Դատավոր Բորիս Բախշիյանը կմնա կալանքի տակ. դատարանը մերժել է պաշտպանի միջնորդությունը

© Photo : official site of the President of RAԴատավոր Բորիս Բախշիյան նախագահական նստավայրում երբդման արարողության ժամանակ (8 հուլիսի, 2020թ). Երևան
Դատավոր Բորիս Բախշիյան նախագահական նստավայրում երբդման արարողության ժամանակ (8 հուլիսի, 2020թ). Երևան - Sputnik Արմենիա, 1920, 16.02.2022
Բաժանորդագրվեք
Yandex newsTelegram
Սյունիքի մարզի ընդհանուր իրավասության դատարանի դատավորի պաշտպանը հայտնել է, որ իրենց միջնորդությունը չի բավարարվել։
ԵՐԵՎԱՆ, 16 փետրվարի – Sputnik. Երևանի ընդհանուր իրավասության դատարանը մերժել է Սյունիքի մարզի ընդհանուր իրավասության դատարանի դատավոր Բորիս Բախշիյանի նկատմամբ ընտրված խափանման միջոց կալանավորումը գրավով փոխարինելու` պաշտպանական կողմի միջնորդությունը։ Տեղեկությունը Facebook–ի իր էջում հայտնել է Բախշիյանի պաշտպան Արսեն Սարդարյանը։

«Գրավի միջնորդությունը մերժվեց»,–հակիրճ գրել է Սարդարյանը։

Հիշեցնենք, որ Սյունիքի մարզի ընդհանուր իրավասության դատարանի դատավոր Բորիս Բախշիյանը կալանավորվել է փետրվարի 7-ին։ Դրանից հետո պաշտպանները միջնորդություն էին ներկայացրել, որպեսզի խափանման միջոց կալանքը փոխվի։
Հավելենք, որ Բախշիյանը Սիսական ջոկատի հրամանատար Աշոտ Մինասյանի (Աշոտ Երկաթ) գործը քննող դատավորն էր։ Նրա որոշմամբ Մինասյանը կալանքից ազատվեց հունվարի 26-ին։
Դատավորի դեմ քրեական հետապնդում իրականացնելու գործընթաց է սկսվել ՀՀ քրեական օրենսգրքի 348-րդ հոդվածի 3-րդ մասի (անձին ապօրինի կալանավորելու հատկանիշներով, որն առաջացրել է ծանր հետևանք) հատկանիշներով հարուցված քրգործի շրջանակներում։
Լրահոս
0