«Գրանդ Սպորտի» կին աշխատակցին առաջինը վրաերթի ենթարկած վարորդը ինքնակամ ներկայացել է
16:52 16.02.2022 (Թարմացված է: 17:01 16.02.2022)
© Photo : official site of the Investigative Committee of RAՎրաերթ Արշակունյաց պողոտայում (16 փետրվարի 2022)․ Երևան
Բաժանորդագրվել
Կրկնակի վրաերթի հետևանքով ստացած մարմնական վնասվածքներից հետիոտնը տեղում մահացել էր:
ԵՐԵՎԱՆ, 16 փետրվարի – Sputnik. ՀՀ քննչական կոմիտեն հայտնում է Արշակունյաց պողոտայում տեղի ունեցած դաժան ավտովթարի մանրամասները, որի հետևանքով «Գրանդ Սպորտի» կին աշխատակիցը մահացել էր։
Նախնական տվյալներով՝ այսօր, ժամը 06:20-ի սահմաններում, Երևան քաղաքի Արշակունյաց պողոտայի և Հրանտ Վարդանյան փողոցի խաչմերուկում, ավտոմեքենայի վարորդը վրաերթի է ենթարկել հետիոտնին և թողնելով ճանապարհատրանսպորտային պատահարի վայրը՝ հեռացել է, որից հետո «Մերսեդես-Բենց» մակնիշի ավտոմեքենայի վարորդը վրաանցման է ենթարկել նույն հետիոտնին։
Արդյունքում՝ ստացած մարմնական վնասվածքներից նշված հետիոտնը տեղում մահացել է:
«Նույն օրը՝ ժամը 09:10-ին, ՀՀ ոստիկանության Երևան քաղաքի Շենգավիթի բաժին է ներկայացել է 45-ամյա տղամարդը և տվել ինքնախոստովանական ցուցմունք՝ հայտնելով, որ նշված օրը՝ ժամը 06:15-ի սահմաններում, Արշակունյաց պողոտայում տեղի ունեցած վրաերթն ինքն է կատարել իր վարած «Օպել» մակնիշի ավտոմեքենայով»,–նշված է հաղորդագրության մեջ:
© Photo : official site of the Investigative Committee of RAՎրաերթ Արշակունյաց պողոտայում (16 փետրվարի 2022)․ Երևան
Վրաերթ Արշակունյաց պողոտայում (16 փետրվարի 2022)․ Երևան
ՀՀ քննչական կոմիտեիում հարուցվել է քրեական գործ` ՀՀ քրեական օրենսգրքի 242-րդ հոդվածի 2-րդ մասով (Ճանապարհային երթևեկության և տրանսպորտային միջոցների շահագործման կանոնները խախտելը), 244-րդ հոդվածի 1-ին մասով (Ճանապարհատրանսպորտային պատահարի վայրը թողնելը) հարուցված քրեական գործով իրականացվում են քննչական և դատավարական այլ գործողություններ՝ դեպքի հանգամանքները պարզելու ուղղությամբ:
© Photo : official site of the Investigative Committee of RAՎրաերթ Արշակունյաց պողոտայում (16 փետրվարի 2022)․ Երևան
Վրաերթ Արշակունյաց պողոտայում (16 փետրվարի 2022)․ Երևան
Նախաքննությունը շարունակվում է:
Ավելի վաղ հայտնել էինք, որ «Մերսեդես-Բենց» մակնիշի ավտոմեքենայի վարորդը չէր լքել դեպի վայրը, զանգահարել էր շտապօգնություն։