https://arm.sputniknews.ru/20220216/hanrutjan-shrjanum-datavtshirneri-nkatmamb-vstahutjuny-petq-e-eapes-metsana-pashinjan-38764661.html
Հանրության շրջանում դատավճիռների նկատմամբ վստահությունը պետք է էապես մեծանա. Փաշինյան
Հանրության շրջանում դատավճիռների նկատմամբ վստահությունը պետք է էապես մեծանա. Փաշինյան
Sputnik Արմենիա
ՀՀ վարչապետ Նիկոլ Փաշինյանին հայտնել են, որ 2021 թվականին ստուգվել և վերլուծվել է 210-ից ավելի պաշտոնատար անձի հայտարարագիր։ 139-ը եղել են դատավորներ։ 16.02.2022, Sputnik Արմենիա
2022-02-16T20:17+0400
2022-02-16T20:17+0400
2022-02-16T20:22+0400
նիկոլ փաշինյան
հակակոռուպցիոն կոմիտե
դատավոր
հայաստան
https://cdn.am.sputniknews.ru/img/07e6/02/10/38764006_0:39:1670:978_1920x0_80_0_0_d2300b19742b171bff88d75bf31aecc7.jpg
ԵՐԵՎԱՆ, 16 փետրվարի – Sputnik. Հակակոռուպցիոն, դատական ոլորտներում բարեփոխումների արդյունքում պետք է հանրության շրջանում էապես մեծանա դատական վճիռների նկատմամբ վստահությունը: Հակակոռուպցիոն քաղաքականության խորհրդի հերթական նիստի ժամանակ նման կարծիք է հայտնել վարչապետ Նիկոլ Փաշինյանը, տեղեկանում ենք վարչապետի աշխատակազմից։Նիստի ժամանակ անդրադարձ է կատարվել ԳՐԵԿՈ-ի և Տնտեսական համագործակցության զարգացման կազմակերպության՝ ՀՀ 2021-ի գնահատման արդյունքների վերաբերյալ առաջարկություններին: Դրանք առնչվել են կոռուպցիայի կանխարգելման հանձնաժողովի, դատախազության, քննչական մարմինների, ԱԺ–ի գործունեությանն ու առանձին գործառույթների իրականացմանը:Վարչապետին տեղեկացրել են, որ 2021 թվականին ստուգվել և վերլուծվել է 210-ից ավելի պաշտոնատար անձի հայտարարագիր, որից 139-ը եղել են դատավորներ: Հավելյալ ստուգվել են նաև վերոնշյալ պաշտոնատար անձանց ընտանիքների անդամների հայտարարագրերը: Արդյունքում հարուցվել են կարգապահական վարույթներ, որոշ գործեր էլ ուղարկվել են դատախազություն:Նախորդ տարվա ընթացքում կոռուպցիայի կանխարգելման հանձնաժողովի կողմից ուսումնասիրվել է անհամատեղելիության պահանջների և շահերի բախման 45 դեպք, որոնցից 15-ը՝ մեդիա հրապարակումների հիման վրա:Ովքեր են արժեթղթերի իրական սեփականատերերը. Հակակոռուպցիոն կոմիտեն իրավունք կունենա ճշտելՎերոնշյալ հիմքով հարուցվել է 3 վարույթ: Միաժամանակ իրականացվել է պետական պաշտոնի հավակնող 103 անձի բարեվարքության ուսումնասիրություն, տրվել են համապատասխան եզրակացություններ:Հիշեցնենք, որ հակակոռուպցիոն քաղաքականության խորհուրդը ստեղծվել է 2019-ի հունիսի 24-ի որոշմամբ։ Խորհրդի առաջին նիստը կայացել է 2019-ի հուլիսի 12-ին, որի ժամանակ էլ Փաշինյանը հայտարարել էր` Հայաստանի կառավարության և խորհրդարանական մեծամասնության համար աներկբա է կոռուպցիայի դեմ ամենակոշտ ձևերով պայքար մղելը։
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
նիկոլ փաշինյան, հակակոռուպցիոն կոմիտե, դատավոր, հայաստան
նիկոլ փաշինյան, հակակոռուպցիոն կոմիտե, դատավոր, հայաստան
Հանրության շրջանում դատավճիռների նկատմամբ վստահությունը պետք է էապես մեծանա. Փաշինյան
20:17 16.02.2022 (Թարմացված է: 20:22 16.02.2022) ՀՀ վարչապետ Նիկոլ Փաշինյանին հայտնել են, որ 2021 թվականին ստուգվել և վերլուծվել է 210-ից ավելի պաշտոնատար անձի հայտարարագիր։ 139-ը եղել են դատավորներ։
ԵՐԵՎԱՆ, 16 փետրվարի – Sputnik. Հակակոռուպցիոն, դատական ոլորտներում բարեփոխումների արդյունքում պետք է հանրության շրջանում էապես մեծանա դատական վճիռների նկատմամբ վստահությունը: Հակակոռուպցիոն քաղաքականության խորհրդի հերթական նիստի ժամանակ նման կարծիք է հայտնել վարչապետ Նիկոլ Փաշինյանը, տեղեկանում ենք
վարչապետի աշխատակազմից։
Նիստի ժամանակ անդրադարձ է կատարվել ԳՐԵԿՈ-ի և Տնտեսական համագործակցության զարգացման կազմակերպության՝ ՀՀ 2021-ի գնահատման արդյունքների վերաբերյալ առաջարկություններին: Դրանք առնչվել են կոռուպցիայի կանխարգելման հանձնաժողովի, դատախազության, քննչական մարմինների, ԱԺ–ի գործունեությանն ու առանձին գործառույթների իրականացմանը:
«Մեր խնդիրն է միջազգային հեղինակավոր կազմակերպությունների կողմից տրվող վարկանիշներում Հայաստանի իմիջը շարունակական բարձրացնել, այնպես որ, պետք է այս հարցում լինենք մաքսիմալ հետևողական»,-ասել է Փաշինյանը:
Վարչապետին տեղեկացրել են, որ 2021 թվականին ստուգվել և վերլուծվել է 210-ից ավելի պաշտոնատար անձի հայտարարագիր, որից 139-ը եղել են դատավորներ: Հավելյալ ստուգվել են նաև վերոնշյալ պաշտոնատար անձանց ընտանիքների անդամների հայտարարագրերը: Արդյունքում հարուցվել են կարգապահական վարույթներ, որոշ գործեր էլ ուղարկվել են դատախազություն:
Նախորդ տարվա ընթացքում կոռուպցիայի կանխարգելման հանձնաժողովի կողմից ուսումնասիրվել է անհամատեղելիության պահանջների և շահերի բախման 45 դեպք, որոնցից 15-ը՝ մեդիա հրապարակումների հիման վրա:
Վերոնշյալ հիմքով հարուցվել է 3 վարույթ: Միաժամանակ իրականացվել է պետական պաշտոնի հավակնող 103 անձի բարեվարքության ուսումնասիրություն, տրվել են համապատասխան եզրակացություններ:
Հիշեցնենք, որ հակակոռուպցիոն քաղաքականության խորհուրդը ստեղծվել է 2019-ի հունիսի 24-ի որոշմամբ։
Խորհրդի առաջին նիստը կայացել է 2019-ի հուլիսի 12-ին, որի ժամանակ էլ Փաշինյանը հայտարարել էր` Հայաստանի կառավարության և խորհրդարանական մեծամասնության համար աներկբա է կոռուպցիայի դեմ ամենակոշտ ձևերով պայքար մղելը։
