https://arm.sputniknews.ru/20220223/manvel-grigorjani-eghborvordu-nkatmamb-1994in-harucvats-qrgortsn-ugharkvel-e-nvor-qnnutjan-39029327.html
Մանվել Գրիգորյանի եղբորորդու նկատմամբ 1994–ին հարուցված քրգործն ուղարկվել է նոր քննության
Մանվել Գրիգորյանի եղբորորդու նկատմամբ 1994–ին հարուցված քրգործն ուղարկվել է նոր քննության
Sputnik Արմենիա
Գոռ Աբրահամյանը հայտնում է, որ ՀՀԿ–ական նախկին պատգամավորի դեմ հարուցված քրգործում նոր հանգամանքներ են ի հայտ եկել։ 23.02.2022, Sputnik Արմենիա
2022-02-23T21:38+0400
2022-02-23T21:38+0400
2022-02-23T21:40+0400
սպանություն
մանվել գրիգորյան
դատ
քրեական գործ
հհ դատախազություն
https://cdn.am.sputniknews.ru/img/07e6/02/0c/38625564_0:169:1100:788_1920x0_80_0_0_27a4c0e53f5e414ac423a5d6951fae2a.jpg
ԵՐԵՎԱՆ, 23 փետրվարի – Sputnik. Գրեթե 28 տարի առաջ կատարված սպանության գործը կուղարկվի նոր քննության, տեղեկությունը ֆեյսբուքյան իր էջում հայտնել է ՀՀ գլխավոր դատախազի խորհրդական Գոռ Աբրահամյանը։Խոսքը, մասնավորապես, Էջմիածնի բնակիչ, գործարար Էդուարդ Պողոսյանի հոր՝ Մհեր Պողոսյանի մահվան գործի մասին է, որով անցնում է ԵԿՄ նախկին նախագահ, ԱԺ նախկին պատգամավոր Մանվել Գրիգորյանի եղբորորդին՝ ՀՀԿ-ական նախկին պատգամավոր Հրանտ Գրիգորյանը։Այսպես, Աբրահամյանը հայտնում է, որ ՀՀ վերաքննիչ քրեական դատարանն այսօր որոշում է կայացրել բավարարել դատախազի բողոքը, և 1994թ. ապրիլի 16-ին Արմավիրի Տարոնիկ գյուղի տարածքում գործող ռեստորանային համալիրում Մհեր Պողոսյանի սպանության գործն ուղարկել դատարան նոր քննության։ Երևանում սպանությունների թիվը շեշտակի աճել է. գլխավոր դատախազն ահազանգում էԱբրահամյանը հիշեցնում է, որ 1994թ. դեկտեմբերի 19-ին՝ 1 օրվա ընթացքում քննելով Մհեր Պողոսյանի սպանության գործը՝ Աշտարակի շրջանային ժողդատարանը դատավճիռ էր կայացրել, որով Հրանտ Գրիգորյանին մեղավոր էր ճանաչել ՀՀ քրեական օրենսգրքի 259.1-րդ հոդվածի «Բ» կետով նախատեսված հանցագործություն կատարելու (զենքի, զինամթերքի, պայթուցիկ և այլ նյութերի ու առարկաների հետ վարվելու կանոնների խախտման համար)։ Գրիգորյանին դատապարտել էին 1 տարի ժամկետով ազատազրկման:2018թ. հուլիսին սպանվածի որդին՝ Էդուարդ Պողոսյանը, դիմել էր ոստիկանություն և ասել, որ հորը դիտավորյալ սպանել է Հրանտ Գրիգորյանը, սակայն դեպքի իրական հանգամանանքները խեղաթյուրվել են:Նա հավելել է, որ Պողոսյանի անվամբ ՊՆ վարչություններից մեկում կազմվել է անձնական գործ, ապա ՀՀ երկրորդ նախագահ Ռոբերտ Քոչարյանի կողմից Պողոսյանին հետմահու շնորհվել է Արիության մեդալ: Ելնելով նախաքննության արդյունքներից՝ ՀՀ զինվորական կենտրոնական դատախազությունը 2018թ. դեկտեմբերի 10-ին որոշել էր վարույթ հարուցել: 2019թ. փետրվարի 20-ին ՀՀ զինվորական դատախազ, ՀՀ գլխավոր դատախազի տեղակալ Վահե Հարությունյանը գործն ուղարկել էր Վերաքննիչ՝ խնդրելով վերանայել Աշտարակի շրջանային ժողդատարանի 1994թ. դատավիճռը և գործն ուղարկել նոր քննության: Վերաքննիչը բավարարել էր զինդատախազի բողոքը: Սպանություն Վանաձորում. 76-ամյա տղամարդը սպանել է կնոջը, ապա մասնատել մարմինըՍակայն գործի նախապատրաստական փուլում Արմավիրի մարզի ընդհանուր իրավասության առաջին ատյանի դատարանն էլ իր հերթին բավարարել է Հրանտ Գրիգորյանի պաշտպանի միջնորդությունը՝ 2021թ. հուլիսի 23-ին որոշում կայացնելով քրգործի վարույթը կարճել՝ քրեական պատասխանատվության ենթարկելու վաղեմության ժամկետն անցած լինելու հիմքով: Հենց այս որոշումն էլ բողոքարկել էր ՀՀ գլխավոր դատախազը, և Վերաքննիչը բավարարել է բողոքը։Հիշեցնենք, որ Հրանտ Գրիգորյանը պատգամավոր է ընտրվել 1999-ին` լինելով «Միասնություն» խմբակցության, ապա «Հայաստան» պատգամավորական խմբի անդամ: Իսկ, ահա, 2003-ից 2014 թվականն արդեն իսկ ՀՀԿ շարքերով է խորհրդարանականների կազմում եղել։
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
սպանություն, մանվել գրիգորյան, դատ, քրեական գործ, հհ դատախազություն
սպանություն, մանվել գրիգորյան, դատ, քրեական գործ, հհ դատախազություն
Մանվել Գրիգորյանի եղբորորդու նկատմամբ 1994–ին հարուցված քրգործն ուղարկվել է նոր քննության
21:38 23.02.2022 (Թարմացված է: 21:40 23.02.2022) Գոռ Աբրահամյանը հայտնում է, որ ՀՀԿ–ական նախկին պատգամավորի դեմ հարուցված քրգործում նոր հանգամանքներ են ի հայտ եկել։
ԵՐԵՎԱՆ, 23 փետրվարի – Sputnik. Գրեթե 28 տարի առաջ կատարված սպանության գործը կուղարկվի նոր քննության,
տեղեկությունը ֆեյսբուքյան իր էջում հայտնել է ՀՀ գլխավոր դատախազի խորհրդական Գոռ Աբրահամյանը։
Խոսքը, մասնավորապես, Էջմիածնի բնակիչ, գործարար Էդուարդ Պողոսյանի հոր՝ Մհեր Պողոսյանի մահվան գործի մասին է, որով անցնում է ԵԿՄ նախկին նախագահ, ԱԺ նախկին պատգամավոր Մանվել Գրիգորյանի եղբորորդին՝ ՀՀԿ-ական նախկին պատգամավոր Հրանտ Գրիգորյանը։
Այսպես, Աբրահամյանը հայտնում է, որ ՀՀ վերաքննիչ քրեական դատարանն այսօր որոշում է կայացրել բավարարել դատախազի բողոքը, և 1994թ. ապրիլի 16-ին Արմավիրի Տարոնիկ գյուղի տարածքում գործող ռեստորանային համալիրում Մհեր Պողոսյանի սպանության գործն ուղարկել դատարան նոր քննության։
Աբրահամյանը հիշեցնում է, որ 1994թ. դեկտեմբերի 19-ին՝ 1 օրվա ընթացքում քննելով Մհեր Պողոսյանի սպանության գործը՝ Աշտարակի շրջանային ժողդատարանը դատավճիռ էր կայացրել, որով Հրանտ Գրիգորյանին մեղավոր էր ճանաչել ՀՀ քրեական օրենսգրքի 259.1-րդ հոդվածի «Բ» կետով նախատեսված հանցագործություն կատարելու (զենքի, զինամթերքի, պայթուցիկ և այլ նյութերի ու առարկաների հետ վարվելու կանոնների խախտման համար)։ Գրիգորյանին դատապարտել էին 1 տարի ժամկետով ազատազրկման:
2018թ. հուլիսին սպանվածի որդին՝ Էդուարդ Պողոսյանը, դիմել էր ոստիկանություն և ասել, որ հորը դիտավորյալ սպանել է Հրանտ Գրիգորյանը, սակայն դեպքի իրական հանգամանանքները խեղաթյուրվել են:
«ՔԿ զինվորական քննչական գլխավոր վարչությունում սկսված նախաքննության ընթացքում իրականացված քննչական գործողությունների արդյունքում հայտնաբերված տվյալները վկայում էին, որ Հրանտ Գրիգորյանը 1994թ. ապրիլի 16-ին սպանել է Մհեր Պողոսյանին, սակայն նա դատապարտվել է զենքի հետ վարվելու կանոնները խախտելու համար։ Նշված հանգամանքը թաքցնելու նպատակով ՀՀ պաշտպանության փոխնախարարի ստորագրությամբ տրվել է գրություն, իբր Պողոսյանը զոհվել է մարտական գործողությունների ժամանակ»,–գրել է Աբրահամյանը։
Նա հավելել է, որ Պողոսյանի անվամբ ՊՆ վարչություններից մեկում կազմվել է անձնական գործ, ապա ՀՀ երկրորդ նախագահ Ռոբերտ Քոչարյանի կողմից Պողոսյանին հետմահու շնորհվել է Արիության մեդալ:
Ելնելով նախաքննության արդյունքներից՝ ՀՀ զինվորական կենտրոնական դատախազությունը 2018թ. դեկտեմբերի 10-ին որոշել էր վարույթ հարուցել: 2019թ. փետրվարի 20-ին ՀՀ զինվորական դատախազ, ՀՀ գլխավոր դատախազի տեղակալ Վահե Հարությունյանը գործն ուղարկել էր Վերաքննիչ՝ խնդրելով վերանայել Աշտարակի շրջանային ժողդատարանի 1994թ. դատավիճռը և գործն ուղարկել նոր քննության: Վերաքննիչը բավարարել էր զինդատախազի բողոքը:
Սակայն գործի նախապատրաստական փուլում Արմավիրի մարզի ընդհանուր իրավասության առաջին ատյանի դատարանն էլ իր հերթին բավարարել է Հրանտ Գրիգորյանի պաշտպանի միջնորդությունը՝ 2021թ. հուլիսի 23-ին որոշում կայացնելով քրգործի վարույթը կարճել՝ քրեական պատասխանատվության ենթարկելու վաղեմության ժամկետն անցած լինելու հիմքով: Հենց այս որոշումն էլ բողոքարկել էր ՀՀ գլխավոր դատախազը, և Վերաքննիչը բավարարել է բողոքը։
Հիշեցնենք, որ Հրանտ Գրիգորյանը պատգամավոր է ընտրվել 1999-ին` լինելով «Միասնություն» խմբակցության, ապա «Հայաստան» պատգամավորական խմբի անդամ: Իսկ, ահա, 2003-ից 2014 թվականն արդեն իսկ ՀՀԿ շարքերով է խորհրդարանականների կազմում եղել։
