Պատերազմում պարտության քաղաքական և ռազմական պատճառները. Քոչարյանը հայտնեց` ինչը կքննեն

© Sputnik / Aram NersesyanՇուշին` ադրբեջանական տիրապետության տակ
Շուշին` ադրբեջանական տիրապետության տակ - Sputnik Արմենիա, 1920, 14.02.2022
Շուշին` ադրբեջանական տիրապետության տակ
Բաժանորդագրվեք
НовостиTelegram
44-օրյա պատերազմի հանգամանքներն ուսումնասիրող քննիչ հանձնաժողովը կանդրադառնա նաև բանակցային գործընթացին և 44-օրյա պատերազմի ավարտին։
ԵՐԵՎԱՆ, 14 փետրվարի – Sputnik. ԱԺ 44-օրյա պատերազմի հանգամանքներն ուսումնասիրող քննիչ հանձնաժողովը կքննի 2020 թվականի սեպտեմբերի 27-ի ռազմական գործողությունների սանձազերծման նախադրյալները, պատճառներն ու պայմանները, պատերազմի ժամանակագրությունը, հայկական կողմի կրած կորուստները: Առաջին նիստի ժամանակ հայտարարեց ԱԺ պաշտպանության և անվտանգության հարցերի մշտական հանձնաժողովի նախագահ Անդրանիկ Քոչարյանը։
Հայտնել էինք, որ չնայած այն հանգամանքին, որ հանձնաժողովի անդրանիկ նիստին ընդդիմադիրները ներկա էին, սակայն նրանք հայտարարեցին, որ կասկածում են ներկայիս իշխանության օրոք նման հանձնաժողովի օբյեկտիվության վրա և լքեցին նիստը։

«Հանձնաժողովը կքննի նաև պատերազմի ժամանակ արձանագրված անհաջողությունների քաղաքական և ռազմական պատճառները և դրանց նպաստող պայմանները»,–ասաց Քոչարյանը։

Նա հայտնեց, որ քննության առարկա կդառնա նաև պաշտպանության ոլորտի ղեկավարման և կառավարման համակարգը, պատերազմին նախորդող ժամանակահատվածում պաշտպանության ոլորտում սահմանված նախապատրաստական գործողությունների ընթացքը։ Բացի այդ, կքննվի զինվորական ղեկավար մարմինների և պաշտոնատար անձանց գործողությունները, ընդունած որոշումների օպերատիվությունը, դրանց համապատասխանությունը և համարժեքությունը ստեղծված օպերատիվ ռազմական իրավիճակին։
Քոչարյանի խոսքով` կուսումնասիրեն ռազմական գործողությունների ընթացքում և դրանից հետո հարուցված քրեական գործերում ռազմական իրադարձությունները հաստատող կամ հերքող փաստական հանգամանքները։ Զինված ուժերի ապահովման, թիկունքային սպառազինության, մարտական պատրաստության, մարտական հերթապահության կրման կանոնների կատարման, զորքերի համալրման, հետախուզական գործունեության վիճակը նույնպես քննության առարկա կդառնա։
Ի վերջո, հանձնաժողովը կանդրադառնա նաև բանակցային գործընթացին և 44-օրյա պատերազմի ավարտին։
Գաղտնիության ամենաբարձր ռեժիմի փաստաթղթերը հասանելի են լինելու հանձնաժողովին. Քոչարյան
Լրահոս
0