Թուրքիան սպառնում է պատերազմով. Հունաստանի արտգործնախարար

© Sputnik / Пресс-служба МИД РФ / Անցնել մեդիապահոցՀունաստանի արտաքին գործերի նախարար Նիկոս Դենդիասը ռուս գործընկերոջ հետ համատեղ մամուլի ասուլիսի ժամանակ (26 հոկտեմբերի, 2020թ․)․ Աթենք
Հունաստանի արտաքին գործերի նախարար Նիկոս Դենդիասը ռուս գործընկերոջ հետ համատեղ մամուլի ասուլիսի ժամանակ (26 հոկտեմբերի, 2020թ․)․ Աթենք - Sputnik Արմենիա, 1920, 18.02.2022
Հունաստանի արտաքին գործերի նախարար Նիկոս Դենդիասը ռուս գործընկերոջ հետ համատեղ մամուլի ասուլիսի ժամանակ (26 հոկտեմբերի, 2020թ․)․ Աթենք
Բաժանորդագրվեք
НовостиTelegram
Հունաստանի արտգործնախարարը վստահեցնում է, որ իր երկիրը կպաշտպանի ինքնիշխանությունը, ազգային շահերն ու արժանապատվությունը։
ԵՐԵՎԱՆ, 18 փետրվարի – Sputnik. Թուրքիան շարունակում է որոշ վիճելի կղզիների հավակնել և հիմա մարտական պատրաստականություն մեջ է։ Պատերազմի վտանգ կա։ Նման հայտարարություն է արել Հունաստանի ԱԳ նախարար Նիկոս Դենդիասը Մոսկվայում ՌԴ արտգործնախարար Սերգեյ Լավրովի հետ բանակցություններից հետո կայացած ճեպազրույցի ժամանակ։ Տեղեկությունը հայտնում է ՌԻԱ Նովոստին։
Հույն նախարարը Թուրքիային մեղադրել է ագրեսիվ և ապակայունացնող վարքագիծը շարունակելու մեջ։

«Միգուցե Թուրքիան օգտվում է այն հանգամանքից, որ բոլորի ուշադրությունն այլ երկրի վրա է, և առաջ է քաշում Հունաստանի ինքնիշխանության ուղղված անիրատեսական ու անօրինական պահանջները»,- ասել է Հունաստանի արտգործնախարարը։

Միաժամանակ Դենդիասն ընդգծել է, որ Հունաստանն անշեղորեն պահպանելու է իր վարած քաղաքականությանը և հանդես է գալու միջազգային իրավունքի վրա հիմնված կառուցողական երկխոսության օգտին։
«Բնականաբար, մենք պաշտպանելու ենք մեր ինքնիշխանությունը, ազգային շահերն ու արժանապատվությունը՝ դիմակայելով ցանկացած սպառնալիքի»,- հավելել է նախարարը։
1995 թվականին, երբ Հունաստանի խորհրդարանը վավերացրեց UNCLOS կոնվենցիան, Անկարան հայտարարեց` եթե Հունաստանն իր տարածքային ջրերը Էգեյան ծովում 6 ծովային մղոնից հասցնի 12–ի, ապա դա կհամարվի Թուրքիայի ազգային ինքնիշխանության խախտում և կվերածվի casus belli–ի`պատերազմ հայտարարելու պատճառի։
Հունաստանի և Թուրքիայի հարաբերությունները վերջին տարիներին լրջորեն վատթարացել են տարածքային վեճերի պատճառով։ Երկու երկրները չեն կարողանում պայմանավորվել ծովային գոտիների շուրջ։
Իսպանիան որոշել է հարձակողական զենք չմատակարարել Թուրքիային. Հունաստանի արտգործնախարար
Լրահոս
0