Պուտինն Անվտանգության խորհրդի արտահերթ նիստ է գումարել. գլխավոր ասելիքը
18:53 21.02.2022 (Թարմացված է: 18:54 21.02.2022)
Ռուսաստանի նախագահ Վլադիմիր Պուտինը Գերմանիայի կանցլերի հետ համատեղ մամուլի ասուլիսի ժամանակ (15 փետրվարի, 2022թ)․ Մոսկվա. Արխիվային լուսանկար
© Sputnik / Сергей Гунеев
Բաժանորդագրվել
Ռուսաստանի նախագահ Վլադիմիր Պուտինը Դոնբասում իրավիճակի հարցով Անվտանգության խորհրդի արտահերթ նիստ է անցկացնում։ Ներկայացնում ենք գլխավոր թեզերը:
ԵՐԵՎԱՆ, 21 փետրվարի – Sputnik. Անվտանգության խորհրդի այսօրվա նիստի նպատակն է որոշել Դոնբասի վերաբերյալ քայլերը, նկատի ունենալով նաև ԴԺՀ-ի և ԼԺՀ-ի՝ իրենց ինքնիշխանությունը ճանաչելու մասին խնդրանքը։
ԴԺՀ-ի ու ԼԺՀ-ի ճանաչման հարցերը սերտորեն կապված են աշխարհում ու մասնավորապես՝ Եվրոպայում անվտանգության ապահովման գլոբալ խնդիրների հետ։
Ռուսաստանն ի սկզբանե ամեն ինչ արել է Դոնբասում հակասությունները խաղաղ ճանապարհով լուծելու համար։
Իրադարձությունների ընթացքը ցույց է տալիս, որ Ուկրաինայի ներկայիս իշխանությունը չի պատրաստվում կատարել Մինսկի համաձայնագրերը։ Ավելին՝ բազմիցս հրապարակավ հայտարարել է այդ մասին։
Վտանգ է առաջանում, որ Կիևը կսկսի հետ գրավել Ղրիմը, քանի որ նրանք չեն ճանաչում երկրամասը ՌԴ-ի կազմում, իսկ ՆԱՏՕ-ն կընդգրկվի այդ իրադարձությունների մեջ։
Կիևի իշխանությունը երկու անգամ պատժիչ գործողություններ է իրականացրել Դոնբասում, այժմ սրացումը երրորդ անգամ է տեղի ունենում։
Եթե Ուկրաինան ՆԱՏՕ-ի անդամ դառնա, Ռուսաստանի համար սպառնալիքները բազմակի անգամ կմեծանան։ Բայդենը հավաստիացրել է, որ Ուկրաինային չի պատրաստվում վաղը ՆԱՏՕ ընդունել, ավելին՝ հնարավոր է մորատորիում դրվի, նրանք կարծում են, որ Ուկրաինան այսօր պատրաստ չէ։ Դա ոչ թե զիջում է մեզ, այլ Արևմուտքի ծրագրերի իրականացում։
ԱՄՆ-ն հեշտությամբ հրաժարվում է ցանկացած համաձայնությունից, ցանկացած փաստաթղթից, որոնք ստորագրում է։
Պուտինը խնդրել է Լավրովին ու Կոզակին զեկուցել Դոնբասի իրադրության վերաբերյալ իրենց գնահատականների մասին։
ՌԴ արտգործնախարար Սերգեյ Լավրովն ասել է, որ Արևմուտքը պատրաստ չէ ընդունել ՆԱՏՕ-ի չընդլայնման վերաբերյալ Ռուսաստանի առաջարկները։ ԱՄՆ-ն ամեն կերպ փորձում է շրջանցել անվտանգության անբաժանելիության առանցքային սկզբունքը, որին Մոսկվան ակտիվորեն հղում է անում։
Դմիտրի Կոզակն իր հերթին նշել է, որ ո՛չ Ուկրաինային, ո՛չ Արևմուտքին Դոնբասը պետք չէ, նրանք ուզում են սառեցնել իրավիճակը։ Նա կրկնել է, որ Դոնբասի շուրջ բանակցային գործընթացն այժմ զրոյական մակարդակի վրա է, ինչպես 2015 թվականին։ Կոզակի խոսքով՝ Ուկրաինան Դոնբասի համար հատուկ կարգավիճակի հնարավորություն չի տեսնում։
