնահատականներում։Իսկ ինչ վերաբերում է ժողովրդավարության առումով իշխող քաղաքական ուժի վարկանիշի անկմանը և ՏԻՄ ընտրություններում հետզհետե մեծ դժվարությամբ հաղթանակներ տանելու իրողությանը, ապա Հարությունյանի պնդմամբ` դա նույնպես խոսում է այն մասին, որ գոյություն ունի մրցակցություն, և երբ իշխանությունները պարտվում են, ապա դա ևս ժողովրդավարության մեջ առաջընթացի ցուցիչ է։ Այդուհանդերձ իրավապաշտպանը խորհուրդ տվեց շատ չուրախանալ և չհամարել, թե արձանագրել ենք զգալի հաջողություններ։ Այն առաջընթացը, որն ունենք այսօր, մեզ սազական չէ, մենք պետք է լինեինք շատ ավելի առաջ, ուստի իշխանություններն այս դեպքում այդքան էլ հպարտանալու առիթ չունեն։«Մեր խորհրդարանի անկախության մասին խոսելը տեղին չէ, իսկ ինչ վերաբերում է դատական իշխանության շուրջ առաջացած իրավիճակին, ապա պետք է նշել, որ իշխանության այդ թևը տարիներ շարունակ Հայաստանում եղել է գործադիրի կցորդը, ընդամենը հանձնարարություններ կատարող։ Այսօր էլ այդ համակարգում մնացել են նույն դեմքերը, ովքեր նախկինում պատվերով դատավճիռներ են կայացրել։ 2018 թվականից հետո ձևավորված իշխանությունը խոստացավ գործնական քայլեր ձեռնարկել արդարադատության բնագավառը կարգի բերելու համար, սակայն խոստումները մնացին անկատար»,– նշեց իրավապաշտպանը։Հարությունյանի գնահատմամբ`այսօր մենք շարունակում ենք ապրել «հեղափոխական» իշխանության ժամանակաշրջանում, բայց միևնույն ժամանակ հին դատական համակարգի պայմաններում։ԵԽԽՎ–ը ընդունել է «Հայաստանում ժողովրդավարական ինստիտուտների գործունեությունը» բանաձևըՆշենք, որ The Economist մեդիաընկերության վերլուծական կենտրոնը հրապարակել է 2021 թվականի ժողովրդավարության ցուցիչը, որում մոլորակի պետությունները դասվում են չորս խմբերի՝ լիակատար ժողովրդավարություն, թերի ժողովրդավարություն, հիբրիդային իշխանակարգ և ավտորիտար ռեժիմ:Ըստ այդմ` Հայաստանը համարվում է հիբրիդային իշխանակարգով երկիր: Հայաստանին տրվել է ընդհանուր գնահատական՝ 5.49, որով երկիրը 2021 թվականի ժողովրդավարության ցուցիչով զբաղեցրել է 89-րդ տեղը:Հարկ է նշել, որ Հայաստանը տարածաշրջանում ունի լավագույն դիրքը: Իրավապաշտպան հեղինակավոր միջազգային կենտրոնները դեմոկրատիայի գործընթացների հարցով ամեն տարի կազմում են տարատեսակ զեկույցներ և շատ հաճախ տարածաշրջանում առաջատար է ճանաչվում Վրաստանը:
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հհ ոչ ժողովրդավար հիբրիդային իշխանակարգ երկիր
հհ ոչ ժողովրդավար հիբրիդային իշխանակարգ երկիր
Ծափահարությունների կարիք չկա. ՀՀ –ն ճանաչվել է հիբրիդային իշխանակարգ ունեցող երկիր
Իրավապաշտպան Վարդան Հարությունյանը Sputnik Արմենիայի եթերում անդրադարձել է The Economist մեդիաընկերության վերլուծական կենտրոնի հրապարակած ժողովրդավարության ցուցիչին, ըստ որի` Հայաստանը մեր տարածաշրջանում ունի լավագույն դիրքը:
The Economist–ի ցուցիչի համաձայն` Հայաստանը համարվում է ոչ թե լիարժեք ժողովրդավար, այլ հիբրիդային իշխանակարգ ունեցող երկիր։ Sputnik Արմենիայի հետ զրույցում վերլուծելով ստացված տվյալներն ասաց իրավապաշտպան Վարդան Հարությունյանը` հավելելով, որ ժողովրդավարության մեջ առաջընթաց ունենք ոչ թե եվրոպական զարգացած երկրների, այլ ասիական պետությունների համեմատ։
«Այն, որ Հայաստանը ժողովրդավարության առումով տարածաշրջանում ունի լավագույն դիրքը և գրանցում է առաջընթաց ժողովրդավարության չափորոշիչներում, անշուշտ ուրախացնող հանգամանք է, մենք երկար տարիներ երազել ենք այդ մասին, պայքարել ենք դրա համար։ Սակայն այսօր մեր երկիրը հաջողություններ է արձանագրում հսկայական անհաջողություններ գրանցած պետությունների համեմատ, ուստի բարձրաձայն ծափահարությունների կարիք չկա»,– ասաց իրավապաշտպանը։
Հարությունյանի խոսքով` ակնկալվում էր, որ 2018 թվականին կարձանագրվեր անհամեմատ մեծ բեկում, բայց իրադարձությունները ցույց տվեցին, որ այդ բեկումն այնքան էլ մեծ չէր, որքան ցանկանում էր մեր հասարակությունը։ Ըստ նրա` 2018-ին հաջորդած երկու համապետական ընտրությունները նախկին ընտրական գործընթացների համեմատ անցան ժողովրդավարական պայմաններում, ինչը չէր կարող իր հետքը չթողնել միջազգային մասնագիտական կառույցների գնահատականներում։
Իսկ ինչ վերաբերում է ժողովրդավարության առումով իշխող քաղաքական ուժի վարկանիշի անկմանը և ՏԻՄ ընտրություններում հետզհետե մեծ դժվարությամբ հաղթանակներ տանելու իրողությանը, ապա Հարությունյանի պնդմամբ` դա նույնպես խոսում է այն մասին, որ գոյություն ունի մրցակցություն, և երբ իշխանությունները պարտվում են, ապա դա ևս ժողովրդավարության մեջ առաջընթացի ցուցիչ է։ Այդուհանդերձ իրավապաշտպանը խորհուրդ տվեց շատ չուրախանալ և չհամարել, թե արձանագրել ենք զգալի հաջողություններ։ Այն առաջընթացը, որն ունենք այսօր, մեզ սազական չէ, մենք պետք է լինեինք շատ ավելի առաջ, ուստի իշխանություններն այս դեպքում այդքան էլ հպարտանալու առիթ չունեն։
«Մեր խորհրդարանի անկախության մասին խոսելը տեղին չէ, իսկ ինչ վերաբերում է դատական իշխանության շուրջ առաջացած իրավիճակին, ապա պետք է նշել, որ իշխանության այդ թևը տարիներ շարունակ Հայաստանում եղել է գործադիրի կցորդը, ընդամենը հանձնարարություններ կատարող։ Այսօր էլ այդ համակարգում մնացել են նույն դեմքերը, ովքեր նախկինում պատվերով դատավճիռներ են կայացրել։ 2018 թվականից հետո ձևավորված իշխանությունը խոստացավ գործնական քայլեր ձեռնարկել արդարադատության բնագավառը կարգի բերելու համար, սակայն խոստումները մնացին անկատար»,– նշեց իրավապաշտպանը։
Հարությունյանի գնահատմամբ`այսօր մենք շարունակում ենք ապրել «հեղափոխական» իշխանության ժամանակաշրջանում, բայց միևնույն ժամանակ հին դատական համակարգի պայմաններում։
Նշենք, որ The Economist մեդիաընկերության վերլուծական կենտրոնը հրապարակել է 2021 թվականի ժողովրդավարության ցուցիչը, որում մոլորակի պետությունները դասվում են չորս խմբերի՝ լիակատար ժողովրդավարություն, թերի ժողովրդավարություն, հիբրիդային իշխանակարգ և ավտորիտար ռեժիմ:
Ըստ այդմ` Հայաստանը համարվում է հիբրիդային իշխանակարգով երկիր: Հայաստանին տրվել է ընդհանուր գնահատական՝ 5.49, որով երկիրը 2021 թվականի ժողովրդավարության ցուցիչով զբաղեցրել է 89-րդ տեղը:
Հարկ է նշել, որ Հայաստանը տարածաշրջանում ունի լավագույն դիրքը: Իրավապաշտպան հեղինակավոր միջազգային կենտրոնները դեմոկրատիայի գործընթացների հարցով ամեն տարի կազմում են տարատեսակ զեկույցներ և շատ հաճախ տարածաշրջանում առաջատար է ճանաչվում Վրաստանը:
