https://arm.sputniknews.ru/20220223/arman-tatojany-voch-miajn-ankakh-ajlev-erjanik-ombudsman-e-eghel-iravapashtpan--39021963.html
Արման Թաթոյանը ոչ միայն անկախ, այլև երջանիկ օմբուդսման է եղել. իրավապաշտպան
Արման Թաթոյանը ոչ միայն անկախ, այլև երջանիկ օմբուդսման է եղել. իրավապաշտպան
Sputnik Արմենիա
Իրավապաշտպան Վարդան Հարությունյանը Sputnik Արմենիայի եթերում անդրադարձել է ՀՀ մարդու իրավունքների պաշտպան Արման Թաթոյանի վեցամյա գործունեությանը և գնահատել նրա... 23.02.2022, Sputnik Արմենիա
2022-02-23T22:26+0400
2022-02-23T22:26+0400
2022-02-23T22:26+0400
ռադիո
պոդկաստ
հհ միպ
արման թաթոյան
https://cdn.am.sputniknews.ru/img/07e6/02/17/39022398_0:103:1000:666_1920x0_80_0_0_2e89770166ce7975430433d60a023154.jpg
Հարությունյան. Արման Թաթոյանը ոչ միայն անկախ, այլև երջանիկ օմբուդսման է եղել
Sputnik Արմենիա
Հարությունյան. Արման Թաթոյանը ոչ միայն անկախ, այլև երջանիկ օմբուդսման է եղել
Առաջին պահից, երբ ՄԻՊ–ի գրասենյակը ձևավորվեց ՀՀ–ում, ակնհայտ էր, որ դառնալու է իշխանությունների կցորդը։ Այդպես են աշխատել բոլոր օմբուդսմանները և միայն դեպքից դեպք եղել են ուրախացնող օրինակներ։ Արման Թաթոյանը ոչ միայն անկախ, այլև երջանիկ օմբուդսման է եղել, որովհետև նրան նշանակած իշխանությունը կարճ ժամանակ անց այլևս չի պաշտոնավարել, Sputnik Արմենիայի հետ զրույցում ասաց իրավապաշտպան Վարդան Հարությունյանը։«Երբ Արման Թաթոյանը նշանակվեց այդ պաշտոնում, ի սկզբանե մեծ ակնկալիքներ չեմ ունեցել` մտածելով, որ իշխանությունների հերթական կադրն է և կաշխատի այնքան, որքան կկարողանա, սակայն 2018 թվականի իրադարձությունները ահագին բան փոխեցին Հայաստանում ու նաև ՄԻՊ–ի գրասենյակի կյանքում։ ՄԻՊ գրասենյակը Թաթոյանի պաշտոնավարման տարիներին ունեցել է դիմումների, բողոքների շեշտակի աճԱրման Թաթոյանը լինելով օմբուդսման` արդեն չէր հանդիսանում իշխանության դրածո, ինչը նրան հնարավորություն տվեց գործել բավականին ազատ, և նա այդ հնարավորությունից օգտվեց, իսկ Արցախյան 44-օրյա պատերազմի ընթացքում և դրանից հետո Թաթոյանն իրեն դրսևորել է շատ լավ»,– ասաց իրավապաշտպանը։Անդրադառնալով այն հանգամանքին, որ ՄԻՊ–ի գրասենյակը Թաթոյանի պաշտոնավարման տարիներին ունեցել է դիմումների, բողոքների շեշտակի աճ, Հարությունյանն ընգծեց, որ մարդու իրավունքների բոլոր պաշտպաններն էլ ստացել են մեծաքանակ բողոքներ, ինչը բնական է, որովհետև Հայաստանում մարդու իրավունքների խախտումները համատարած բնույթ են կրել և այսօր էլ , ցավոք, նույն իրավիճակն է։Ըստ նրա` բողոքները հիմնականում վերաբերում են քաղաքացի–պետություն փոխհարաբերություններին` սկսած քաղաքապետարաններից, վերջացրած թաղապետարաններով։Հարությունյանի համոզմամբ` ՔՊ–ի կողմից օմբուդսմանի պաշտոնում ընտրված Քրիստինե Գրիգորյանը չի կարողանա նշաձողը բարձր պահել, որովհետև մարդու իրավունքների պաշտպանը չպետք է լինի առանձին քաղաքական թիմի ներկայացուցիչ։ Ըստ նրա` երբ Հայաստանում ի սկզբանե մտածում էին տվյալ համակարգի ներդրման մասին, նշվում էր, որ օմբուդսմանը պետք է լինի հեղինակավոր անձ, հասարակությանը հայտնի դեմք, իսկ եթե մարդը պատահականորեն կամ հանգամանքների բերումով է զբաղեցնում այդ պաշտոնը` լինելով որևէ քաղաքական թիմի սիրելին կամ նախընտրելի թեկնածուն, քիչ հավանական է, որ անկախ լինի։Նշենք, որ Արման Թաթոյանը Մարդու իրավունքների պաշտպան է ընտրվել 2016 թվականի փետրվարի 23-ին։ Օրենքով վեց տարի անց՝ 2022 թվականի նույն օրը, լրացել է նրա լիազորությունների ժամկետը։«Քաղաքացիական պայմանագիրն» այս պաշտոնում արդեն ընտրել է Քրիստինե Գրիգորյանին։
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
պոդկաստ, հհ միպ, արման թաթոյան, аудио
պոդկաստ, հհ միպ, արման թաթոյան, аудио
Արման Թաթոյանը ոչ միայն անկախ, այլև երջանիկ օմբուդսման է եղել. իրավապաշտպան
Իրավապաշտպան Վարդան Հարությունյանը Sputnik Արմենիայի եթերում անդրադարձել է ՀՀ մարդու իրավունքների պաշտպան Արման Թաթոյանի վեցամյա գործունեությանը և գնահատել նրա աշխատանքն այդ պաշտոնում։
Առաջին պահից, երբ ՄԻՊ–ի գրասենյակը ձևավորվեց ՀՀ–ում, ակնհայտ էր, որ դառնալու է իշխանությունների կցորդը։ Այդպես են աշխատել բոլոր օմբուդսմանները և միայն դեպքից դեպք եղել են ուրախացնող օրինակներ։ Արման Թաթոյանը ոչ միայն անկախ, այլև երջանիկ օմբուդսման է եղել, որովհետև նրան նշանակած իշխանությունը կարճ ժամանակ անց այլևս չի պաշտոնավարել,
Sputnik Արմենիայի հետ զրույցում ասաց իրավապաշտպան Վարդան Հարությունյանը։
«Երբ Արման Թաթոյանը նշանակվեց այդ պաշտոնում, ի սկզբանե մեծ ակնկալիքներ չեմ ունեցել` մտածելով, որ իշխանությունների հերթական կադրն է և կաշխատի այնքան, որքան կկարողանա, սակայն 2018 թվականի իրադարձությունները ահագին բան փոխեցին Հայաստանում ու նաև ՄԻՊ–ի գրասենյակի կյանքում։
Արման Թաթոյանը լինելով օմբուդսման` արդեն չէր հանդիսանում իշխանության դրածո, ինչը նրան հնարավորություն տվեց գործել բավականին ազատ, և նա այդ հնարավորությունից օգտվեց, իսկ Արցախյան 44-օրյա պատերազմի ընթացքում և դրանից հետո Թաթոյանն իրեն դրսևորել է շատ լավ»,– ասաց իրավապաշտպանը։
Անդրադառնալով այն հանգամանքին, որ ՄԻՊ–ի գրասենյակը Թաթոյանի պաշտոնավարման տարիներին ունեցել է դիմումների, բողոքների շեշտակի աճ, Հարությունյանն ընգծեց, որ մարդու իրավունքների բոլոր պաշտպաններն էլ ստացել են մեծաքանակ բողոքներ, ինչը բնական է, որովհետև Հայաստանում մարդու իրավունքների խախտումները համատարած բնույթ են կրել և այսօր էլ , ցավոք, նույն իրավիճակն է։
Ըստ նրա` բողոքները հիմնականում վերաբերում են քաղաքացի–պետություն փոխհարաբերություններին` սկսած քաղաքապետարաններից, վերջացրած թաղապետարաններով։
«Չեմ կարող պնդել, որ ՄԻՊ–ի գրասենյակն այսօր լիարժեքորեն կայացած կառույց է, եթե այդպիսին լիներ, ուրեմն Թաթոյանին հաջորդող օմբուդսմանը նույնպես պետք է լիներ անկախ կամ դրսևորեր որոշակի անկախություն։ Եթե տվյալ ինստիտուտն իսկապես կայացել է և արդեն կայուն համակարգ է, ապա ղեկավարն իրոք կլինի անկախ։ Ընդհանուր առմամբ Հայաստանում գրեթե չկան կայացած ինստիտուտներ և ՄԻՊ–ի գրասենյակն առանձնացնել լոկ այն պատճառաբանությամբ, որ Թաթոյանը կարողացել է անկախություն դրսևորել, չափազանցված է»,– ասաց իրավապաշտպանը։
Հարությունյանի համոզմամբ` ՔՊ–ի կողմից օմբուդսմանի պաշտոնում ընտրված Քրիստինե Գրիգորյանը չի կարողանա նշաձողը բարձր պահել, որովհետև մարդու իրավունքների պաշտպանը չպետք է լինի առանձին քաղաքական թիմի ներկայացուցիչ։
Ըստ նրա` երբ Հայաստանում ի սկզբանե մտածում էին տվյալ համակարգի ներդրման մասին, նշվում էր, որ օմբուդսմանը պետք է լինի հեղինակավոր անձ, հասարակությանը հայտնի դեմք, իսկ եթե մարդը պատահականորեն կամ հանգամանքների բերումով է զբաղեցնում այդ պաշտոնը` լինելով որևէ քաղաքական թիմի սիրելին կամ նախընտրելի թեկնածուն, քիչ հավանական է, որ անկախ լինի։
Նշենք, որ Արման Թաթոյանը Մարդու իրավունքների պաշտպան է ընտրվել 2016 թվականի փետրվարի 23-ին։ Օրենքով վեց տարի անց՝ 2022 թվականի նույն օրը, լրացել է նրա լիազորությունների ժամկետը։
«Քաղաքացիական պայմանագիրն» այս պաշտոնում արդեն ընտրել է Քրիստինե Գրիգորյանին։
